CD-LOVE-Q-17
F187[P1]: –
இந்த ஆவிக்குரிய பந்தய சாலைக்குள் நுழைவது, நம்முடைய உடன்படிக்கைக்கு ஒப்பாயிருக்கிறது. இதுவே துவக்கம். அவருடைய அன்பின் ஆவியினால் ஆட்கொள்ளப்படுவதற்கு, நம்மை நாம் தேவனிடத்தில் அர்ப்பணித்தோம். ஆயினும், நம்முடைய விழுகையின் காரணத்தினால், நாம் அங்கீகாரம் பெறுவதற்கு தேவையான பிதாவின் குணாம்சங்கள் நம்மிடம் இல்லாததை நாம் துயரத்துடன் உணர்கிறோம். எனினும், நாம் ஓடி, குமாரனின் சாயலைப் பெறுவதற்கு விடாமல் முயற்சிக்கிறோம். இதுவே நம்மை குறித்த தேவனுடைய சித்தமும், அவரோடு நம்முடைய ஐக்கியத்திற்கு உண்டான நிபந்தனையுமாகும். இந்த விஷயத்தில் நாம் கர்த்தரிடத்திலிருந்து வேறுபடுகிறோம். ஏனெனில் அவர் பரிபூரணராக இருப்பதால் அன்பின் வளர்ச்சியில், ஒன்றன்பின் ஒன்றான படி நிலைகளை அவர் அடையமுடியாது. அவர் ஆரம்பத்திலிருந்து இந்த நிலையில் இருந்தார். அவர் தேவனுக்கும், அவருடைய ஜனங்களிடமும். அவருடைய எதிராளியிடமும், விசுவாசத்தோடு அதே பரிபூரண அன்பில் நிலைநிற்கிறாரா, இல்லையா என்பதை அவருடைய சோதனை தீர்மாணிக்க வேண்டியதாக இருந்தது. எவ்வாறாயினும், அந்த குறியீட்டை அடைவதற்கு நாம் ஓட வேண்டும். முயற்சி செய்ய வேண்டும்.