CD-LOVE-Q-27
R1944[col.2 P1,2]: –
அனுபவத்தின் பள்ளியில், நாம் மிகவும் மதிப்புமிக்க பாடங்களை கற்றுக்கொள்கிறோம். ஆழமான அனுதாபம், மிகுந்த பொறுமையுணர்வு, மற்றும் மென்மையான உதவிடும் உணர்வுகளோடு நாம் காணும் முதிர்ச்சி அடைந்த பரிசுத்தவான்கள், துன்பகரமான தீச்செயல்களை, சரியான முறையில் பயன்படுத்தி, இந்த நிலைக்கு வந்திருப்பதை காணலாம். அப்பொழுது சிலுவை மிகவும் பாரமானது, மேகங்கள் இருளடைந்தது. புயல் உச்சக் கட்டத்தை எட்டியது, அங்கு எஜமானருடைய பிரசன்னம் அதிகமாக உணரப்பட்டது. விசுவாசம் மற்றும் நம்பிக்கையின் ஆசீர்வதிக்கப்பட்ட போதனைகள், ஆண்டவருடைய கனிவு, ஆண்டவரின் தனிப்பட்ட அன்பு ஆகியவை சீஷர்களின் இருதயத்தில் முத்திரையிடப்பட்டன. இதுபோன்ற ஒழுக்கத்தின் கீழ், ஆத்துமா ஒரு கனிவான ஆழ்ந்த அன்பின் கீழ்ப்படிதலுக்குரிய மனப்பான்மைப் பெற்று, “என்னை பலப்படுத்துகிற கிறிஸ்துவினால் எதையும் செய்ய எனக்கு பெலன் உண்டு” என்று அமைதியாக கூறும். படிப்படியாக பழைய சுபாவத்தின் கசடுகள் களையப்படும்போது, பொன் அதிகதிகமாக வெளியே வரும். இந்த விலைமதிப்பற்ற ஆத்துமாக்கள் தங்கள் அன்பான தேவனுக்கு என்றும் நேசிக்கப்பட்டவர்களாக இருப்பார்கள். ஒவ்வொரு துன்பங்களிலும் அவருடைய கிருபையை தக்க வைத்துக் கொள்ளவும் அவர்களை மகிழ்விக்கவும் அவரே அவர்கள் அருகில் இருக்கும் அளவுக்கு அவர்கள் அவருக்கு மிகவும் நேசிக்கப்பட்டவர்களாக இருக்கிறார்கள். அப்போது, துயரத்தின் ஆழமான நிழல்கள், பரிசுத்தமான ஓய்வு இடங்களாக நினைவில் தங்கிவிடும். அங்கு பகல் நட்சத்திரம் பிரகாசிக்கும். கிறிஸ்தவருக்கு எப்போதாவது ஒரு புதிய சோதனை வந்தாலும், நெருப்பிலே புடமிடப்பட்ட பொன்னை… என்னிடத்திலே வாங்கிக்கொள்ளவும்…. உனக்கு ஆலோசனை சொல்லுகிறேன்.” என்ற ஆண்டவருடைய பிரமாணத்தை சிந்தைக்குள் கொண்டு வருவார். இது தைரியத்தை ஊக்குவித்து, நீடிய சகிப்பு தன்மையை கொண்டு வந்து, சுயத்தை பலி செலுத்த விரைவுபடுத்தும். “பொன் அக்கினியால் சோதிக்கப்படும்” அதை உருக்கும் பாத்திரமும், அக்கினியும் இல்லாமல் எவ்வாறு அது புடமிடப்படமுடியும்? அல்லது அதில் உள்ள கசடு எவ்வாறு அகற்றப்படும் ? வேறு வழி இல்லை. “ஆகவே இதை குறித்து நீங்கள் திகையாதேயுங்கள்” அக்கினி பட்சித்து எரியட்டும். கழிவுகள் அகற்றப்படட்டும். அந்த அக்கினி கொழுந்து, பலிபீடத்தின் மேலுள்ள “ஜீவ பலியை” எரித்துவிடாதபடிக்கு பார்த்துக்கொள்ளுங்கள். புடமிடுகிறவரின் கண்கள் எப்போதும் உங்களை நோக்குவதை நினைவுக்கொள்ளுங்கள். அந்த பொன்னைப் புடமிடுகிறவர், அதில் தம்முடைய உருவம் பிரதிபலிக்கிறதா என்று அவருடைய கண்கள் அதை கவனித்துக் கொண்டிருக்கிறது. புடமிடக்கூடிய நம்முடைய மீட்பர் உன்மேல் கண் வைத்திருக்கிறார். விலைமதிப்பற்ற பொன்னாகிய உங்கள் நற்குணங்கள் அவருடைய உருவத்தை எப்படி பிரதிபலிக்கிறது என்று அவர் கவனிக்கிறார். தெளிவாக சொல்லப்போனால், ஒவ்வொரு சோதனையிலும், நம்முடைய செயல்களை கட்டுப்படுத்தும் தாக்கங்களை அவர் கவனிக்கிறார். அது தற்போதைய நன்மையின் செல்வாக்கா அல்லது உலக கொள்கை, அல்லது தனிப்பட்ட நட்பு. அல்லது பூமிக்குரிய அன்பு அல்லது கணவன் அல்லது மனைவி அல்லது குழந்தைகள் அல்லது வீடு, அல்லது நிலங்களா அல்லது மனுஷருக்குள் மதிப்பை பெறுவதா அல்லது என்ன விலைக்கொடுத்தாலும், சமாதானத்திற்கான அன்பா அல்லது மறுபுறம் நாம் சத்தியத்தின் மற்றும் நீதியின் அப்பட்டமான கொள்கைகளினால் கட்டுப்படுத்தப்படுகிறோமா மற்றும் என்ன நஷ்டம் வந்தாலும், கஷ்டம் வந்தாலும், விசுவாசத்தின் நல்ல போராட்டத்தை கசப்பான முடிவு, வரையிலும், அதாவது மரண பரியந்தமும் போராடி இந்த கொள்கைகளை முழு வைராக்கியத்தோடும் ஆற்றலோடும் பாதுகாக்கிறோமா என்று அவர் கவனிக்கிறார்.
R2412[col.2 P6] through R2413 [col.1 P1]: –
அதிருப்தி அடைய விரும்புகிறீர்களா, உங்கள் வாழ்க்கையின் அனுபவங்களில் உள்ள நிறைய ஏமாற்றங்களை உணருகிறீர்களா? நீங்கள் மரித்துவிட்டதாக நினைத்துக் கொண்டிருக்கும் உங்கள் சுயசித்தம் இன்னும் மரிக்கவில்லை என்று இக்காரியங்களின் மூலமாக அறிந்துக் கொள்ளலாம். யார் ஒருவர் தன்னுடைய சொந்த சித்தத்தை முழுமையாக தேவனுடைய சித்தத்திற்குள் புதைத்துவிட்டாரோ, அவர் ஏமாற்றத்தைப் பற்றி அறியமாட்டார். ஆனால் அவருடைய வாழ்ககையின் எல்லா விவகாரத்திலும், விசுவாசத்தின் வழியாக. தெய்வீக நியமனங்களையும் அல்லது மேற்பார்வையையும் காண்கிறார். மேலும் அவருடைய வாழ்க்கையில் சகல காரியங்களிலும் “அன்றியும், அவருடைய தீர்மானத்தின்படி தேவனிடத்தில் அழைக்கப்பட்டவர்களாய்த் அன்புகூருகிறவர்களுக்குச் சகலமும் நன்மைக்கு ஏதுவாக நடக்கிறதென்று அறிந் திருக்கிறோம்” (ரோமர் 8:28) என்று உறுதியளிக்கும், தேவனுடைய வார்த்தைக்கு செவிக்கொடுக்கிறார். நம்முடைய இருதயம் ஒரு பூரண தகுதியைப் பெறுவதற்கு இது ஒரு சான்றாகும். இவைகள் நம்முடைய ஞானமும் அன்புமுள்ள தேவனால் பகிர்ந்து கொடுத்திட்ட அனுபவத்தின் ஒரு பகுதியாக உள்ளதென்று அறிந்தால், மிக பெரிய எதிராளி மற்றும் இந்த உலகம் மற்றும் நம்முடைய சொந்த மாம்சம் ஆகியவற்றின் எதிர்ப்புகளை நம்மால் பொறுமையோடும், முறையிடாமலும், முறு முறுக்காமலும், “மகிழ்ச்சியோடு” எதிர் கொள்ளலாம். இதுவே “நல்ல போராட்டமாகும்”. முதல் யுத்தம் கடுமையானது. மற்றும் ஒவ்வொரு பின்தொடரும் யுத்தத்திலும் எளிதாக வெற்றிப்பெறலாம். ஒவ்வொரு வெற்றியின் போதும், புதிய சித்தம் (தேவனுடைய சித்தம்) உறுதியாக வளர்ந்து, விசுவாசிகளுக்கு தேவன் ஒதுக்கி வைத்திருக்கும் காரியங்களை, நம்பிக்கையின் பார்வையில் வளர்ந்து, விசுவாசத்தின் பலமும், சகிப்புத்தன்மையும் அதிகரிக்கும். முதன் முதலில் வெற்றியோடு ஆசீர்வாதம் வருகிறது. ஒவ்வொரு வெற்றிக்கும் பிறகு, ஓய்வு, சமாதானம் போன்ற ஆசீர்வாதங்களும், பரிசுத்த ஆவிக்குள் மகிழ்ச்சி மற்றும் விசுவாசத்தின் முழு உறுதியும், “என்னிமித்தம் உங்களை நிந்தித்துத் துன்பப்படுத்தி, பலவித தீமையான மொழிகளையும் உங்கள்பேரில் பொய்யாய்ச் சொல்வார்களானால் பாக்கியவான்களாயிருப்பீர்கள்; சந்தோஷப்பட்டு, களிகூருங்கள்; பரலோகத்தில் உங்கள் பலன் மிகுதியாயிருக்கும்;” (மத்தேயு 5:11) என்று நம்முடைய போதகர் வாக்களித்தது போல அனைத்தும் கூடக் கொடுக்கப்படும். இந்த ஒரு நிலைப்பாட்டிலிருந்து மட்டுமே, மனவலிமையோடும் குறைக்கூறாமல் ஏற்றுக்கொள்ள இயலக்கூடிய, பொறுமை, விடாமுயற்சி, விசுவாசம், நம்பிக்கை, மற்றும் தேவன் மேல் கொண்ட அன்பு ஆகியவற்றின் எந்தவிதமான சோதனைகளும் உங்கள்மேல் அனுமதிப்பது பொருத்தமானது என்று ஆண்டவர் காணலாம். இந்த நிலைப்பாட்டில் நம்முடைய எல்லா அனுபவங்களும், ஆசீர்வதங்களில் முடிவடையும். ஆயினும். மேற்பரப்பில், அநுகூலம் இல்லாதது போல் தோற்றம் அளிக்கும்.
R3060 [col.2 P5]: –
அதேபோல ஆவிக்குரிய இஸ்ரயேலர்களுக்கு – தேவன் சில பாடங்கள் மற்றும் அனுபவங்களை கொடுத்த பிறகு, அதில் சிலரது, அமைதியான மற்றும் இளைப்பாறுதலின் நிலையில் வரலாம். நடைமுறை சார்ந்த ஒழுங்குகள் மாறலாம் மற்றும் தேவனுடைய முன்னேற்பாட்டின் அறிகுறிகள் பொருத்தவரையில் புதிய சூழ்நிலைகளுக்கும். நிலைப்பாட்டிற்கும் வழிநடத்தக்கூடிய சாதகமான அல்லது சாதகமற்ற சூழ்நிலைகளுக்கும் வழிநடத்தலாம். உண்மையான ஆவிக்குரிய இஸ்ரயேலர், முறுமுறுக்கவோ அல்லது புகார் செய்யவோ அல்லது தங்களுடைய விருப்பத்தேர் வைக்கூட வெளிப்படுத்தக் கூடாது. வழிநடத்துதலுக்காக தேவனை நோக்கியிருக்க வேண்டும். அவர் தெய்வீக முன்னேற்பாட்டின் வழிநடத்துதலைப் புரிந்துக்கொள்ள முடிந்தால், அவர் முன்னிருந்ததைக் காட்டிலும் மிக வறண்ட மற்றும் விரும்பத்தகாத நிலையில் இருந்த போதிலும், கேள்விக்கு இடமில்லாமல் அவர் விசுவாசத்தின் பாடல்களோடும். நம்பிக்கையோடும் தேவனுடைய வழிநடத்துதலைப் பின்பற்ற வேண்டும். நாம் கானானை நோக்கி முன்னேறிக் கொண்டிருக்கிறோம். நாம் வாக்குத்தத்தங்களை சுதந்தரித்துக்கொள்ள, நம்மை பாதிக்கக்கூடிய அனுபவங்களை கடக்க வேண்டும். எந்த முறுமுறுப்பில்லாமல், மகிழ்ச்சியோடே, ஆண்டவரின் வழிநடத்துதலுக்கு கீழ்படிதலின் வழியாக பாடங்களைக் கற்றுக்கொள்கிறோம். இதற்கு முன் கொடுக்கப்பட்ட பாடங்களைக் கற்றுக் கொண்டவர்களிடம் மட்டுமே இதை நாம் எதிர்ப்பார்க்க முடியும். மற்றும் எல்லாவற்றிற்கும் மேலாக விசுவாசத்தின் பாடம் – ஆண்டவரின் வல்லமை, நன்மை மற்றும் விசுவாசத்தின் மேலுள்ள உறுதியான நம்பிக்கை.