CD-PRAYER-Q-17
R3657 [col. 2:1-3]: –
இராஜாவினிடத்தில் அணுகுவதற்கு, வேறு எந்த வழியும் இல்லாததினால், எஸ்தர் தனது உயிரை பணையம் வைப்பதற்கு அறிவுறுத்தப்பட்டாள். இதினிமித்தம் அரண்மனையிலுள்ள அனைத்து யூதர்களும் மூன்று நாட்கள் உபவாசித்து ஜெபிக்கும்படிக்கு மொர்தெகாயினிடம் சொல்லி அனுப்பினாள். அவர்கள் மூன்று நாட்களும் புசியாமலும் குடியாமலும் இருந்திருப்பார்கள் என்று நாம் நினைக்க முடியாது. ஆனால் அவர்கள் தங்களை மகிழ்விக்கும் எல்லாவற்றையும், சகல ஆடம்பரங்களையும் தவிர்த்திருப்பார்கள். இந்த காரியம் (ஜெபமும், உபவாசமும்) ஆண்டவர் மீது விசுவாசம் கொண்ட அனைத்து யூதர்களும் பாலஸ்தீனத்திற்கு திரும்பவில்லை என்று நமக்கு உறுதியளிக்கிறது. இவ்விதமாக, சிலர் இன்னும் ஆசியா முழுவதிலும் சிதறியிருக்கின்றனர். (சுமார் 100 வருடங்களுக்கு முன் எழுதப்பட்டது.) இவ்வாறு சந்தேகமில்லாமல் இந்த சந்தர்ப்பத்தில், எஸ்தர், மெர்தெகாய் மற்றும் அனைத்து யூதர்களுக்கும் விதிவிலக்கான இந்த சோதனை, ஒரு மிகபெரிய ஆசீர்வாதமாகவும், அவர்களின் விசுவாசத்திற்கு பலமாகவும் நிரூபிக்கப்பட்டது.
மூன்றாம் நாளின் முடிவில் இராணி, தன்னால் முடிந்த வரைக்கும் மிக கவர்ச்சிகரமாக தோற்றம் அளிப்பதற்கு அவரது சிறந்த இராஜரீக ஆடையை அணிந்தவளாக, இராஜாவினிடம் அணுகினாள். இவ்வாறு எஸ்தர் இராஜாத்தி தன்னுடைய ஞானத்தை பயன்படுத்தி, தெய்வீக வழிநடத்துதலுக்காகவும், ஆசீர்வாதங்களுக்காகவும் அவளுடைய ஜெபங்களோடு ஒத்துழைத்தார். இராஜா அவளுக்கு மிகவும் கரிசனையுள்ளவராக, தன்னிடமாக இருந்த பொற்செங்கோலை அவள் தொடும்படியாக அவளிடம் நீட்டினார். பின்னர் அவள் வேண்டுகோளின் சில அவசர காரியங்களை அவள் கொண்டு வந்திருப்பதை உணர்ந்து, அவளுக்கு என்ன செய்யவேண்டும் என்று விசாரித்தார். அவரது இராஜ்யத்தில் பாதி வேண்டுமானாலும் எடுத்துக்கொள்ளும்படிக்கு உறுதியளித்தார். ஆயினும் இது மிகுந்த ஆர்வத்தை குறிக்கும் ஒரு சாதாரண முறை என்று குறிப்பிடப்படுவது சந்தேகமில்லை.
ராணியின் திட்டங்கள் அனைத்தும் நன்கு திட்டமிடப்பட்டு அறியப்பட்டிருந்தாலும், அந்நேரத்தில் அவள் வயது பதினைந்து மட்டுமே. சந்தேகமில்லாமல், ஆண்டவர் அவளுக்கு தேவையான ஞானத்தை அத்தருணத்தில் அவளுக்கு அருளினார். அவள் தன்னுடைய வேண்டுகோலை கூறாமல், இராஜாவின் ஆர்வத்தை அதிகரிக்கும்படியாக, முதலில் இராஜாவை கனப்படுத்தும்படியாக அவள் ஏற்பாடு செய்திருந்த விருந்துக்கு வரும்படிக்கு அவருக்கும், அவருடைய நம்பகமான அதிகாரி ஆமானுக்கு அழைப்பு தந்தாள். அந்த நியமனம் வைக்கப்பட்டிருந்தது. அந்த விருந்தில் ராணி மீண்டுமாக தன்னுடைய கோரிக்கை தள்ளிவைத்து, தன்னுடைய உண்மையான ஆசைகளை பற்றி கூறுவதற்கு மறுநாளிலும் அவர்களை கௌரவிக்கும்படியாக ஏற்பாடு செய்யப்படும் விருந்துக்கு அந்த இரண்டு பேருக்கும் அழைப்பு கொடுத்தாள். இதுவும் ஏற்றுக்கொள்ளப்பட்டது. ஆவிக்குரிய இஸ்ரயேலரில் ஆண்டவருடைய சில அருமையான ஜனங்கள் கொஞ்சம் அதிகபடியாகவே சென்று, ஆண்டவர் மேல் நம்பிக்கை கொண்டவர்களாக, அவர்கள் விரும்பும் காரியத்தைப் பெற்றுக்கொள்வதற்கு ஒன்றும் செய்யாமல் இருக்கிறார்கள். எஸ்தரின் பாதையானது ஒரு சிறந்த உதாரணம் என்று நாம் நம்புகிறோம். நாம் விழித்திருந்து ஜெபிக்கவேண்டும். முயற்சித்து, காத்திருக்கவேண்டும். சர்ப்பத்தைப் போல வினாவுள்ளவர்களாகவும், புறாவைப் போல கபடற்றவர்களாகவும் இருக்கவேண்டும். முடிவுகளுக்காக ஆண்டவர் மேல் நம்பிக்கை வைக்கும் போது, நம் குறைபாடுகள் அனைத்தையும் அவர் நிறைவாக்குவார் என்ற உறுதியோடும், அதேநேரத்தில் முடிந்தவரையில் குறைபாடுகளை குறைத்து, நம்முடைய முழு பலத்தோடு முயற்சிக்கவேண்டும்.
E224 [2] through E225 [2]: –
தம்முடைய பிள்ளைகள் வேறொரு தேவனை கேட்பதை பரலோக தந்தை எந்த விதத்திலும் பிரியப்படமாட்டார் என்று வேத வசனங்களின் ஆராய்ச்சி காட்டுகிறது. திரித்துவத்தின் சமமான கடவுள்களில் மூன்றாவது நபர், அத்தகைய சிந்தனை அந்த பகுதிக்கும் அதன் தொடர்புடையதற்கும் விரும்பதகாததும், ஒவ்வாததுமாக உள்ளது. இத்தகைய தவறான கண்ணோட்டத்தில் ஆர்வமுள்ளவர்கள், உண்மையாகவே இந்த வாக்குத்தத்தத்தின் வல்லமைக்கும், சத்தியத்தின் உண்மைக்கும் குருடாகவே இருக்கிறார்கள். ஒரு சரிசமநிலையான திரியேகத் தேவர்களின் ஓர் உறுப்பினர், இன்னொருவரை பூமிக்குரிய பெற்றோர்கள் தங்கள் பிள்ளைகளுக்கு அப்பம், மீன் மற்றும் முட்டைகள் கொடுப்பது போன்று மூன்றாம் நபருக்குக் கொடுக்க இயலும் மற்றும் சித்தமுள்ளவராய் இருக்கிறார் என்று குறிப்பிட்டால் அது மெய்யாகவே விநோதமாகவே இருக்கும். (முந்தைய வசனம் காண்க) பரிசுத்த ஆவி, ஒரு தெய்வீக சிந்தை அல்லது தேவனுடைய பிள்ளைகளுக்கு ஆறுதலையும், ஆவிக்குரிய வளர்ச்சியை ஏற்படுத்தும் தாக்கம் என்று சரியாக புரிந்துக்கொள்ளப்பட்டால் மட்டுமே, இந்த முழு வேத பகுதியும் உறுதிப்படும்.
பூமிக்குரிய அன்பான பெற்றோர் தங்களுடைய பிள்ளைகளுக்கு இயற்கையான உணவை கொடுப்பதற்கும், நம்முடைய அன்பான பரலோக பிதா அவரிடம் கேட்பவர்களுக்கு பரிசுத்த ஆவியை கொடுப்பதற்கும் இடையில் ஒரு ஒப்பீட்டை நம்முடைய பகுதி கொடுக்கிறது. பூமிக்குரிய பெற்றோர் அவருடைய குடும்பத்திற்கு தேவையான உணவை ஏற்பாடு செய்தாலும், அதை அவர்கள் மீது கட்டாயப்படுத்தாதது போல, நம்முடைய பரலோக பிதாவும், அவருடைய ஆவிக்குரிய குடும்பத்தாருக்கு, அவருடைய கிருபையின் நன்மையான ஏற்பாடுகளையும் வைத்திருக்கிறார். ஆனால் அவைகளை அவர்கள் மேல் கட்டாயப்படுத்துவதில்லை. அவைகளுக்காக நாம் பசி தாகமுள்ளவர்களாக இருக்கவேண்டும். சந்தேகமில்லாமல், அவர் நமக்கு நன்மையான ஈவுகளை கொடுப்பதற்கு அவர் விருப்பமுள்ளவராக இருக்கும்பட்சத்தில் நாம் அவைகளை தேட வேண்டும். எனவே நாம் பரிசுத்த ஆவிக்காகவும், ஆண்டவரின் ஆவியினால் நிரப்பப்படுவதற்காகவும் ஜெபிக்கும்போது. நம்மை சுற்றி பார்த்து, இந்த ஜெபங்களுக்கான பதில்களை நாம் பெறுவதற்காக தேவன் செய்திட்ட ஏற்பாடுகளை கண்டறிந்துக்கொண்டு. இவ்வாறாக அவர் நமக்களித்த உற்சாகத்தையும் வழிக் காட்டுதல்களையும் பயன்படுத்திக்கொள்ளவேண்டும்.
இந்த ஒரு ஏற்பாட்டை நாம் சத்திய வார்த்தைகளில் காணலாம். அவைகள் எங்கு காணப்படுகிறது என்று கண்டுபிடிப்பது போதுமானதாக இல்லாமல், நாம் தேவ ஆவியினால் நிரப்பப்படுவதற்கு விரும்பினால், நாம் புசிக்கவேண்டும், உறுதியாக நாம் விருந்தில் பங்கு கொள்ளவேண்டும் இல்லாவிட்டால், அவைகளை நாம் உண்டு அடையக்கூடிய திருப்தியான அனுபவத்தை பெறமுடியாது. மேஜை நிறைய இருப்பதை முழுமையாக புசியாதவர்கள், உண்மையில் போஜனம் இல்லாததுபோல, பசியோடும் பட்டினியோடும் இருப்பார்கள். உணவுக்கான ஆசீர்வாதங்களை கேட்பது நம்மை நிரப்பாது, ஆனால் அதற்குபின் தேவனுடைய வார்த்தையில் உள்ளவைகளையும், நம்முடைய வேண்டுதலின் பலிகளும் ஆவியினால் நிரப்பப்படுவதற்கு நாம் அதில் பங்கெடுக்கவேண்டும். அதுவும் நமக்கு போதுமானது அல்ல, தேவனுடைய வார்த்தைகளிலிருந்து அவருடைய ஆவியை நாம் பெற்றுக்கொள்வதற்கு நாம் தேவனுடைய வார்த்தைகளை உட்கொள்ளவேண்டும்.
“ஆவியே உயிர்ப்பிக்கிறது. மாம்சமானது ஒன்றுக்கும் உதவாது; நான் உங்களுக்குச் சொல்லுகிற வசனங்கள் ஆவியாயும் ஜீவனாயும் இருக்கிறது.” (யோவான் 6:63) என்று நம்முடைய ஆண்டவர் அறிவித்திருக்கிறார். மேலும் தேவனுடைய ஆவியினால் நிரப்பப்பட்ட அனைவரும் “உம்முடைய வார்த்தைகள் கிடைத்தவுடனே அவைகளை உட்கொண்டேன்; உம்முடைய வார்த்தைகள் எனக்குச் சந்தோஷமும், என் இருதயத்துக்கு மகிழ்ச்சியுமாயிருந்தது; சேனைகளின் தேவனாகிய கர்த்தாவே, உம்முடைய நாமம் எனக்குத் தரிக்கப்பட்டிருக்கிறது. நான் தூதனிடத்தில் போய்: அந்தச் சிறு புஸ்தகத்தை எனக்குத் தாரும் என்றேன். அதற்கு அவன்: நீ இதை வாங்கிப் புசி, இது உன் வயிற்றுக்குக் கசப்பாயிருக்கும், ஆகிலும் உன் வாய்க்கு இது தேனைப்போல மதுரமாயிருக்கும் என்றான். (எரேமியா 15:16 வெளிப்படுத்தல் 10:9 என்று தீர்க்கதரிசி உண்மையாக கூறுகிறார். நம்மை நிரப்பக்கூடிய ஆவியை கொடுக்கும் சத்தியத்தின் வார்த்தைகளை நாம் புறக்கணித்து, ஆண்டவரே எங்களுக்கு உம்முடைய ஆவியை தாரும் என்று அவரிடம் ஜெபிப்பது முற்றிலும் பயனற்றதாக இருக்கும். நாம் தேவ ஆவியைப் பெறுவதற்கு வெறுமனே ஜெபித்து, அந்த சத்திய ஆவியை பெறுவதற்கு சரியான வழிமுறைகளை பயன்படுத்தவில்லை என்றால், ஆண்டவர் கொடுத்திருக்கும் சத்திய வார்த்தைகளின் வழியாக, அவரோடு தொடர்பு கொள்வதற்கான ஆதாரமாக, உள்ளார்ந்த சாட்சிக்கு பதிலாக வெளிப்புறமான அடையாளங்களை தேடிக்கொண்டு, நாம் தொடர்ந்து” கிறிஸ்துவுக்குள் குழந்தைகளாகவே” இருப்போம்.