CD-LOVE-Q-19
“கற்பனையின் பொருள் என்னவெனில், சுத்தமான இருதயத்திலும் நல்மனச்சாட்சியிலும் மாயமற்ற விசுவாசத்திலும் பிறக்கும் அன்பே” – 1 தீமோத்தேயு 1:5
R2734[col2. P6] through R2735 [col.1 P1]: –
இந்த அன்பின் பிரமாணத்தைப் பொருத்தவரையில், மாம்சமும், மாம்ச சிந்தையையும், நம்மை வஞ்சிக்கக்கூடிய இயல்பில் உள்ளது. மாம்ச சிந்தை, புதிய சிந்தையோடு கூட்டாக செல்ல முயலும். மற்றும் சில நிபந்தனைகளின் கீழ், அன்பை வாழ்க்கையின் சட்டமாகவும், பிரமாணமாகவும், அங்கீகரிக்க ஆயத்தமாக இருக்கும். வார்த்தையிலும், தொழில் ரீதியிலும், ஒழுக்கநெறிகளிலும், தெய்வீகத்தன்மையிலும், மாம்ச சிந்தை அன்பை ஒரு வல்லமையற்ற நிலையில் வெளிப்படுத்தும். தன்னைத்தான் ஏமாற்றிக் கொண்டு, மற்றவர்களையும் ஏமாற்ற முயலும் ஒரு சுயநலமான இருதயத்தின் பயிற்சியினால், அன்பு கோறுவது போல கனிவான நடத்தை, உதட்டில் புன்னகை, புகழ்ச்சியான வார்த்தைகள், கனவு, மென்மை காணப்படும். ஆனால் இருதயத்திலோ, சுயநலம், சோர்வு, கசப்பு, கடும் வெறுப்பு, பகை இவைகளுக்கு சாதகமான சூழ்நிலை அமையும் போது. அவதூறு பேசுதல், புறங்கூறுதல், அல்லது ஏச்சுப்பேச்சுகள் போன்றவை வெளிப்படும். இவைகள் தொடர்ந்து இருதயத்தில் உறுத்திக்கொண்டே இருந்தால், சாதகமான சூழ்நிலையில், சாத்தான் மற்றும் மாம்சத்தின் கிரியைகளாகிய கோபம், பகை, வெறுப்பு, மற்றும் துன்மார்க்கமான கிரியைகளைப் பிறப்பிக்கும். இது ஒரு சுத்தமான இருதயத்தின் சரியான பாதையை முற்றிலும் எதிர்க்கக்கூடியது. மற்றும் அன்பின் புதிய உடன்படிக்கையின் பிரமாணத்திற்கு முற்றிலும் மாறுப்பட்டது. ஆகையால், எங்களுக்காகவும், எங்களுடனும் உள்ள எல்லா தெய்வீக செயல் தொடர்புகளின் இறுதிப் பொருளையும், எங்களுக்கு வழங்கப்பட்ட எல்லா தெய்வீக வாக்குறுதிகளின் இறுதி முக்கியத்துவமும் – அன்பின் வளர்ச்சியே என்ற உண்மையை தெளிவாக நம்முடைய சிந்தைக்கு முன் நிறுத்த வேண்டும். இது தேவ சாயல். ஏனெனில் தேவன் அன்பாகவே இருக்கிறார். இந்த அன்பு நமக்குள் வளர்ச்சி அடைய அதாவது ஆண்டவர் உறுதி செய்திருக்கும் அளவின்படி வளர, அந்த அன்பு ஒரு சுத்த இருதயத்திலிருந்து வர வேண்டும், மேலும், இது ஆண்டவரோடும் அவருடைய அன்பின் பிரமாணத்தோடும் முழுமையாக இசைந்திருக்க வேண்டும்.இது சாத்தானையும், அவனுடைய சுயநலமான கொள்கையையும் முழுமையாக எதிர்க்கும். இந்த விதமான அன்பு சரியாக வளர்ச்சி அடைய நல்ல மனசாட்சியும் தேவைப்படுகிறது. தவறான மனசாட்சி இருப்பதை நாம் நினைவில் கொள்ள வேண்டும். நம்முடைய விழுந்துபோன பிற அம்சங்களைப் போலவே. நம்முடைய மனசாட்சியையும் சீரமைக்க வேண்டும். நம்முடைய மனசாட்சியை ஒழுங்குப்படுத்த வேண்டுமானால், அதை சீரமைக்க, ஒரு குறியளவு வேண்டும். மனசாட்சி ஒரு கடிகாரத்தைப் போல் உள்ளது. இது சரியான மணி நேரத்தை காட்டும். ஆனால் அது சரியான மணிநேரத்தை உண்மையாகக் காட்டுவதற்கு, அந்த கடிகாரத்திற்குள் இருக்கும் முக்கிய சுருள்வில்லை, (main – spring) சரியாக சீரமைக்கவேண்டும். இப்படியாகவே, நம்முடைய மனசாட்சியும், நமக்கு சரியானதையும், தவறானதையும் சுட்டிகாட்ட தயாராக இருக்கிறது. ஆனால் நமக்கு கொடுக்கப்பட்டிருக்கும் தேவனுடைய வார்த்தைகளில், அன்பின் பிரமாணத்திற்கு முழு இசைவாக புதிய இருதயம், புதிய சித்தமாகிய முக்கிய சுருள்லில்லை (main – spring). நமக்குள் ஒழுங்குப்படுத்தினால் மட்டுமே. நம்முடைய மனசாட்சி உண்மையில் தவறையும், சரியையும் நமக்கு சரியாக சுட்டிக்காட்ட முடியும்.