“மத் 23:12 – “தன்னை உயர்த்துகிறவன் தாழ்த்தப்படுவான், தன்னைத் தாழ்த்துகிறவன் உயர்த்தப்படுவான்.”

யாக் 4:6,10 – “அவர் அதிகமான கிருபையை அளிக்கிறாரே, ஆதலால் தேவன் பெருமையுள்ளவர்களுக்கு எதிர்த்து நிற்கிறார், தாழ்மையுள்ளவர்களுக்கோ கிருபை அளிக்கிறாரென்று சொல்லியிருக்கிறது. கர்த்தருக்கு முன்பாகத் தாழ்மைப்படுங்கள், அப்பொழுது அவர் உங்களை உயர்த்துவார்.”

பிலி 2:7-10 – “தம்மைத்தாமே வெறுமையாக்கி, அடிமையின் ரூபமெடுத்து, மனுஷர் சாயலானார். அவர் மனுஷரூபமாய்க் காணப்பட்டு, மரணபரியந்தம், அதாவது சிலுவையின் மரணபரியந்தமும் கீழ்ப்படிந்தவராகி, தம்மைத்தாமே தாழ்த்தினார். ஆதலால் தேவன் எல்லாவற்றிற்கும் மேலாக அவரை உயர்த்தி, இயேசுவின் நாமத்தில் வானோர் பூதலத்தோர் பூமியின் கீழானோருடைய முழுங்கால் யாவும் முடங்கும்படிக்கும் பிதாவாகிய தேவனுக்கு மகிமையாக இயேசு கிறிஸ்து கர்த்தரென்று நாவுகள் யாவும் அறிக்கைபண்ணும்படிக்கும், எல்லா நாமத்திற்கும் மேலான நாமத்தை அவருக்கு தந்தருளினார்.

E 151[P2]

இந்த நாமத்தை பயன்படுத்துவதில் ஒரு முக்கிய காரணம் உண்டு. ஏனெனில் இந்த நாமம் அவருடைய வெற்றியை ஓயாமல் நினைவுப்படுத்துமளவுக்கு மகத்துவமானது. அவருடைய தாழ்மையான கீழ்ப்படிதலினாலும், விசுவாசத்தினாலும், சிலுவையின் மரணபரியந்தம் எல்லாவற்றையும் பொறுமையுடன் சகித்ததினால் இப்படிப்பட்ட மகத்துவமான நாமம் கொடுக்கப்பட்டது. மேலும், மகிமையும், கனமும், வல்லமையும், தெய்வீக சுபாவமும் கொடுக்கப்பட்டது. “மனுஷ குமாரன்” என்ற நாமத்தினால் தூதர்களுக்கும் மனிதர்களுக்கும் தன்னுடைய பிதாவின் முன்னிலையில் சாந்தத்தின் மாதிரியாக காட்சியளித்தார். அந்தக் குணத்தையே தெய்வீக அரசாங்கத்தின் அஸ்திபாரமாக்கினார். தன்னைத்தான் உயர்த்துகிறவன் தாழ்த்தப்படுவான், தன்னை தாழ்த்துகிறவன் உயர்த்தப்படுவான். ஆகவே தேவனால் போதிக்கப்பட்டவர்களுக்கும், அவரை மகிமைப்படுத்த விரும்புவோர்களுக்கும், அவருடைய பார்வையில் நன்மையானவைகளை செய்பவர்களுக்கும், இந்த நாமத்தை பயன்படுத்தி விலையேறப்பெற்ற கட்டளைகளின் தொகுப்பு கொடுக்கப்படுகிறது.

E 423[P1]

பிதாவின் சித்தம் நிறைவேற்ற, மனுக்குலத்திற்கு தேவையான மீட்கும் பொருளை கொடுப்பதற்கு, தேவனிடத்தில் விசுவாசம் வைத்து, தங்களுடைய ஆதி மேன்மையைக் காத்துக்கொண்ட தூதர்களில் பலர் மனம் உவந்து மகிழ்ச்சியோடு முன் வந்திருக்கலாம். ஆனால் இது மிக கொடுரமான சோதனையாக இருந்திருக்கும். தேவன்மேல் வைத்திருக்கும் விசுவாசத்தை முழுமையாக வெளிப்படுத்த வேண்டிய அவசியம் நேரிடும். ஆகவே இந்நிலையில் தேவன் மேல் உள்ள விசுவாசத்தையும், நம்பிக்கையையும், பக்தி வைராக்கியத்தையும் வெளிப்படுத்தும், இயேசு – தேவ புத்திரர்களுக்கும் கர்த்தத்துவங்களுக்கும், அதிகாரங்களுக்கும் மற்ற நாமங்களை காட்டிலும் மேலான நாமத்தை பெற்றுக்கொள்ள தகுதி அடைந்தார். மேலும், இப்படிப்பட்ட வாய்ப்பை தன்னுடைய சுயநலத்திற்காகவும், சுய விருப்பத்திற்காகவும் செயல்படுத்த விரும்புவோர், நிர்மூலமாக்கப்பட்டு, அழிக்கப்படுவார்கள். (சாத்தானை போல) இதற்கு எதிர் மாறாக பரலோக பிதாவின் சித்தத்திற்கும் திட்டத்திற்கும் கீழ்ப்படிந்து மனத்தாழ்மையாக இருப்போரை மிக உயர்ந்த நிலைக்கு உயர்த்துவார் என்பதை எடுத்துகாட்டுவதற்கு இந்தத் தெய்வீக நோக்கம் பயன்படுத்தப்பட்டது. உலகத்தின் மேல் வைத்திருந்த அன்பையும் இரக்கத்தையும் வெளிப்படுத்த சித்தமானார் என்ற அவருடைய சிறப்பம்சங்கள் முக்கியமான பங்கை பெறும்படிக்கு அவருடைய திட்டத்தை வடிவமைத்தார். மேலும், தன்னுடைய ஒரே பேறான குமாரனை மகிமைப்படுத்த விரும்பிய பரலோக தந்தை அவர் மேல் வைத்திருந்த அன்பை வெளிப்படுத்த ஒரு வாய்ப்பாகவும் அமைந்தது.

R2655 [col.1P2-4]

விசேஷித்தவிதமாக சாந்த குணம் மற்றும் தன்னடக்கம் உள்ள சிறு மந்தையோடு ஐக்கியப்பட்டபின், ஆட்சியாளர் அல்லது எஜமானனாக இருக்க விரும்பும் ஆண்டவரின் ஒவ்வொரு ஆடும் ஒருவருக்கொருவர் கீழ்ப்படிந்து, பணிந்து இருக்க வேண்டும் என்று அப்போஸ்தலன் தன்னுடைய பாணியில் வலியுறுத்துகிறார். அவருடைய நியாயத்தீர்ப்பு மற்றும் நல்மனசாட்சியை பொறுத்த வரையில் தம்முடைய மந்தையிடமிருந்து இப்படிப்பட்ட குணத்தையே மகிழ்ச்சியோடு எதிர்ப்பார்க்கிறார். இவ்வகையான குணங்களைச் செயலாற்றும் சபை வாக்குவாதங்களுக்கோ, தர்கங்களுக்கோ என்றுமே இடங்கொடாமல், மற்றவர்களின் ஆவிக்குரிய நலனுக்காக என்றுமே மனமிரங்கி, கனிவோடும், ஆர்வத்தோடும் செயலாற்றவேண்டியவர்களாக இருக்கவேண்டும். அப்போது கூடுமான அளவிற்கு பெரும்பான்மையுள்ளவர்களின் எதிர்ப்பார்ப்புகள் திருப்தியடையலாம். இப்படிப்பட்ட ஒருமனப்பாட்டின் நிலையை அடைவது அனைவரின் ஒப்பந்தத்தைப் பெறுவதற்கான அங்கீகாரமாகும்.

மூப்பராக இருக்கும் ஒவ்வொருவருக்கும் மற்றும் சபை ஜனங்கள் அனைவருக்கும் அத்தியாவசியமாக தேவைப்படும் குணம் – சாந்தமே என்று அப்போஸ்தலன் குறிப்பாக எடுத்துக்காட்டுகிறார். “மனத்தாழ்மையை அணிந்துக்கொள்ளுங்கள்” என்ற வாக்கியம் எவ்வளவு அழகாயிருக்கிறது. அதாவது ஒவ்வொரு குணங்களையும் அலங்கரிப்போடு காட்டுவதும் மற்ற எல்லா குணங்களை மூடுவதற்கான வஸ்திரமும் மற்றும் இது பெருமைக்கு எதிராக இருக்கும் மனத்தாழ்மை என்னும் சால்வையாகவும் இருக்கிறது.

அப்போஸ்தலன் தன்னுடைய வாக்குவாதத்தை உறுதிப்படுத்தும் வகையில், நம்முடைய ஆண்டவர் தன்னுடைய மந்தையோடும் மற்றவர்களோடும் தொடர்பு கொள்ளக்கூடிய அடிப்படையான கோட்பாட்டை நமக்கு நினைப்பூட்டுகிறார். பெருமை கொண்டவர்களை அவர் நிராகரிக்கிறார். இந்நாள் வரைக்கும் அவர்களோடு தொடர்புக் கொண்டு, அவர்களை ஆசீர்வதித்திருந்தாலும் அவர்கள் கொண்டுள்ள பெருமை, தேவனிடத்திலிருந்து வரும் காரியங்களை தடுத்து, அவர்களை தேவனிடமிருந்து விலக்கிவிடும். ஏனெனில், பெருமை மற்றும் போராசையின் ஆவியை பெற்றவர்கள் – சத்தியத்தையும், ஆவியின் கனிகளையும், மற்ற ஆவியின் கனிகளை வளர்ப்பதற்காகவும் முயற்சிக்காமல் இவைகளை விட்டு நாளுக்கு நாள் விலகி ஓடுவார்கள். “பெருமையுள்ளவர்களுக்கு தேவன் எதிர்த்து நிற்கிறார். தாழ்மையுள்ளவர்களுக்கோ கிருபை அளிக்கிறார்.” ஆகவே நாம் தேவனிடத்தில் நெருங்குவதற்கும் அவருடைய கிருபைகளை பெறுவதற்கும் தேவன், மிகவும் விரும்புகிறார். ஆகவே நம்மை அவர் பாராட்டி, வாக்குத்தத்தம் செய்திருக்கும் பரிசை கொடுப்பதற்கு ஆவலாக இருக்கிறார். இவைகளை சுதந்தரிப்பதற்கு சாந்த குணத்தை வளர்த்துக் கொள்ள வேண்டும் என்று அப்போஸ்தலன் நம்மை எச்சரிக்கிறார். ஆகவே தேவன் நம்மை ஏற்ற காலத்தில் உயர்த்தும்படிக்கு அவருடைய பலத்த கரங்களில் அடங்கியிருப்போம்.