“1 பேதுரு 5:5 – “அந்தப்படி, இளைஞரே, மூப்பருக்குக் கீழ்ப்படியுங்கள். நீங்களெல்லாரும் ஒருவருக்கொருவர் கீழ்ப்படிந்து, மனத்தாழ்மையை அணிந்துகொள்ளுங்கள், பெருமையுள்ளவர்களுக்கு தேவன் எதிர்த்து நிற்கிறார், தாழ்மையுள்ளவர்களுக்கோ கிருபை அளிக்கிறார்.”

நீதி 3:34 – “இகழ்வோரை அவர் இகழுகிறார், தாழ்மையுள்ளவர்களுக்கோ கிருபையளிக்கிறார்.”

நீதி 6:16-19 – “ஆறு காரியங்களைக் கர்த்தர் வெறுக்கிறார், ஏழும் அவருக்கு அருவருப்பானவைகள். அவையாவன- மேட்டிமையான கண், பொய்நாவு, குற்றமற்றவர்களுடைய இரத்தம் சிந்துங் கை, துராலோசனையைப் பிணைக்கும் இருதயம், தீங்கு செய்வதற்கு விரைந்தோடுங்கால், அபத்தம்பேசும் பொய்ச்சாட்சி, சகோதரருக்குள்ளே விரோதத்தை உண்டுபண்ணுதல் ஆகிய இவைகளே.”

R2204 [col.1,P5,6]

பரீபூரணமான அன்பு சாந்தமுள்ளது – “அது தன்னை புகழாது.” தனக்குமுன் எக்காளம் ஊதுவியாது. எந்த நற்கிரியைகளையும் மனுஷரின் பார்வையில் நடத்தப்படாமல் தேவனுக்கு மட்டுமே வெளிப்படுத்தப்படும். மேலும் தான் பெற்ற ஞானத்தைக் குறித்து பெருமை பாராட்டாது. ஆனால் மனத்தாழ்மையில் பெற்ற ஒவ்வொரு நல்ல குணங்களும், பூரணமான ஈவுகளும் பரலோக பிதாவினிடத்தில் வருகிறதாக இருக்கிறது.

பூரண அன்பு அடக்கமுள்ள நற்பண்புள்ளது – பெருமை என்னும் வேரிலிருந்து வளர்ச்சி அடையும் அநேக முரட்டு குணங்களை உடையவர்கள், தங்களை அதிக ஞானமுள்ளர்கள் என்றும், அல்லது மிகுந்த ஐசுவரியவான்கள் என்றும் எண்ணுகிறார்கள். அதேநேரத்தில் அன்பு அடக்கமான பண்போடு, சாந்தத்தையும் சேர்த்து வளர்த்துக்கொள்கிறது. சின்ன சின்ன காரியங்களை அன்போடு செயல்படுத்துவதே சாந்தம் என்று ஒருவர் கூறுகிறார். அதேபோல சின்ன சின்ன காரியங்களில் அன்பாக இருப்பதே பணிவு என்றும் சொல்லப்படுகிறது. ஆகவே பண்புள்ள ஒருவர் சகல காரியங்களையும் அன்போடு நடப்பிப்பார்.

R2060 [col. 2, point # 7]

இறுமாப்புள்ளவர்கள், தேவனுடைய பிள்ளையாக ஜீவிப்பது என்பது மிக கடினம். தங்களுடைய இருதயத்தின் எண்ணங்களின் சுத்திகரிப்பை தடுத்துவிடும். மேலும், தேவனுடைய காரியங்களில் மற்றவர்களுக்கு உதவி செய்வதையும் தடைசெய்யும். ஏனெனில் – “பெருமையுள்ளவர்களுக்கு தேவன் எதிர்த்து நிற்கிறார். தாழ்மையுள்ளவர்களுக்கு கிருபையளிக்கிறார்.” என்று தேவன் தம்முடைய வார்த்தைகளை எச்சரிப்பாக கொடுத்திருக்கிறார்.

தன்னம்பிக்கைக்குப் பதிலாக, தன்னம்பிக்கையற்ற நிலையை ஞானம் நமக்குள் வளர்த்துவிடுகிறது. அது நமக்குள் இருக்கும் பலவீனத்தையும், அபூரணத்தையும் சீர்த்தூக்கி காண்பித்து, ஒவ்வொரு முறையும் தேவனுடைய கிருபை, செயலாற்றும் விதத்தையும் நமக்கு சுட்டிக்காட்டி, நாம் அவர் மேல் வைக்கவேண்டிய நம்பிக்கையையும், விசுவாசத்தையும் அளவிட்டு காண்பிக்கிறது. ஏனெனில் விழுந்துபோன நிலையில் நம்முடைய தீய வழியிலிருந்து நம்மை காத்துக்கொள்ள இதை தவிர வேறு வழியில்லை.

R2450 [col. 2P3]

அநேக தாலந்துப் பெற்ற தேவனுடைய ஜனங்களுக்கு, விசேஷமாக சபைகளில் முக்கிய பொறுப்பில் இருக்கக்கூடியவர்களுக்கு – நிறைவை அடைந்து விட்டோம் என்ற உணர்வுகள், தேவையற்ற மனப்போராட்டம் மற்றும் வீணான மகிமை, அனைத்தும் அவர்களை சூழ்ந்து நெருக்கக்கூடிய தீய குணங்களாக இருக்கிறது. ஆகவே மாம்சமான இக்குணங்களுக்கு நாம் மிகவும் எச்சரிப்போடிருக்க வேண்டும். “ஒரு பெருமையுண்டு, அது மற்றவர்களுடைய வெற்றியை மிக எரிச்சலோடு பார்க்கும். தன்னைவிட தாழ்ந்தோரை மிக ஏளனமாகவும் இகழும். “என்ற சொற்களை நாம் என்றுமே மறந்துவிடக்கூடாது. எந்த விதத்திலும், வகையிலும், அல்லது கோணத்திலும் தேவனுடைய ஜனங்களுக்குள் இருக்கும் பெருமை தேவனுடைய பார்வையில் வெறுப்பும் கோபமும் ஏற்படுத்தக்கூடியதாக இருக்கிறது. ஆகவே தேவனுடைய கிருபையையும், இரக்கத்தையும் பெறவிரும்புவோர், இதைகுறித்து மிக எச்சரிப்பாக இருக்கவேண்டும். அவரை பிரியப்படுத்தும்படி தாழ்மையையும், எளிமையான சிந்தையையும், நமக்குள் எப்போதும் காத்துக்கொள்ளவேண்டும் -யாக் 4:6, 1பேது 5:5.

R3114 [col.2P2]

“தன் ஆத்துமாவை மாயைக்கு ஒப்புக்கொடாமலும்…” (சங் 24:4) நம்முடைய ஆண்டவருக்கும், அவருடைய ஆவியைப் பெற்ற அனைவருக்கும் பெருமை அருவருக்கக்கூடியதாக இருக்கிறது. இது ஒரு பொல்லாத களையாக இருக்கிறது. இந்தக் களையை நம்முடைய இருதயத்தில் வேரூன்ற விட்டால், நாம் பெற்றுள்ள அனைத்து கிருபைகளையும், வெகு சீக்கிரத்தில் இழந்துவிடுவோம். “நான் மாயையான சிந்தையை வெறுக்கிறேன்” என்று சங்கீதக்காரன் சொன்னதுபோல நம்முடைய மனநிலையும் அப்படியே இருக்கவேண்டும். மனத்தாழ்மை, தன்னடக்கம் மற்றும் சாந்தமுள்ள குணமே நமக்கு அலங்காரமாக காணப்படவேண்டும். ஒருவருடைய தனிப்பட்ட தகுதியை நிதானமாக சீர்த்தூக்கி பார்த்து, பெருமைக்கொள்ளாமல், தன்னுடைய தாலந்துகளை வீண் பெருமைக்காகவும் மகிமைக்காகவும் பயன்படுத்தாமல், நன்மைகளை நடப்பிக்கும் போது கிடைக்கும் சந்தோஷங்களுக்காகவே பயன்படுத்தவேண்டும். தங்களுடைய ஆவிக்குரிய வளர்ச்சி மற்றும் மற்றவர்களின் ஆவிக்குரிய வளர்ச்சியிணைப் பொறுத்தவரையில், அடக்கம், நேர்மை மற்றும் உண்மையுமாக இருப்பார்கள். இந்தச் சமுதாயத்தில், இப்படிப்பட்ட ஆவியைப் பெற்றவர்கள் எவ்வளவு ஆறுதலோடும், மகிழ்ச்சியோடும் வாழ்ந்துக்கொண்டிருக்கிறார்கள்!

R3231 [col. 1P1]

உலகத்தை முழுமையாக சார்ந்து வாழ்ந்த கோலியாத், பெருமைக்கு மிக சரியான மாதிரியாக இருக்கிறான். பெருமையின் தலைமையில் செயல்படும் உலகத்தின் ஆவியின் மேல், வைத்திருக்கும் அன்பை ஜெயிப்பதே புது சிருஷ்டிக்கு உண்டான கடுமையான சோதனையாகும். உலக பெருமை தேவனுடைய விசுவாசத்திற்கும் கீழ்ப்படிதலுக்கும் சவாலாக நிற்கிறது. மிக தைரியத்தோடு, ஆண்டவர் மேல் முழு நம்பிக்கை கொண்டவர்கள் இந்த இராட்சதனை ஜெயிக்கலாம். மேலும், இந்த வெற்றி முழுமைப் பெறவேண்டும் என்பது ஒரு முக்கியமான காரியம். அது மீண்டும் எழும்பிவந்து நம்மை கொன்றுப்போடாதபடிக்கு அந்தப் பெருமையை முற்றிலுமாக அழிக்க வேண்டும். ஆற்றின் அண்டையிலிருந்து எடுக்கப்பட்ட கல்லை சரியாக குறிப்பார்த்து அடித்தால் மட்டுமே அந்த இராட்சதன் மரிப்பான். அதாவது தேவனுடைய பார்வையில் பிரியமானதும், ஏற்றுக்கொள்ளப்படும் சத்தியங்களையும், “தேவனிடத்தில் தாழ்மைப்படுகிறவன் உயர்த்தப்படுவான், தன்னை உயர்த்திக்கொள்கிறவன் தாழ்த்தப்படுவான்” என்ற வாக்குறுதிகளும் மிக சரியாக நம்முடைய வாழ்க்கையில் பயன்படுத்தவேண்டும். “தற்புகழ்ச்சி முடிவடையும் இடத்தில், உண்மையான மனத்தாழ்மைத் துவங்கும்” என்று ஒரு பாடகரிகூறியுள்ளார்.