R2677 (col.1 P5) through R2678(P1): –

இந்த சுவிசேஷ யுகத்தில் “விசுவாசத்தினால் நீதிமானக்கப்படுதல்” என்று அழைக்கப்படும் நிலை, மேசியாவின் யுகத்தில் செயலாற்றப்படாது. ஏனெனில் அக்காலத்தில் இந்நிலை தேவைப்படாது. இக்காலத்து நிலைமையின் விதிமுறைகளுக்கும் வருங்கால நிலைமையின் விதிமுறைகளுக்கும் மிக பெரிய வித்தியாசங்களைக் காணலாம். ஏனெனில் இப்போது நாம் “தரிசித்து நடவாமல் விசுவாசித்து நடக்கிறோம்” விசுவாசம் அரிதானது. ஆகவே அது அதிகமாக பாராட்டப்பட்டு தேவனால் பரிசளிக்கப்படுகிறது. அதே நேரத்தில் மேசியாவின் யுகத்தில் விசுவாசத்தின் யுகம் கடந்துவிட்டு, அறிவுக்குரிய யுகம் துவங்கிவிடும். ஒவ்வொரு யுகத்திற்கான ஆதாரங்கள் மிக தெளிவாக காட்டப்படுகிறது. “என் பரிசுத்த பர்வதமெங்கும் தீங்கு செய்வாருமில்லை; கேடு செய்வாருமில்லை; சமுத்திரம் ஜலத்தினால் நிறைந்திருக்கிறது போல, பூமி கர்த்தரை அறியும் அறிவினால் நிறைந்திருக்கும்.” இதற்கு விசேஷித்த விசுவாசம் தேவை இல்லை. ஆகவே விசுவாசத்திற்குரிய விசேஷித்த பரிசுகளும் இனி கொடுக்கப்படுவதுமில்லை.

ஆகவே, நாம் மேசியாவின் யுகத்தில் மனுக்குலம் நம்ப மாட்டார்கள் என்று நாம் கூறவில்லை. அக்காலத்தில் அனைவரும் நம்பவேண்டிய சூழ்நிலையில் இருப்பார்கள். ஆகவே அதை தவிர வேறு வழி இராது. நம்பிக்கைக்கும், விசுவாசத்தை நடைமுறைபடுத்துவதற்கும் வித்தியாசம் உண்டு. இன்று நாம் அநேக காரியங்களை விசுவாசத்தின் மூலம் நம்புகிறோம். ஆனால் மேசியாவின் யுகத்தில் ஆதாரம் இல்லாமல் நம்ப மாட்டார்கள். இவர்கள் விசுவாசத்தினால் நம்பாமல் அவர்கள் அறிவினால் பெற்ற ஆதாரத்தின் அடிப்படையில் நம்புவார்கள். தக்க ஆதாரங்கள் இருப்பதினால் அவர் சந்தேகப்படுவதற்கு வாய்ப்பிராது. எடுத்துக்காட்டாக, நாம் தேவனுடைய பார்வையில் நீதிமானாக எண்ணப்படுவதற்கு, நம்முடைய கடந்த கால பாவங்களுக்கு மன்னிப்பு கேட்கவேண்டும். நம்முடைய சிந்தையிலும், சரீரத்திலும் உள்ள பலவீனங்களை தொடர்ந்து கவனித்து பாவ மன்னிப்பு கேட்காவிட்டால் நம்முடைய பாவங்கள் மன்னிக்கப்படாது. இந்நிலையில் நம்முடைய பாவங்கள் மூடப்படுமே தவிர சபை ஜனங்களின் மரணத்தில் இந்த மாம்ச சரீரத்தின் அழிவு நடந்து, ஆண்டவரின் வருகையில் முதலாம் உயிர்தெழுதலின் போது மகிமையான ஆவிக்குரிய பூரண சரீரத்தை கொடுக்கும் வரையில் அவர்களின் பாவங்கள் முழுமையாக வெளியேறாது. அப்போது அவர்களுக்குள் எந்த விதமான பாவமோ, பலவீனமோ, அபூரண நிலைகளோ காணப்படாது. அப்போது உண்மையில் பாவங்கள் முற்றிலுமாக வெளியேற்றப்படும். ஆனால், இப்பொழுது நாம் தேவன் சொன்னபடி அவர் பேரில் விசுவாசம் வைப்பதினால், நம்முடைய பாவங்கள் மூடப்பட்டது என்று நாம் நம்ப வேண்டிய கட்டாயத்தில் இருக்கிறோம். அடுத்து பரம அழைப்பை பெற்றவர்கள், பூமிக்குரிய, தற்காலிகமான காரியங்களை பலி செலுத்தி பரலோக மகிமையையும், கனத்தையும், அழியாமையையும், பெறுவதே நம்முடைய விசுவாசத்தின் அடுத்த படியாக இருக்கிறது. ஆனால் இந்தப் பரலோக கிரீடமும், ஆசீர்வாதமும் விசுவாசத்தின் கண்களை உடையவர்களுக்கு மட்டுமே கொடுக்கப்படுகிறது. சுவிசேஷ யுகத்தில் விசுவாசிகளாகிய நமக்கு முன் வைக்கப்பட்டிருக்கும் பந்தயத்தில் விசுவாசத்தை துவக்குகிறவரும் முடிக்கிறவருமாகிய இயேசுவையும் அவருடைய நீதியான நியாயத்தீர்ப்பையும், அவர் தலையில் இருக்கும் நீதியான கிரீடத்தையும் நோக்கி பொறுமையோடு முடிவு பரியந்தம் சீராக ஓடுபவர்கள் கிரீடத்தைப் பெறுவார்கள். இப்படியாக நாம் விசுவாச யுகத்தில் நீதிமானாக்கப்பட்ட நிலையில் அநேக வாக்குறுதிகளின் மேல் நம்பிக்கை வைத்தவர்களாக வாழ்ந்து கொண்டிருக்கிறோம். அதற்காக மிக மதிப்புள்ள பரிசையும் பெறுவோம்.

மேசியாவின் யுகத்தில் இப்படிப்பட்ட விதிமுறைகள் இருப்பதில்லை, மாறாக, அப்போது அறிவு அதிகரித்திருக்கும், ஒவ்வொரு நாளின் அனுபவங்கள் மனரீதியாகவோ, உடல் ரீதியாகவோ, ஒழுக்கம் சம்பந்தப்பட்ட வளர்ச்சியை அடைவதற்கு வழி நடத்தும். எதிர்பார்த்திருக்கிறபடி இப்படிப்பட்ட அனுபவங்கள் அநேக செயல்முறைகளை கற்றுக்கொடுக்கும். இந்த கீழ்ப்படிதலின் விளைவாக சீர்பொருந்துதலை பரிசாக பெறுவார்கள். கீழ்ப்படியாமல் போனால், இரண்டாம் மரணத்தை தண்டனையாக பெறுவார்கள்.

இந்தக் காரியங்கள் வசனங்களில் மிக தெளிவாக நமக்கு முன் வைக்கப்பட்டிருக்கிறது. இந்த யுகத்தில் “உங்கள் விசுவாசத்திற்கு ஏற்றபடி உங்களுக்கு கொடுக்கப்படும்” என்ற தெய்வீக கோட்பாட்டின்படியே நாம் தீர்க்கப்படுகிறோம் என்று வசனங்கள் தெளிவாக காட்டுகிறது. ஆனால் மேசியாவின் யுகத்தில் உலகத்தின் நியாயத்தீர்ப்பு எவ்வாறு நடக்கும் என்று வசனங்கள் தெளிவாக கற்பிக்கிறது. “மரித்தோராகிய சிறியோரையும் பெரியோரையும் தேவனுக்கு முன்பாக நிற்கக்கண்டேன்; அப்பொழுது புஸ்தகங்கள் திறக்கப்பட்டன; ஜீவபுஸ்தகம் என்னும் வேறொரு புஸ்தகமும் திறக்கப்பட்டது; அப்பொழுது அந்த புஸ்தகங்களில் எழுதப்பட்டவைகளின்படியே மரித்தோர் தங்கள் கிரியைகளுக்குத்தக்கதாக நியாயத்தீர்ப்படைந்தார்கள்” வெளி 20:12.

மேசியாவின் யுகத்தில் அனைவருக்கும் புத்திர சுவிகாரம் கொடுக்கப்படும் என்று நினைப்பது மிக தவறு. ஆயினும், இவர்கள் முழுமையாக தங்களை அவருக்கு அர்ப்பணிக்க வேண்டும். ஏனெனில், அவர்கள் நீதிமான்களாக ஆவதற்கு இவரே காரணராக இருப்பதினால், ஏற்ற நீதியில் நிலை நிற்கவேண்டும். முழுமையாக கீழ்ப்படிந்து, தெய்வீக சட்டத்திற்கு முழுமையாக இசைந்திருந்து, நீதியின் சட்டங்கள் மற்றும் அன்பின் கட்டளைகளை பூரணமாக கடைபிடித்தால் மட்டுமே நித்திய ஜீவன் கொடுக்கப்படும். இந்த அளவுக்கு தேவனோடு இசைந்திருப்பவர்கள் தேவையான பலியைச் செலுத்துவார்கள்.

பாவமும், சாத்தானும் “இந்தத் தீமையான உலகத்தில்” இருக்கிறது. ஆனால் வரப்போகிற மேசியாவின் யுகத்தில் இவைகள் இராததினால், அங்கு பலிகள் தேவைப்படாது. வரக்கூடிய இராஜ்யத்தில் நீதி வாசமாக இருக்கும். அதில் நீதியான நியாயாதிபதி, ஆட்சி செய்வார். மற்ற அனைவரும் இசைவாக இருப்பார்கள். அந்த ஆட்சியில் ஒவ்வொரு அம்சங்களும் நீதியாகவும், உண்மையாகவும் அன்பாகவும் இருக்கும்.

திரும்பக்கொடுத்தலுக்கான வாய்ப்புகள் மனுக்குலத்திற்கு அழைப்பாக கொடுக்கப்படுகிறது. “பிதாக்கள் திராட்சக்காய்களைத் தின்றார்கள், பிள்ளைகளின் பற்கள் கூசிப்போயின என்று அந்நாட்களில் சொல்லமாட்டார்கள். அவனவன் தன்தன் அக்கிரமத்தினிமித்தமே சாவான்; எந்த மனுஷன் திராட்சக்காய்களைத் தின்பானோ அவனுடைய பற்களே கூசிப்போகும்” (எரே 31:29,30) என்று தீர்க்கதரிசி சொன்ன வார்த்தைகள் நிறைவடையும். உபத்திரவ காலம் வரைக்கும் அதாவது கி.பி.1915ம் வருடம் வரைக்கும் இந்தக் காலம் துவங்கவில்லை என்று நாம் அறிந்திருக்கிறோம். இந்த வருடத்திலிருந்து இராஜ்யம் பகிரங்கமாக ஸ்தாபிக்கப்படுவதற்கான ஆயத்தங்கள் தீவிரமாக நடந்து கொண்டு வருகிறது. சீர்பொருந்துதலின் வாய்ப்பைப் பெற்று துணிகரமாக பாவம் செய்து மரித்து போகிறவர்கள் ஆதாமின் பாவத்திற்காக அல்ல, தங்களுடைய பாவத்திற்காக மரிப்பவர்களாக இருப்பார்கள். ஆனால் தேவனுக்கு கீழ்ப்படிந்திருப்பவர்கள் திரும்ப கொடுத்தலின் காலத்தில் தேவனுடைய ஆசீர்வாதங்களை ருசித்து, உன்மையான மனம் திரும்புதலை வெளிப்படுத்தி உடனடியாக சீர்பொருந்த துவங்குவார்கள். இந்த அழைப்பின் கீழ் விசுவாசமுள்ளவர்கள் பரிசளிக்கப்படுவார்கள்.

மேசியாவின் யுகத்தின் ஆசீர்வாதங்கள், சுவிசேஷ யுகத்தின் முடிவுக்கு சற்று முன்னதாகவே துவங்கியிருப்பதை நாம் நன்கு அறிந்துள்ளோம்.

1. இந்த வரிசையில் முதலாவதாக அறிவு, பின்பு விஞ்ஞான கண்டுபிடிப்புகள் – உலகத்தில் உள்ள மனுக்குலத்திற்கு ஆசீர்வாதங்களைக் கொண்டுவருகிறது. இவைகள் அனைத்தும் இந்நாள் வரைக்கும் கண்டிராத ஆசீர்வாதங்களாகும். இதுவே “கர்த்தருடைய நாளின் ஆயத்த” வேலைகளாகும்.

2. சுவிசேஷ யுகத்தின் முடிவும் மேசியாவின் யுகத்தின் துவக்கமும் ஒன்றோடு ஒன்று இணைந்திருப்பதினாலே, விஞ்ஞான கண்டுபிடிப்புகள் அதாவது மேசியாவின் யுகத்திற்கான ஆசீர்வாதங்களோடு, மகா உபத்திரவத்தின் காலமும் துவங்குகிறது. இதில் இக்காலத்து அமைப்புகள், சமுதாயம், பொருளாதாரம், அரசியல் மற்றும் மதங்கள் அனைத்தும் தரை மட்டம் ஆகிவிடும். அதற்குப்பின் தேவனுடைய நன்மையான காரியங்கள் அவருடைய இராஜ்யத்தில் புதிதான அமைப்புகளோடு ஸ்தாபிக்கப்படும்.

3. திரும்பக்கொடுத்தலின் ஆசீர்வாதங்கள் இப்பொழுது முழுமையாக சபையை வந்து சேர்ந்து கொண்டிருக்கிறது. அதாவது உலகத்தின் மேல் வரக்கூடிய ஆசீர்வாதங்கள் சபை முன்னதாகவே கண்டு, களிகூருவதற்கு அனுமதிக்கப்படுகிறார்கள். ஆகவே தன்னுடைய இருதயத்தில் மேலான உள்ளுணர்வுகளோடும், துதியோடும், நன்றிகளை ஏறெடுக்கிறது. அவருடைய விலையேறப்பெற்ற இரத்தத்தினால் நம்மை மீட்டு நம்மை நேசித்து “நம்முடைய பாவத்திற்காக மட்டும் அல்ல இந்த உலகத்தின் பாவத்திற்காகவும் தன்னையே பலி செலுத்தினவருக்கும்” முழு மனதோடு நன்றி செலுத்தக்கடவோம்.

F106(P3) through F107: –

சீர்ப்பொருந்தும் காரியங்களைச் செயலாற்ற உண்மையான நிதிமானாக்கப்படுவதற்கு, விசுவாசம் மிக அவசியம் ஏனெனில் “விசுவாசம் இல்லாமல் தேவனுக்கு பிரியமாக இருப்பது கூடாத காரியம்.” மேலும் சீர்பொருந்துதலுக்குரிய ஆசீர்வாதங்களைப் பரிசாக பெறுவதற்கு விசுவாசம் மிக அவசியம். ஆனால் இக்காலத்தில் “பரிசுத்தவான்களாக அழைக்கப்பட்டு” கிறிஸ்துவின் பங்காளிகளாகவும், புது சிருஷ்டிகளாக மாறுவதற்கு தேவைப்பட்ட விசுவாசம், மேல் சொல்லப்பட்ட விசுவாசத்தைக் காட்டிலும் முற்றிலும் வேறுபட்டதாக இருக்கிறது. தேவனுடைய இராஜ்யத்தில் சாத்தான் கட்டப்பட்ட பின், கர்த்தரை அறிகிற அறிவினால் இந்த பூமி நிரப்பப்படும், அப்போது தெய்வீக வாக்குத்தத்தங்களின் நிறைவேற்றங்கள் அனைவராலும் புரிந்துக்கொள்ளப்படும். இப்போது விசுவாசத்தினால் மட்டுமே உணர்ந்து கொள்ளக்கூடிய காரியங்களை மனுக்குலம் அப்போது கண்டு, அவர்கள் பெற்ற அறிவினால் எளிதாக உணர்ந்து கொள்வார்கள். ஆனால் அவர்கள் பூரண நிலைமையை அடைவதற்கு அதற்கேற்ற விசுவாசம் கட்டாயம் தேவை. மேசியாவின் யுகத்தின் முடிவில் அவர்கள் பெற்ற விசுவாசத்தை செயலாற்றினால், அல்லது கிரியைகளினால் வெளிப்படுத்தினால் மட்டுமே உண்மையான நீதிமானக்கப்பட்ட நிலையை அடையமுடியும். “அப்போது அந்தப் புஸ்தகங்களில் எழுதப்பட்டவைகளின்படியே மரித்தோர் தங்கள் கிரியைகளுக்குத்தக்கதாக நியாயத்தீர்ப்படைந்தார்கள்” என்று அக்காலத்தைக் குறித்து அறிந்திருந்தாலும் அதற்கு எதிரிடையாக இக்காலத்தைக் குறித்து அறிந்திருந்தாலும் அதற்கு எதிரிடையாக இக்காலத்து சபையின் நியாயத்தீர்ப்பு “நாம் பெற்ற விசுவாசத்தின்” அடிப்படையில் நடந்துக்கொண்டிருக்கிறது. ஆயினும் அவர்கள் கிரியைகள் விசுவாசத்தோடு காணப்பட வேண்டும். அதாவது அவர்களால் முடிந்த வரைக்கும் விசுவாசத்தை கிரியைகளால் வெளிப்படுத்த வேண்டும்.

“மேலும் தேவன் விசுவாசத்தினாலே புறஜாதிகளை நீதிமான்களாக்குகிறாரென்று வேதம் முன்னாகக்கண்டு; உனக்குள் சகல ஜாதிகளும் ஆசீர்வதிக்கப்படும் என்று ஆபிரகாமுக்குச் சுவிசேஷமாய் முன்னறிவித்தது” (கலா 3:18) என்று அப்போஸ்தலர் குறிப்பிடுகிறார். நியாயப்பிரமாண உடன்படிக்கையின் அடிப்படையில் சீர்பொருந்தக்கூடிய காரியங்கள் நிறைவேறாமல், கிருபையின் பிரமாணத்தின் கீழ் நிறைவேறுவதை இந்த வசனம் காட்டுகிறது. ஆனால் மேசியாவின் யுகத்தில் புது உடன்படிக்கைக்குக் கீழ் கிருபையினால் சீர்பொருந்தப்படுவார்கள். அந்த உடன்படிக்கையின் கீழ் அனைவரும் தேவனையும் அவருடைய காரியங்களையும் நம்பி, ஏற்றுக்கொண்டு அதனால் பயனடைய வேண்டும். இக்காலத்தில் நீதிமனாக்கப்பட்ட நிலையை அடைவதற்கும் வருங்காலத்திலும் நீதிமானாக்கப்பட்ட நிலையை அடைவதற்கும் மற்றொரு வித்தியாசமும் உண்டு. இக்காலத்தில் சரியான விசுவாசத்தோடும், பிதாவினுடைய ஐக்கியத்தோடும் எல்லாவிதமான பாதகமான நிலையிலும் நீதிமானாக எண்ணப்படுகிற நிலையை அடைகிறோம். ஆனால் மேசியாவின் யுகத்தில் சாதகமான எல்லா சூழ் நிலைகளின் மத்தியில், அவர்கள் இந்நிலையை பெறுவார்கள். அப்போது இந்த முழு உலகமும் மத்தியஸ்தரின் கரங்களுக்குள் இருக்கும். அதில் தேவனுடைய சித்தத்தின்படி கிரியை செய்வார்கள், உன்மையாக நீதிமானாகப்பட்ட நிலை அடையும் வரைக்கும் திருத்தப்பட்டு, சீர்பொருத்தப்படுவார்கள். அதற்குப்பின் இந்த முழு உலகத்தையும் மாசற்றதாக பிதாவுக்கு முன் நிறுத்தி, தேவனும் பிதாவாக இருப்பவருக்கு இராஜ்யத்தை ஒப்புக்கொடுப்பார். (1கொரி 15:24)

சில கேள்விகளுக்கான நீண்ட விளக்கம் தொடர்கிறது.

R2208: – “தெய்வீக இரகசியங்களின் வெளிப்பாடு” (முதல் பாதி கட்டுரையைப் பார்க்கவும்) (7ம் கேள்வியைக் காண்க)

“கர்த்தருடைய இரகசியம் அவருக்கு பயந்தவர்களிடத்தில் இருக்கிறது; அவர்களுக்குத் தம்முடைய உடன்படிக்கையைத் தெரியப்படுத்துவார்” – சங் 25:14

தெய்வீக திட்டத்தை பொறுத்தவரைக்கும் ஏதாகிலும் இரகசியம் உண்டோ? “அந்த வழியில் நடக்கிறவர்கள் பேதையராயிருந்தாலும் திசைக்கெட்டுப் போவதில்லை.” என்று சொல்லும் அளவுக்கு தேவனுடைய ஏற்பாடுகள் எவ்வளவு தெளிவாக உள்ளது. சிறு பிள்ளைகளும் எளிதாக புரிந்து கொள்ளும் அளவுக்கு இரட்சிப்பின் திட்டத்திற்கான படிகள் மிக தெளிவாக உள்ளது அல்லவா?

இல்லை, நிச்சயமாக இல்லை. தெய்வீக திட்டத்தை பொறுத்தவரைக்கும், எல்லா இடங்களிலும் வித்தியாசமானக் கருத்துக்கள் நம்பப்பட்டு வருகிறது. முற்றிலும் தவறாக இருக்கும் அநேக புறஜாதியாரின் கூற்றுக்கள் இருந்தாலும், கிறிஸ்தவர்கள் மத்தியிலும் பகைமைகளும், விரோதங்களும் எழும்புவதற்கான வேறுபட்ட கருத்துக்கள் காணப்படுகிறது. உலகத்தில் உள்ள ஞானமுள்ள கிறிஸ்தவ மண்டலம், தேவனுடைய உள்ளார்ந்த நோக்கங்களையும், அவருடைய சிருஷ்டிகளைப்பற்றிய காரியங்களையும் பற்றி எத்தனை விதமான கருத்துக்களைக் கொண்டிருக்கிறார்கள்? கிறிஸ்துவ மண்டலத்தின் வெவ்வேறு பிரிவுகளில் காணப்படும் வெவ்வேறு கூற்றுகள் – இந்த வித்தியாசங்களை தெளிவாகக் காட்டுகிறது. “இலவசமான கிருபை” யின் கீழ் தேவன் அவருடைய அனைத்து சிருஷ்டிகளுக்கும் ஒரே விதமான வாய்ப்பைக் கொடுத்திருக்கிறார். ஆயினும், நம்முடைய கண்ணோட்டத்தில் பார்க்கும்போது அனைத்தும், ஒரே விதமான வாய்ப்புகளாக தோன்றவில்லை, அல்லது அனைவருக்கும் ஒரே விதமாக கூறப்பட்டதுபோல தெரியவில்லை அல்லது அனைவருக்கும் இதை பெற்றுக்கொள்வதற்கு ஒரே விதமான சூழ்நிலை இருப்பது போல தெரியவில்லை. ஆனால் மற்றொரு பக்கத்தில் பார்க்கும்போது “தேர்வுக்காக” கொடுக்கப்படும் பொதுவான அழைப்பில் அனைவருக்கும் கொடுக்கப்படும் கிருபைக் குறைக்கப்படுகிறது. ஆகவே, அதில் சிலர் மட்டுமே தேர்வுக்கு உட்படுகிறார்கள். இந்தக் கருத்துக்கள் மட்டுமல்ல, கிறிஸ்துவ மண்டலத்தின் இன்னும் பல முரண்பாடான கருத்துக்கள் காணப்படுகிறது. அநேக ஆண்மீகவாதிகள், பேராசிரியர்கள் மற்றும் சிறந்த வல்லுநர்களின் கருத்துக்களினால், பேதைகளும் பாதை மாறக்கூடிய சூழ்நிலையில் இப்போது அகப்பட்டிருக்கிறார்கள்.

தேவனுடைய திட்டம் இரகசியமானது. ஆகவே, நம்முடைய பாடத்திற்கான வாக்கியம் சொல்லர்த்தமாகவே உண்மை என்று தெரிகிறது. மேலும் கடந்த யுகங்களிலும், காலங்களிலும் “தேவனுடைய இரகசியம்” என்பதை பொறுத்த வரைக்கும் மற்ற வசனங்களில் சொல்லப்படும் வாக்கியங்களும் ஒத்துப்போகிறது. இந்த உண்மைக்கு இசைவாக அனைத்து தீர்க்கதரிசிகளும் தெளிவுள்ள வகையிலும், உவமைகளின் வழியாகவும் பேசினார்கள். மிக பெரிய தீர்க்கதரிசியாகிய நம்முடைய ஆண்டவரும் “உவமைகளின் வழியாகவே பேசினார் என்று வாசிக்கிறோம். குறித்த காலத்தில் பரிசுத்த ஆவி கொடுக்கப்படும், அப்போது சகல சத்தியத்திற்குள்ளும் உண்மையான சீஷர்கள் வழிநடத்தப்படுவார்கள் என்று வாக்களித்தார். “சத்திய ஆவியாகிய அவர் வரும்போது சகல சத்தியத்திற்குள்ளும் உங்களை நடத்துவார்; அவர் தம்முடைய சுயமாய்ப் பேசாமல், தாம் கேள்விப்பட்டவைகள் யாவையுஞ்சொல்லி வரப்போகிற காரியங்களை உங்களுக்கு அறிவிப்பார்” (யோவான் 16:13) தேவனுடைய சில இரகசியங்கள் உடனடியாக புரிந்துக்கொள்ளக் கூடியதாக இருந்தது. சில இரகசியங்கள் இந்த யுகம் முழுவதிலும் படிப்படியாகப் புரிந்துக் கொள்ளக்கூடியதாக இருக்கிறது. ஆனால் இன்று நமக்கு வெளிப்படுத்தப்பட்டிருக்கும் தெய்வீக இரகசியம், சுவிசேஷ யுகத்தின் முடிவு வரைக்கும் மறைக்கப்பட்டிருக்கிறது. அவர் இதை உலக தோற்றத்திற்கு முன்னிருந்தே இரகசியமாக வைத்திருந்தார். (வெளி 10:7)

தேவனுடைய ஆவியினால் ஏற்ற காலத்தில் சுவிசேஷ யுகத்தின் போது, படிப்படியாக புரிந்துக்கொள்ளக்கூடிய தேவனுடையத் திட்டத்தின் இரகசியம், பொதுவான உலகத்திற்கு வெளிப்படுத்தப்படாமல் ஒரு விசேஷித்த வகுப்பாருக்கு மட்டுமே அருளப்பட்டது. “ஜென்மசுபாவமான மனுஷனோ தேவனுடைய ஆவிக்குரியவைகளை ஏற்றுக்கொள்ளான்; அவைகள் அவனுக்குப் பைத்தியமாகத் தோன்றும்; அவைகள் ஆவிக்கேற்றப் பிரகாரமாய் ஆராய்ந்து நிதானிக்கப்படுகிறவைகளானதால், அவைகளை அறியவுமாட்டான்”. “நமக்கோ தேவன் அவைகளைத் தமது ஆவியினாலே வெளிப்படுத்தினார்; அந்த ஆவியானவர் எல்லாவற்றையும், தேவனுடைய ஆழங்களையும், ஆராய்ந்திருக்கிறார்” – 1 கொரி 2:14,10 என்று அப்போஸ்தலனாகிய பவுல் தெளிவாக குறிப்பிடுகிறார்.

“தேவனுடைய இரகசியம் அவருக்கு பயந்தவர்களிடம் இருக்கிறது.” நம்முடைய பாடத்திலும் இதே சிந்தை நமக்கு முன் வைக்கப்பட்டிருக்கிறது. இந்த யுகம் முழுவதும் இது உண்மையாகவே இருந்து வருகிறது. சுவிசேஷ யுகம் முடிவில் அவருக்கு பயந்து, அவரை கனப்படுத்தக்கூடிய இந்த விசேஷித்த வகுப்பார் மட்டுமே தேவனுடைய இரகசியங்களைப் புரிந்துக் கொள்ளக்கூடிய வாய்ப்பைப் பெறுகிறார்கள் என்று எதிர்பார்க்கப்படுகிறது. தேவனுக்கு பயப்படக்கூடியவர்களுக்கும், மனுஷனுக்கு பயப்படக்கூடியவர்களுக்கும், அவனுடைய கிரியைகள், அமைப்புகள், தேவனுடைய விசுவாச அறிக்கைகளில் உள்ள வேறுபாடுகளை நாம் முதலில் புரிந்துகொள்ளவேண்டும். “மனுஷனுக்கு பயப்படுகிற பயம் கண்ணியை வருவிக்கும்” இந்தப் பயம் அறிவு மற்றும் கிருபையின் வளர்ச்சியை நிச்சயமாக தடுத்துவிடும். மேலும் “கர்த்தருடைய இரகசியங்களை” புரிந்துகொள்ளுவதையும் தடைசெய்யும். ஆனால் “தேவனுக்கு பயப்படுகிறதே ஞானத்தின் ஆரம்பம்”. மேலும் இந்த ஞானத்தில் தொடர்ந்து வளர்ச்சி அடைந்து, தேவனை அறிகிற அறிவில் நம்மை பூரணப்படுத்தும். அதனால் அவர் மேல் முழு நம்பிக்கை வைத்தவர்களாக, நெருங்கிய உறவு கொண்டவர்களாக அவருடைய இரகசியங்களை” புரிந்துக்கொள்ளுதலை பெறுவதற்கான புத்திர சுவிகாரத்தையும் பெறலாம்.

ஆபிரகாம் தெய்வீக நம்பிக்கையைக் கொண்டிருந்ததினால் அவர் “தேவனுடைய சிநேகிதன்” என்று அழைக்கப்பட்டார். ஆகவே மற்றவர்கள் அறிந்திராத காரியங்களை தேவன் ஆபிரகாமுக்கு அறிவித்தார். அந்தக் காலத்தில் ஒருவருக்கு தேவனுடைய காரியத்தை அறிவிக்க வேண்டியதாக இருந்தது. ஆகவே “கர்த்தரின் இரகசியம்” ஆபிரகாமுக்கு அறிவிக்கப்பட்டது. எடுத்துக்காட்டாக – சோதோம் அழிக்கப்படும் முன் “நான் செய்யப்போகிறதை ஆபிரகாமுக்கு மறைப்பேனா?” என்று கர்த்தர் சொன்னார். ஆபிரகாம் தேவனுடைய சிநேகிதனாக இருந்தடியால், மனுக்குலத்தின் இரட்சிப்பின் தெய்வீக திட்டத்தின் சில காரியங்கள் அவருக்கு அறிவிக்கப்பட்டது. “உனக்குள் சகல ஜாதிகளும் ஆசீர்வதிக்கப்படும்” என்று அப்போஸ்தலர் குறிப்பிடுகிறார்.

தேவனைத் தவிர ஆபிரகாமுக்கோ அல்லது மற்றவர்களுக்கோ, இந்த வாக்கியத்தை முழுமையாக புரிந்துக்கொள்ள இயலாது அல்லது இரட்சிப்பின் தெய்வீக திட்டத்தின் ஆழத்தையும், அகலத்தையும், நீளத்தையும், உயரத்தையும் புரிந்துக்கொள்ளமுடியாது. ஆனால் இது முழு சுவிசேஷத்தையும் கொண்டிருக்கிறது. அதே போல நம்முடைய ஆண்டவர் தம்முடைய முதலாம் வருகையில் இஸ்ரயேல் வீட்டாரிடம் உவமைகளினால் பேசினார். ஆனாலும் சிலர் மட்டுமே முழு விசுவாசத்தோடும், கீழ்ப்படிதலோடும், தேவனிடம் தங்களை அர்ப்பணித்தார்கள். இவர்களை தேவன் சிநேகிதர்களை போல நடத்தினார். அவர்களுக்கு அநேக காரியங்கள் விவரிக்கப்பட்டது. ஆகவே இயேசு பேசின உவமைகளின் அர்த்தங்களைப்பற்றி கேட்டபோது “இனி நான் உங்களை ஊழியக்காரரென்று சொல்லுகிறதில்லை, ஊழியக்காரன் தன் எஜமான் செய்கிறதை அறியமாட்டான், நான் உங்களைச் சிநேகிதர் என்றேன், ஏனெனில் என் பிதாவினிடத்தில் நான் கேள்விப்பட்ட எல்லாவற்றையும் உங்களுக்கு அறிவித்தேன்.” மீண்டுமாக “நீங்கள் என்னிடத்தில் அன்பாயிருந்தால் என் கற்பனைகளைக் கைக்கொள்ளுங்கள்” (யோவ 15:15) என்றார்.

தெய்வீகத் திட்டத்தின் இரகசியங்கள், உவமைகளிலும், எண்களிலும், அடையாளங்களிலும், மறைத்து வைக்கப்பட்டிருக்கிறது. இவைகள் உடன்படிக்கை செய்த பிள்ளைகளுக்கு வெளிப்படுத்தி உலகத்திற்கும் பேர்க் கிறிஸ்தவர்களுக்கும் மறைக்கப்பட்டது. இவைகள் மிக ஆழமாக வெளிப்படுத்தன புத்தகத்தில் அடியாளப்படுத்தப்பட்டிருக்கிறது. சொல்லியிருக்கிறபடி, யோவானுக்கு இந்த அடையாளங்கள் தரிசனமாக காட்டப்பட்டது. பரலோக மகிமைகள் அடையாளங்களாகக் காட்டப்பட்டது. தம்முடைய வலது கரத்தில் 7 முத்திரைகளை முத்தரிக்கப்பட்ட ஒரு சுருளை பிடித்தவராக, பிதாவாகிய தேவன் தம்முடைய மகிமை பொருந்திய சிங்காசனத்தில் அமர்ந்திருப்பதாக காட்டப்பட்டது – இந்த உலகத்தின் இரட்சிப்பின் திட்டம் ஒருவரும் அறியாததும், தேவன் மட்டுமே அறிந்த இரகசியத்தின் மறைபொரும் இதுவே, – “புஸ்தகத்தைத் திறக்கவும் அதின் முத்திரைகளை உடைக்கவும் பாத்திரவான் யார் என்று மிகுந்த சத்தமிட்டுக் கூறுகிற பலமுள்ள ஒரு தூதனையுங் கண்டேன்.” என்ற அடையாளமாக ஒரு சத்தத்தை யோவான் கேட்கிறார். தேவனுடைய வழி நடத்துதலுக்கு தன்னை முழுமையாக ஒப்புவிப்பதற்கு பாத்திரவானாக இருப்பவர் யார்? மிகப்பெரிய தெய்வீக திட்டத்தை நிறைவேற்றுபவர் யார்? எவ்வளவு அற்புதமான ஞானம் மற்றும் அன்பின் நீளத்தையும், அகலத்தையும், ஆழத்தையும், உயரத்தையும் புரிந்துக் கொள்வதில் பாத்திரமாக இருப்பவர் யார்? என்ற சத்தம் கேட்கப்பட்டது. அமைதி நிலவியது. இதற்கு ஒருவரும் பாத்திரவான் இல்லை என்று எண்ணி யோவான் மிகவும் அழுதார். ஆகவே தெய்வீகத் திட்டம் முழுமையாக வெளிப்படுவதற்கு இனி வாய்ப்பில்லை என்று நினைத்து அழுதார். – “அப்பொழுது மூப்பர்களில் ஒருவன் என்னை நோக்கி: நீ அழவேண்டாம்; இதோ, யூதா கோத்திரத்துச் சிங்கமும் தாவீதின் வேருமானவர் புஸ்தகத்தைத் திறக்கவும் அதின் ஏழு முத்திரைகளையும் உடைக்கவும் ஜெயங்கொண்டிருக்கிறார் என்றான்.”

ஆம், நம்முடைய அன்பான இரட்சகரின் கொடூரமான சோதனைகள் மற்றும் உபத்திரவங்களே அவரை தகுதிப்படுத்தியது. தன்னைத்தான் அவர் தாழ்த்தி, பிதாவிடம் தாம் கொண்டிருந்த மகிமையை விட்டுக்கொடுத்து, மனிதனாகி, இறுதியில் அனைவருக்காகவும் தன்னுடைய ஜீவனையே ஈடுபலியாக கொடுத்தார். மொத்தத்தில் அவர் இரண்டு வேலைகளை செய்தார்.

1. அவருடைய சொந்த இரத்தத்தினால் நம்மை மீட்டார்.

2. அடுத்து, பிதாவுக்கு கீழ்ப்படிந்து, தன்னை ஒப்புக்கொடுத்து, கடந்த யுகங்களிலும் காலங்களிலும் மறக்கப்பட்ட “தேவனுடைய சகல இரகசியமான” காரியங்களை நிறைவேற்றி, அவருக்கேற்ற பிரதிநிதியாக தன்னையே நிரூபித்தார் – எபே 3:3-5

ஆண்டவரின் முப்பதாவது வயதில், அவருடைய மனத்தாழ்மையினால் வந்த மேன்மையான நிலை அனைத்தும் தரிசனமாக காட்டப்பட்டது. இவைகள் அனைத்தும் “அடிக்கப்பட்ட ஆட்டைப்போல” அடையாளமாக காட்டப்பட்டது. அபிஷேகிக்கப்பட்ட கண்களுக்கு இந்தக் காட்சி எத்தனை வல்லமையாக தோன்றும். அதற்குப்பின் அடையாளமாக வரும் காட்சிகள் என்னனெனில் – “இரகசியமான தேவனுடைய சித்தத்தை,” யுங்களைப் பற்றிய தேவ ஏற்பாட்டை, உலக தோற்றத்திற்கு முன் திட்டமிட்ட தெய்வீக நோக்கத்தை பெற்றுக்கொள்ள ஆட்டுக்குட்டியானவர், பிதாவாகிய தேவனிடம் செல்வதை காண்கிறோம். இதற்கு முன் இந்த உலகத்தை தன்னுடைய சொந்த இரத்தத்தினால் இரட்சிக்கக்கூடிய வழியை ஆயத்தப்படுத்தினார். அதற்குப்பின் “தேவனுடைய இரகசியம்” “கர்த்தருடைய ஆட்டுக்குட்டியானவரிடம்” கொடுக்கப்பட்டது.

அதற்குப்பின் முத்திரைகள் உடைக்கப்பட்டது. தெய்வீக நோக்கத்துடன் ஒன்றன்பின் ஒன்றாக ஒவ்வொரு காரியங்கள் வெளிப்பட்டது. ஒவ்வொரு முத்திரை உடைக்கப்படும்போது, அந்தச் சுருள் கொஞ்சம் கொஞ்சமாக திறக்கப்பட்டு, “தேவனுடைய இரகசியங்கள்” கொஞ்சம் கொஞ்சமாக தெளிவடைந்து, ஜனங்களுக்கு புரிந்துகொள்ள வழிவகுத்தது, ஆகவே சுவிசேஷ யுகம் முழுவதிலும் தேவனுடைய ஜனங்கள் “கர்த்தருடைய இரகசியங்களை” – (தெய்வீகத் திட்டம்) – அறிந்துக் கொள்ளுவதற்கான சிறப்புரிமையைப் பெற்றிருக்கிறார்கள். ஆனால் கடைசி முத்திரை உடைப்படும் வரைக்கும் அதாவது அந்தச் சுருள் முழுமையாக திறக்கப்படும் வரைக்கும் தேவனுடைய திட்டங்கள் முழுமையாக வெளிப்படவில்லை. “ஆட்டுக்குட்டியானவர் முத்திரைகளில் ஒன்றை உடைக்கக்கண்டேன். அப்பொழுது நான்கு ஜீவன்களில் ஒன்று என்னை நோக்கி: நீ வந்து பார் என்று இடிமுழக்கம் போன்ற சத்தமாய்ச் சொல்லக்கேட்டேன்” “வானத்தையும் அதிலுள்ளவைகளையும், பூமியையும் அதிலுள்ளவைகளையும், சமுத்திரத்தையும் அதிலுள்ளவைகளையும் சிருஷ்டித்தவரும், சதாகாலங்களிலும் உயிரோடிருக்கிறவருமானவர் மேல் ஆணையிட்டுச் சொன்னான்” வெளி 5:1, 10:7

இந்த உலகத்தில் வெவ்வேறு பகுதிகளில் வாழும் தேவனுடைய ஜனங்கள், தேவனுடைய திட்டங்களைக்குறித்து ஒரே சிந்தை உடையவர்களாக இருப்பார்கள் என்று நமக்கு முன் வைக்கப்பட்டிருக்கும் வசனங்கள் தெளிவாக காட்டுகிறது. ஆகவே தேவனுடைய ஜனங்கள் என்று தங்களை சொல்லிக்கொள்பவர்கள், தாங்கள் எந்த நிலையில் உள்ளவர்கள் என்று முந்தி அறிந்து கொள்ளவேண்டும். இவர்கள் “ஊழியக்காரர்களா” அல்லது தேவனோடு நெருங்கிய ஐக்கியத்தோடிருப்பவர்களும், அவருடைய பரிசுத்த ஆவி என்னும் அச்சாரத்தை பெற்று, பரலோக பிதாவின் திட்டங்களை அறிந்த புத்திரர்களாக, எண்ணப்படுகிறவர்களா என்பதை அறிந்து கொள்ளவேண்டும்.

நம்முடைய பாடப் பகுதி, தேவனிடத்தில் கொண்ட பயபக்தியை பற்றி மட்டுமே பேசுகிறது. ஆனால், நாம் பார்த்தபடி இந்தப் பயபக்தியானது பிதாவின் சித்தம் மற்றும் அவருடைய பணிகளை செய்வதற்கு நாம் பெறும் கிருபையின் ஆழமான கிரியைகளுக்கு தொடர்ந்து வழி நடத்துகிறது. இந்த வகுப்பார் மட்டுமே தேவனுக்கேற்ற பயபக்தியை உடையவர்களாக இருக்கிறார்கள். இப்படிப்பட்டவர்கள் “ஒருவரோடொருவர் பேசிக்கொள்வார்கள்: கர்த்தர் கவனித்துக் கேட்பார்; கர்த்தருக்குப் பயந்தவர்களுக்காகவும் அவருடைய நாமத்தைத் தியானிக்கிறவர்களுக்காகவும் ஞாபக புஸ்தகம் ஒன்று அவருக்கு முன்பாக எழுதப்பட்டிருக்கிறது. என் சம்பத்தை நான் சேர்க்கும் நாளிலே அவர்கள் என்னுடையவர்களாயிருப்பார்கள் என்று சேனைகளின் கர்த்தர் சொல்லுகிறார்; ஒரு மனுஷன் தனக்கு ஊழியஞ்செய்கிற தன்னுடைய குமாரனைக் கடாட்சிக்கிறதுபோல நான் அவர்களைக் கடாட்சிப்பேன்” இவர்களே, தேவனால் தெரிந்துக் கொள்ளப்பட்டவர்களும், கிறிஸ்துவின் சரீரமும், ஜெயித்தவர்களும், சிறுமந்தையும், கிறிஸ்துவோடுக்கூட ஆட்சி செய்யும் இராஜரீக ஆசாரியர்களுமாக, இந்தப் பூமியின் முழு குடும்பங்களை ஆசீர்வதிக்கக்கூடியவர்களாக இருக்கிறார்கள். இப்படியாக, மகா உபத்திரவத்தின் காலத்திற்கு முன்னதாகவே தேவன் அவர்களை மீட்டு தன்னுடைய குமாரனைக் கடாட்சிக்கிறதுபோல கடாட்சிப்பார்.

ஆசரிப்புக்கூடாரம் ஸ்தாபிக்கப்பட்ட போது ஆவிக்குரியவைகளை அடையாளப்படுத்தும் அழகான பொன் மேஜை, குத்துவிளக்கு, தூபபீடம் இன்னும் மற்ற காரியங்களும் இஸ்ரயேலரின் பார்வைக்கு மட்டும் அல்லாமல், மற்ற லேவியர்களின் பார்வைக்கும் மறைக்கப்பட்டிருந்தது. அதாவது அங்கு வேலை செய்யும் லேவியர்களும் அவைகளை பார்க்க அனுமதிக்கப்படவில்லை. இவைகளை காணக்கூடிய பாக்கியத்தை ஆசாரியர்கள் மட்டுமே பெற்றிருந்தார்கள். ஆகவே இவர்கள் ஆவிக்குரிய “இராஜரீக ஆசாரியர்கள்” அடையாளப்படுத்துகிறார்கள். ஆகவே இவர்கள் மட்டுமே தேவனுடைய மறைப்பொருட்களையும், இரகசியங்களையும் புரிந்துக்கொள்ளக்கூடிய சிறப்புரிமையை பெற்றவர்கள்.

R3153 (col.1 P5 to end of article- “கிறிஸ்துவின் சீஷர்கள்” (14-ம் கேள்வி காண்க)

“உண்மையான சீஷர்கள்” என்று நம்முடைய ஆண்டவர் குறிப்பிடும் போது “பெயர் அளவில் சீஷர்கள்” இருப்பதாகவும் வலியுறுத்துகிறார். நாம் தொடர்ந்து உண்மையான சீஷர்களாக இருக்க விரும்புவதால்- “நீங்கள் என் உபதேசத்தில் நிலைத்திருந்தால் மெய்யாகவே என் சீஷராயிருப்பீர்கள்;” (யோவா 8:31) இந்நிலையை நாம் தக்கவைத்து கொள்ள வேண்டும். மாய்மாலமாக, பெயர் அளவின் சீஷர்களாக இருப்பவர்களை தேவன் நிச்சயமாக அருவருக்கிறார்.

கிறிஸ்துவை நம்முடைய இரட்சகராக விசுவாசித்து ஏற்றுக்கொள்வதே – கிறிஸ்துவ வாழ்க்கையின் முதல் படியின் ஆசீர்வாதமாக இருக்கிறது. ஆனால் இதற்குப்பின் கிடைக்கும் ஆசீர்வாதங்கள், நாம் தொடர்ந்து அவருடைய வார்த்தைகளைக் கீழ்ப்படிந்து, உண்மையான சீஷர்களாக இருப்பதை சார்ந்தே இருக்கிறது. இது கடினமானதுமல்ல. ஆனால் மனித பெருமையானது எளிமையாக தெய்வீக சத்தியத்தை விட்டுவிட்டு சொந்தமான புது கூற்றுக்களையும், மனித தத்துவங்களையும் தேடி அலையக்கூடியதாக இருக்கிறது. உலக அளவின் ஞானமாகவும், மிக பெரிய மனிதர்களாக இருக்கவேண்டும் என்று விரும்புபவர்கள் இப்படியாக செயல்படுகிறார்கள்.

தொடர்ந்து உண்மையான சீஷர்களாக இருப்பவர்கள், சத்தியத்தை தொடர்ந்து அறிந்துகொள்வார்கள். ஆனால் “எப்போதும் கற்றாலும் ஒருபோதும் சத்தியத்தை அறிந்து உணராதவர்களாயிருக்கிறார்கள்” (2 தீமோ 3:7) என்று சொல்லப்படுகிறது. தேவனுடைய வார்த்தைகளில் தொடர்ந்து நிலைத்திருப்பதை சிலர் விட்டுவிடுகிறார்கள். அதற்குப் பதிலாக மனித தத்துவங்களையும், தேவனுடைய வார்தைகளை எதிர்க்கும் கூற்றுக்களையும் நாடுகிறார்கள். இவைகள் மத்தியில் சத்தியத்தை தேடுகிறவர்கள் கண்டடைவார்கள் என்று எங்கும் வாக்களிக்கப்படவில்லை. ஏனெனில் அவர்கள் என்றுமே சத்தியத்தை கண்டடையமாட்டார்கள். சரியான தெய்வீக வழிகளை தவிர தெய்வீக சத்தியத்தை ஒருவரும் கண்டடைய முடியாது. நம்முடைய ஆண்டவரும், அப்போஸ்தலர்களும், தீர்க்கதரிசிகளுமே அவ்வழியை நமக்கு முன் வைத்திருக்கிறார்கள். நம்மை கிறிஸ்துவுக்குள் வளர்ச்சி அடைவதற்கு ஊக்குவிக்கும், இவர்களின் எழுத்துக்களைப்படித்து, தியானித்து, அதை நம்பி, நம்முடைய குணலட்சணங்களை, விசுவாசத்தோடு, இவைகளுக்கு இசைவாக பொருத்துவதே தொடர்ந்து தேவனுடைய வார்த்தைகளில் நிலைத்திருப்பதாகும்.

ஆனால், ஒவ்வொரு காலத்திலும் கிறிஸ்துவின் சரீரமாக இருக்கும் நம்முடைய சகோதரர்கள் மத்தியிலிருந்து கொடுக்கப்படும் சகல விதமான உதவிகளைப் பற்றி அப்போஸ்தலனாகிய பவுல் கூறுகிறார். (எபே 4:11-15. 1 கொரி 12:13,14) கிறிஸ்துவின் சரீரத்தை போஷிப்பதற்காக ஆண்டவர் எப்போதும் ஆயத்தமாக இருக்கிறார். ஆனால் ஒவ்வொரு சரீர அங்கங்களும் மிக ஜாக்கிரதையாக மற்ற அங்கத்தினர்கள் கிறிஸ்துவுக்குள் நிலைத்திருக்கக்கூடிய வார்த்தைகளை போதித்து தங்களுடைய கடமையை நிரூபித்து கொள்ள வேண்டும்.

இப்படியாக தொடர்ந்து நாம் தேவனுடைய வார்த்தைகளில் உண்மையான விசுவாசமுள்ள சீஷர்களாக நிலை நின்றால், நாம் உண்மையாக “சத்தியத்தை அறிந்துக் கொண்டு,” இக்காலத்து சத்தியத்தில் நிலைத்திருப்போம். விசுவாசத்தில் ஆழமாக வேர்க்கொண்டிருப்போம். மேலும் நமக்குள் இருக்கும் நம்பிக்கைக்கு சரியான காரணத்தை கொடுக்க அறிந்திருப்போம். பரிசுத்தவான்களுக்கு ஒருவிசை ஒப்புவிக்கப்பட்ட விசுவாசத்தில், நல்ல போராட்டத்தைப் போராடி, நல்ல சாட்சி பகிர்ந்து, கிறிஸ்துவுக்குள் நல்ல போர் சேவகர்களாக தீங்கநுபவித்து முடிவு பரியந்தம் நிலைநிற்போம். இந்த சத்தியத்தின் அறிவை ஒரே நாளில் பெற்றுக்கொள்ளமுடியாது. ஆனால் சரியான வழியில் செல்லும்போது படிப்படியாக இந்தச் சத்தியத்தை கற்றுக்கொள்ளலாம். ஒவ்வொரு படியும் நிச்சயமாக முன்னேற்றத்திற்கு வழி வகுக்கும். ஒவ்வொரு படியும் மேலான சத்தியங்களை புரிந்துக்கொள்ளும் அறிவைக்கொடுக்கும். அதனால் ஆசீர்வதிக்கப்பட்ட ஆவிக்குரிய குணங்களை ஸ்தாபிக்கப்படும்.

இப்படியாக, பெற்றுக்கொள்ளப்படும் சத்தியம் படிப்படியாக சுத்திகரிப்பின் வல்லமையை நம்முடைய வாழ்க்கையில் அதிகரித்து, ஆசீர்வதிக்கப்பட்ட ஒன்பது ஆவியின் கனிகளையும் நமக்குள் வளர்ச்சி அடைந்து பூரணப்படும்.

இப்படியாக, இந்த உண்மையான சீஷர்கள் சத்தியத்தை அறிந்து, அதனால் சுத்திகரிக்கப்படுவார்கள் என்று நம்முடைய ஆண்டவரும் உரைத்திருக்கிறார். “சத்தியம் உங்களை விடுதலையாக்கும்.” சத்தியத்தைப் பெற்றவர்கள் சில ஆசீர்வதிக்கப்பட்ட அனுபவங்களினால் பெற்ற வல்லமையை வைத்து அதை உணர்ந்துக்கொள்ள முடியும். நன்மையானதும், உண்மையான இருதயத்தில் பெற்ற சத்தியம், உடனடியாக, பாவத்தின் செயல்பாடுகளையும், அறியாமையையும், மூடப்பழக்கங்களையும், பயத்தையும் தகர்க்க துவங்குகிறது. நம்முடைய இருதயத்தையும், சிந்தைகளையும் அலசி ஆராய்ந்துப் பார்க்கும். சத்தியத்தின் வெளிச்சத்தில் இருளான பாவங்கள் நிலை நிற்பதில்லை. மேலும் பாவத்தில் தொடர்ந்து நிலை நிற்பவர்கள், அதன் அபூரணத்தை எடுத்து காட்டுவதற்குத் தேவையான வெளிச்சம் பெற்றுக்கொண்ட பின்னும் பாவத்தில் நிலைத்திருந்தால் அந்த வெளிச்சம் அவர்களை விட்டு போய்விடும்.

உண்மையான வெளிச்சத்திற்கு முன்பாக அறியாமையும், மூட நம்பிக்கைகளும் மறைய வேண்டும். விடுதலை பெறக்கூடிய இந்த உணர்வுகள் எவ்வளவு ஆசீர்வதிக்கப்பட்டதாக இருக்கும். ஆனால் மில்லியன் கணக்கானோர் இன்னும் இப்படிப்பட்ட கசப்பான நுகத்தின் கீழ்வாழ்ந்து கொண்டிருக்கிறார்கள். பயத்தினாலும், தப்பறையான நம்பிக்கையினாலும், சாத்தானுடைய சில வஞ்சகத்தில் அகப்பட்டு, (தேவனுடைய நித்திய ஆக்கினை) ஆவிக்குரிய வளர்ச்சியில் குறைவாக காணப்படுகிறார்கள். ஏனெனில் இவர்கள் தெய்வீக நியமனத்தை மாயமாகவே கோருகிறார்கள். சத்தியத்தை பெற்றவர்கள், அசத்தியமான காரியங்களிலிருந்து மிக பெரிய அளவில் தப்பித்திருக்கிறோம். சாத்தானோடு கட்டப்பட்டிருந்த கட்டுகள் துண்டிக்கப்பட்டு விட்டது. கிறிஸ்துவின் மூலம் தேவனுக்கே நன்றிகளை ஏறெடுப்போம்.

இந்த முழு உலகத்தின் மேல் வரும் பேராபத்தின் பயத்திலிருந்து நாம் விடுதலையாக்கப்பட்டிருக்கிறோம். இந்நாள் வரைக்கும் மிக பெரிய அளவில் ஆட்சி செய்து வந்த சகல அமைப்புகளும் பயங்கரமாக அசைக்கப்படும். அனைவரும் வரக்கூடிய பயங்கரங்களை நினைத்து அஞ்சுகிறார்கள். அனைவரின் பயங்களும் அதிகரித்து கொண்டே இருக்கிறது. வரக்கூடிய அபாயங்கள், நாளுக்கு நாள் புலப்படுகிறது. ஆனாலும் இதற்கு மத்தியில் இன்னும் சில வருடகங்களில், இந்த உலகம் மிக பயங்கரமான நிலையை கடக்க வேண்டும் என்று வாக்கு மாறாத தேவனுடைய வார்த்தைகள் முழு உறுதியளிக்கிறது. உண்மையான கிறிஸ்துவின் சீஷர்கள், அவருடைய வார்த்தைகளில் நிலைத்திருப்பவர்கள், பயமில்லாதவர்களாக, மகிழ்ந்து களிக்கூறுவார்கள். ஏனெனில் இந்தக் கறைப்பட்ட உலகத்தின் ஆதாரங்கள் அல்லது தூண்களை முற்றிலுமாக அழிப்பதற்கு தேவன் இந்தப் பெரிதான அழிவை அனுமதிக்கிறார் என்பதை தெளிவாக அறிந்திருக்கிறார்கள். சத்தியத்தின் கட்டளைகளின்படி இப்படிப்பட்ட சூழ் நிலைகளின் அவசியத்தை உணர்ந்து, மனுஷனுடைய கோபம் தேவனுடைய மகிமையை விளங்கப்பண்ணும் என்ற தெய்வீக பராமரிப்பில் நம்பிக்கை கொண்டிருக்கிறார்கள்.

ஆசீர்வதிக்கப்பட்ட வாக்குத்தத்தம் – “இயேசு தம்மை விசுவாசித்த யூதர்களை நோக்கி: நீங்கள் என் உபதேசத்தில் நிலைத்திருந்தால் மெய்யாகவே என் சீஷராயிருப்பீர்கள்; சத்தியத்தையும் அறிவீர்கள். சத்தியம் உங்களை விடுதலையாக்கும் என்றார்.” இப்படிப்பட்ட கிருபையை தேவனிடமிருந்து பெற்றவர்கள், தொடர்ந்து அதில் நிலைத்திருக்கலாம் அல்லவா? தவறான போதனைகளை நாம் நாடாமல், எல்லா சூழ் நிலைகளிலும் விசுவாசமுள்ளவர்களாக இருந்து எல்லா தவறுகளையும் எதிர்த்து நிற்போம் அல்லவா? ஆகவே, நம்முடைய விசுவாசத்தின் கிரியைகளினால் நம்முடைய புரிந்துகொள்ளுதலை நிரூபிப்போமாக.

==================================================================