CD-PRAYER-Q-2
R1864 [col.1:6]: –
சிந்திக்கக்கூடிய மற்றும் நன்றியுணர்வுள்ள மனப்பான்மைக்கு, இராஜாதி இராஜா மற்றும் கர்த்தாதி கர்த்தாவோடு கொண்டுள்ள தனிப்பட்ட ஐக்கியமே. தேவன் அளிக்கும் மிகப்பெரிய சிலாக்கியங்களில் ஒன்றாகும். நம் தேவன் எவ்வளவு பெரியவர் என்பதையும், அவருடைய நிலை எவ்வளவு உயர்வானது என்பதையும் நாம் கருத்தில்கொள்ளும்போது. அவர் நம்முடைய அற்பமான நிலையைக் கருத்தில்கொள்வது எவ்வளவு அற்புதமானது! இப்படிப்பட்டவருடைய மகிமையினால் வானங்கள் மூடப்பட்டுள்ளது. இந்த முழு பிரபஞ்சத்தையும் இவருடைய இராஜ்யம் ஆட்சி செய்கிறது. இவர் நாட்களின் துவக்கமும். வருடங்களின் முடிவும் இல்லாதவர். “நித்திய நித்தியத்திற்கும் அவரே தேவன்” அவர் அழியாதவரும், தன்னில் தான் ஜீவனுடையவரும். ஒருவரும் சேரக்கூடாத ஒளியில் வாசம் செய்பவரும். ஒருவரும் கண்டிராதவரும், காணக்கூடாதவருமாக இருக்கிறார். வானங்கள் அவருடைய மகிமையையும். ஆகாயவிரிவு அவருடையகையின் கிரியைகளையும் அறிவிக்கும். அவரது பரந்த உலகளாவிய ஆட்சியில். அவருக்கு மறைவானது எதுவும் இல்லை. அல்லது அவைகளை கவனிப்பதினால் அவர் சோர்வடைவாரா? அவருடைய ஞானம். யாரால் புரிந்துகொள்ள முடியும்? அவருடைய வழிகள். யாரால் அறிந்துகொள்ள முடியும்? அல்லது அவருக்கு ஆலோசனை கூறுபவன் யார்? சிறிதானதிலிருந்து பெரியதான வரை அனைத்திலும் அவரது பரந்த அறிவியலின் அனைத்து நலன்களையும் எளிதாக்கிக்கொள்ளும் வல்லமை வாய்ந்த அறிவாற்றல், எப்படிப்பட்டது! அவருடைய கண்கள் உறங்குவதுமில்லை, தூங்குவதுமில்லை, சிறிய விஷயம் கூட அவருடைய கவனத்திலிருந்து தப்பிபோவதில்லை. அடைக்கலான் குருவிகளில் ஒன்றுக்கூட அவருடைய சித்தம் இல்லாமல் விழுவதில்லை. நம்முடைய தலையில் இருக்கும் முடியெல்லாம் எண்ணப்பட்டிருக்கிறது. இன்றைய தினம் பூத்து, நாளைக்கு அடுப்பில் போடப்படும் காட்டு புஷ்பத்திற்கு தேவன் உடுத்துவிக்க திறன் கொண்டவராக இருக்கிறார். நாம் அவருடைய கரத்தின் அற்புதமான கிரியைகளாக இருக்கிறோம் அல்லவா? அவருடைய அன்பிற்கும் பராமரிப்புக்கும் பாத்திரவான்களாக இருக்கிறோம் அல்லவா? – “கர்த்தாவே. நீர் என்னை ஆராய்ந்து, அறிந்திருக்கிறீர். என் உட்காருதலையும் என் எழுந்திருக்குதலையும் நீர் அறிந்திருக்கிறீர் என் நினைவுகளைத் தூரத்திலிருந்து அறிகிறீர். நான் நடந்தாலும் படுத்திருந்தாலும் என்னைச் சூழ்ந்திருக்கிறீர், என் வழிகளெல்லாம் உமக்குத் தெரியும் என் நாவில் சொல் பிறவாததற்கு முன்னே, இதோ, கர்த்தாவே. அதையெல்லாம் நீர் அறிந்திருக்கிறீர். முற்புறத்திலும் பிற்புறத்திலும் நீர் என்னை நெருக்கி, உமது கரத்தை என்மேல் வைக்கிறீர். (சங்கீதம் 139:1-5)
R2004 [Col. 1:4]: –
தேவன் தம்முடைய ஜனங்களுக்கு அளித்திருக்கும் ஜெபத்தின் சிறப்புரிமை. கற்பனைக்கு எட்டாத மிகப் பெரிய வரங்களில் ஒன்றாகும். “ஆதலால், நாம் இரக்கத்தைப் பெறவும். ஏற்ற சமயத்தில் சகாயஞ் செய்யுங்கிருபையை அடையவும். தைரியமாய்க் கிருபாசனத் தண்டையிலே சேரக்கடவோம்.” (எபிரெயர் 4:16) கிறிஸ்துவின் மாபெரும் பலியினால். தேவன் அளித்திட்ட கிருபையானது. கடந்த கால பாவங்கள் அனைத்தையும் முடுவதற்கு போதுமானது. ஆனால் நாம் இந்த கிருபையை பெறுவதற்கு விசுவாசத்தோடு கிருபாசனத் தண்டைக்கு செல்லவேண்டும். அது போல. கிறிஸ்துவுக்குள் புது சிருஷ்டிகளாக நம்முடைய அனைத்து தேவைகளையும். ஒவ்வொரு முறையும் கோருவதற்கு நமக்கு கிருபாசனம் உண்டு. பரலோக தந்தை நம்முடைய தேவைகளை முன்னறிந்திருந்தாலும், நமக்கு ஏராளமான முன்னேற்பாடுகளை செய்திருக்கிறார். ஆயினும். அவருடைய ஜனங்கள் அவரிடம் கேட்டு பெற்றுகொள்ளவேண்டும். பூமிக்குரிய பெற்றோர் தங்களுடைய பிள்ளைகளுக்கு நன்மை செய்ய வேண்டும் என்பதை காட்டிலும், இப்படிப்பட்ட கிருபைகளை கொடுப்பதற்கு அவர் பிரியமுள்ளவராக இருக்கிறார் என்று அவர் நமக்கு உறுதியளிக்கிறார்.