பரிசுத்த ஆவிக்காக ஜெபிக்க வேண்டும்

R3665 [col. 1:2]: –

ஒருவேளை அவர் நீண்ட காலம் தாமதித்தாலும், ஒருவேளை அவர் நமக்கு படிப்படியாக கொடுத்தாலும், கேட்ட உடனடியாக அதை முழுமையாக கொடுக்கா விட்டாலும், நம்முடைய பரலோக பிதா கொடுக்க விரும்பும் காரியங்களை, நிச்சயமாக

நாம் பெற்றுக்கொள்ளுவோம் என்ற உறுதியோடு நாம் எதை வேண்டுமானாலும் கேட்கலாம் என்று நம்முடைய ஆண்டவர் கூறுகிறார். பொல்லாதவர்களாகிய நீங்கள் உங்கள் பிள்ளைகளுக்கு நல்ல ஈவுகளைக் கொடுக்க அறிந்திருக்கும்போது,

பரமபிதாவானவர் தம்மிடத்தில் வேண்டிக்கொள்ளுகிறவர்களுக்குப் பரிசுத்த ஆவியைக் கொடுப்பது அதிக நிச்சயம் அல்லவா என்றார்.” (லூக்கா 11:13) என்ற நம்முடைய ஆண்டவருடைய வார்த்தைகளை வாசிக்கலாம். பரிசுத்த ஆவி என்பது

அன்பின் ஆவியாகும் – தேவனுக்கும் மனுஷனுக்கும், தற்போதைய நிலைமைகளின் கீழ் நமக்கு இது கொடுக்கப்பட முடியாது, பழைய சுயநலம், நம்முடைய இருதயங்களில் உள்ள தவறான ஆவி நீக்கப்படும்போது, படிப்படியாக கொடுக்கப்படும்.

ஆகவே, நாம் தேவனுடைய ஆவியினால் நிரப்பப்படுவதற்கு, நம்முடைய வாழ்நாள் பயணம் முடியும் வரையில் தொடர்ந்து ஜெபிக்கவேண்டும். மேலும் இவ்வாறு ஜெபிப்பது என்றால், தினம் தினம் நாம் உழைக்கும்போது, ஆண்டவர் நம்மை

தொடர்ந்து ஆசீர்வதித்து, நம்முடைய இருதயங்களில் ஆவியின் கனிகளை பிறப்பித்து, நம்முடைய வாழ்க்கையில் அதனுடைய சந்தோஷங்களையும், சமாதானத்தையும் ஆசீர்வாதத்தையும் கொடுப்பார் என்பதே. லூக்கா 11:13

“பொல்லாதவர்களாகிய நீங்கள் உங்கள் பிள்ளைகளுக்கு நல்ல ஈவுகளைக் கொடுக்க அறிந்திருக்கும்போது, பரமபிதாவானவர் தம்மிடத்தில் வேண்டிக் கொள்ளுகிறவர்களுக்குப் பரிசுத்த ஆவியைக் கொடுப்பது அதிக நிச்சயம் அல்லவா என்றார்.”

E222 through E225- பரிசுத்த ஆவிக்காக ஜெபித்தல் (#18கேள்வி காண்க)

“எல்லாமே குமாரனால்” செய்யப்பட்டாலும், பிதாவே எல்லா ஆசீர்வாதத்திற்கும் ஊற்றும் கரணருமாக இருக்கிறார் என்று ஒவ்வொரு இடத்திலும் பிதாவுக்கே மகிமையையும், கனத்தையும் செலுத்துகிறார். மீட்பின் மற்றும் மறுசீரமைப்பின் முழு

வேலையும் தேவனுடைய வேலை – குமாரனின் மூலம். மேலும் தேவனுடைய பரிசுத்தத்தின் ஆவியை அதிகதிகமாக நாம் பெற்றிருப்பதே பிதாவுக்கு மகிழ்ச்சி என்று நம்முடைய ஆண்டவர் அறிவிக்கிறார். மிக உன்னதமான ஆசீர்வாதமாக இதை

தேடவும், கேட்கவும் அவர் நமக்கு கட்டளையிடுகிறார். ஏனெனில், பூமிக்குரிய ஆசீர்வாதங்களைப் பொறுத்தவரை, நமக்குத் என்ன தேவை என்பதை பரலோக தந்தை அறிந்திருக்கிறார் அதாவது நம்முடைய பூமிக்குரிய ஆசீர்வாதங்களில் எது

உதவியாக இருக்கும் என்றும் எது தீங்கை விளைவிக்கும் என்றும் நாம் அறிவதை விட அவர் நன்கு அறிந்திருக்கிறார் என்று நம்முடைய இரட்சகர் கூறுகிறார். ஆகையால், அபூரணரும், புறஜாதியாரும் செய்வது போல, பூமிக்குரிய

ஆசீர்வாதங்களைப் பற்றி சிந்தித்து அதற்காக ஜெபிக்க வேண்டிய அவசியமில்லை, மாறாக, புத்திரர்கள் என்ற உறவுக்குள் வந்தவர்களாக தேவனுடைய முன்னேற்பாடுகளில் முழு நம்பிக்கை கொண்டவர்களாக, சிறந்தவைகளை நமக்கு கொடுப்பார்

என்று எதிர்பார்த்து. அவர் தந்திருக்கும் வாக்குத்தத்தங்களிலும், விசுவாசத்திலும் நாம் இளைப்பாறலாம்.

நாம் அதிகதிகமான பரிசுத்த ஆவிக்காக விரும்பி வேண்டுவதில் பரலோகபிதா மகிழ்ச்சியாக இருக்கிறார். அதாவது அவருடைய ஆவியுடன் அதிகதிகமாக இசைந்திருக்கும் மனநிலையை அவர் விரும்புகிறார். இவைகளை விரும்பி. கேட்டு. தேடும்

அனைவரும் தங்கள் நல்விருப்பங்களைப் பெறுவார்கள். இந்த பரிசுத்த ஆவிக்கு தடையாக இருக்கும் விஷயங்கள். அதாவது அவர்களுக்குள் இருந்தாலும் சரி, அவர்களை சுற்றியிருந்தாலும் சரி, தேவனுடைய ஆவியினால் அவர்கள்

நிரப்பப்படும்படிக்கு. அவருடைய அன்பான ஆவி அவர்களுக்குள் பெருகும்படி, தடைகளை அகற்றுவார். ஆனால் இதில் பரிசுத்த ஆவியின் புதிய ஞானஸ்நானம் பற்றி எதுவும் பரிந்துரைக்கப்படவில் ஞானஸ்நானம் ஆரம்பத்தில் வந்தது. இப்போது

செய்ய வேண்டியது எல்லாம். ஒவ்வொரு திசையிலுள்ள மதகுகளை திறக்கவேண்டும். அப்பொழுது அன்பு மற்றும் சத்தியத்தின் பரிசுத்த ஆவி நம்முடைய ஒவ்வொரு வார்த்தையிலும், செயலிலும், சிந்தனையிலும் ஊடுருவி,

வெளிப்படவேண்டும். தடைகளை அகற்றுவதிலும், தேவையற்றவைகளை தடை செய்வதிலும், தேவனுடைய ஞானம் மற்றும் ஏற்பாடுகளின் செயல்பாட்டை உணர்வதற்கு நமக்கு தெய்வீக உதவி தேவை. பரிசுத்தத்தின் ஆவியை ஒருவர்

ஆவலுடன் விரும்பி. ஜெபத்தினாலும். முயற்சியினாலும் தேடினால் மட்டுமே அதை அதிகதிகமாக பெற்றுகொள்ள முடியும். பரிசுத்த ஆவியினால் நம்முடைய சிந்தையும் அதன் தாக்கங்களும் நிரப்படுவதற்கு நம்முடைய இருதயங்களில்

இருக்கும் உலகின் ஆவி அல்லது சிந்தை விரட்டவேண்டும். சுய சித்தமும் இதற்கு இடம் கொடுக்கவேண்டும் அதாவது இவைகளை நாம் முழு விருப்பத்தோடு செய்யவேண்டும். தேவனுடைய பரிபூரணத்தை பெறுவதற்கு ஆயத்தமாக இருப்பதற்கு

ஏற்றவாறு சகலத்தையும் நாம் அகற்றிவிட்டதினாலும், நாம் மற்ற எல்லா மாறுப்பட்ட செல்வாக்கையும் விருப்பத்தையும் அழிக்க ஆர்வமுள்ளவர்களாக இருப்பதினாலும் தேவன் தம்முடைய பரிசுத்த ஆவியினால் நிரப்புவதற்கு ஆவலுடன்

இருக்கிறார். இதே கருத்தை எபேசு சபைக்காக அப்போஸ்தலர் செய்த ஜெபத்தில் காணலாம். “அறிவுக்கெட்டாத அந்த அன்பை அறிந்துகொள்ள வல்லவர்களாகவும், தேவனுடைய சகல பரிபூரணத்தாலும் நிறையப்படவும், அவர் தமது

மகிமையினுடைய ஐசுவரியத்தின்படியே, உங்களுக்கு அநுக்கிரகம் பண்ணவேண்டுமென்று வேண்டிக்கொள்ளுகிறேன்.” (எபேசியர் 3:19) கிறிஸ்துவின் ஆவியால் நிரப்பட்டு அவர் வெளிப்படுத்திய அன்பை முழுமையாக புரிந்துகொண்டவர்.

தந்தையின் ஆவியை முழுமையாக பெறுவார்.

வேத வசனங்களை நாம் ஆராய்ந்து பார்க்கும்போது, எந்த வகையிலும் பரலோகத் தகப்பன் தனது பிள்ளைகள் வேறொரு தேவனைக் கேட்பதில் மகிழ்ச்சி அடையமாட்டார் என்பது தெரிகிறது சமத்துவ தேவனின் திரித்துவத்தில் மூன்றாவது நபராக

இருக்கும் ஒரு தேவன். அத்தகைய சிந்தனை இந்த பகுதிக்கும் அதன் இணைப்புகளுக்கும் ஒவ்வாததாக உள்ளது. அத்தகைய தவறான பார்வையை உற்சாகப்படுத்துபவர்கள், இந்த வாக்குறுதியின் உண்மையான அழகு மற்றும் வல்லமையை

காணாதபடிக்கும் நிச்சயமாக பார்வையற்றவர்களாக இருப்பார்கள். பூமிக்குரிய பெற்றோர் தங்கள் பிள்ளைகளுக்கு அப்பம், மீன் மற்றும் முட்டைகள் கொடுப்பது போல, திரித்துவ தேவர்களின் மூன்றாவது நபரை இன்னொருவருக்கு கொடுப்பது

உண்மையில் விசித்திரமாக இருக்குமே. (முந்தைய வசனங்களை காண்க) தேவனுடைய பிள்ளைகளின் ஆறுதலுக்கும். ஆவிக்குரிய மேம்பாட்டிற்கும் பலவிதமாக வழங்கப்படும் தெய்வீக சிந்தை அல்லது தெய்வீக உந்துதலே பரிசுத்த ஆவி என்று

சரியாக புரிந்துகொண்டால் மட்டுமே இந்த பகுதி முரணற்றதாக இருக்கும்.

அன்பான பூமிக்குரிய பெற்றோர்கள் தங்கள் குழந்தைகளுக்கு இயற்கையான உணவைக் கொடுப்பதற்கும். நம்முடைய அன்பான பரலோக பெற்றோர் அவரிடம் கேட்கிறவர்களுக்கு அவருடைய பரிசுத்த ஆவியை கொடுப்பதற்கும் இடையிலான ஒரு

ஒப்பீட்டை நம்முடைய உரை காண்கிறது. பூமிக்குரிய பெற்றோர் தனது குடும்பத்திற்கான உணவை தயாரித்து வைத்தாலும், அதை அவர்கள் மீது கட்டாயப்படுத்தாது போலவே, நம்முடைய பரலோக பெற்றோரும் அவருடைய ஆவிக்குரிய

குடும்பத்தினருக்காக அவருடைய கிருபையான நல்ல ஏற்பாடுகளை ஆயத்தப்படுத்தி வைத்திருக்கிறார், அவரும் நம்மீது கட்டாயப்படுத்துவதில்லை. அதற்காக நாம் பசி தாகமுள்ளவர்களாக இருக்க வேண்டும். அவைகளை நாம் தேட வேண்டும்,

சந்தேகத்திற்கு இடமின்றி, விசுவாசத்தின் அடிப்படையில், அவருடைய சித்தத்தின் படி நமக்கு நல்ல ஈவுகளை வழங்குகிறார். ஆகையால், பரிசுத்த ஆவிக்காக நாம் ஜெபித்து, நாம் கர்த்தருடைய ஆவியினால் நிரப்பப்படும் போது, நாம் நம்மை

பார்த்து, அவர் இவ்வாறு ஊக்குவித்து வழிநடத்தியுள்ளபடி, இந்த ஜெபங்களுக்கான பதிலுக்காக அவர் அளித்த ஏற்பாட்டைக் கண்டுபிடிக்க வேண்டும்.

இந்த முன்னேற்பாட்டை நாம் சத்திய வார்த்தையின்படி காண்கிறோம். ஆனால் அது இருக்கும் இடத்தை கண்டுபிடிப்பது போதாது நாம் நிரப்பப்பட விரும்பினால் நாம் உண்ணவேண்டும். நிச்சயமாக விருந்தில் பங்கேற்கவேண்டும் அல்லது நமக்கு

வடிவமைத்து கொடுக்கப்பட்ட உணவை சாப்பிடுவதன் திருப்தியை நாம் அனுபவிக்க முடியாது. மேஜையிலிருப்பதை முழுமையாக சாப்பிடாதவர் உண்மையில் உணவு இல்லாதவரைப் போல, பட்டினியாகவும், வயிறு காலியாகவும் இருப்பார்.

உணவின் மீதான ஆசீர்வாதங்களை கேட்பது. நம்மை நிரப்பாததினால், நாம் அதில் பங்கெடுக்க வேண்டும். தேவனுடைய வார்த்தையை நாம் வைத்துகொண்டு, ஆவியினால் நிரப்பப்பட வேண்டும் என்ற நம்முடைய வேண்டுகோள் போதாது.

எனவே நாம் தேவனுடைய வார்த்தைகளை உண்டு. அதிலிருந்து அவருடைய ஆவியை பெறவேண்டும். ஆவியே உயிர்ப்பிக்கிறது. மாம்சமானது ஒன்றுக்கும் உதவாது: நான் உங்களுக்குச் சொல்லுகிற வசனங்கள் ஆவியாயும் ஜீவனாயும்

இருக்கிறது. (யோவான் 6:63) என்று நம்முடைய ஆண்டவர் அறிவித்தார். மேலும் ஆவியினால் நிரப்பப்பட்ட அனைவரும், “உம்முடைய வார்த்தைகளை கண்டு, அவைகளை நான் உட்கொண்டேன்” (எரேமியா 15:16. வெளி 10:9) என்று சொல்லும்

தீர்க்கதரிசியின் வார்த்தைகள் உண்மையாக உள்ளது. நாம் ஆவியினால் நிரப்பப்படுவதற்கு வழங்கப்பட்ட சத்தியத்தின் வார்த்தைகளை நாம் புறக்கணித்து. ஆண்டவரே, ஆண்டவரே எங்களுக்கு ஆவியை தாரும் என்று ஜெபிப்பது முற்றிலும்

பயனற்றது. நாம் பரிசுத்த ஆவிக்காக வெறுமனே ஜெபித்து அந்த சத்திய ஆவியைப் பெறுவதற்கான சரியான வழிகளைப் நாம் பயன்படுத்தாவிட்டால், நாம் தொடர்ந்து “கிறிஸ்துவில் குழந்தைகளாக”, தேவனோடுள்ள உறவுக்கு சான்றாக, அவர்

கொடுத்திருக்கும் சத்திய வார்த்தைகளை விட்டு விட்டு, அதற்கு பதிலாக வெளிபுறமான அடையாளங்களை தேடுகிறவர்களாக இருப்போம்.

ஞானத்திற்காக ஜெபித்தல்.

யாக்கோபு 1:5,6 – “உங்களில் ஒருவன் ஞானத்தில் குறைவுள்ளவனாயிருந்தால் யாவருக்கும் சம்பூரணமாய்க் கொடுக்கிறவரும் ஒருவரையும் கடிந்துகொள்ளாதவருமாகிய தேவனிடத்தில் கேட்கக்கடவன், அப்பொழுது அவனுக்குக் கொடுக்கப்படும்.

ஆனாலும் அவன் எவ்வளவாகிலும் சந்தேகப்படாமல் விசுவாசத்தோடே கேட்கக்கடவன்; சந்தேகப்படுகிறவன் காற்றினால் அடிபட்டு அலைகிற கடலின் அலைக்கு ஒப்பாயிருக்கிறான்.”

F686 [2]: –

நமக்காக தெய்விக ஏற்பாடுகள் முன்னதாகவே ஆயத்தம் செய்யப்பட்டபின், இந்த உலகத்தின் சார்பாக நாம் எதை கேட்கமுடியும்? ஒன்றும் இல்லை. தேவனுடைய வார்த்தையின் உறுதியளிக்கப்பட்ட மகிமை வாய்ந்த “மறுசீரமைப்பின்

காலங்களில்”, மனிதர்களில் ஞானமுள்ளவர்களின் இதுவரையில் சிந்தித்திராத, அனைத்து மகத்தான எதிர்பார்ப்புகளை காட்டிலும் அதிக அதிகமான காரியங்களை நிறைவேற்றும். அதற்காக நாம் தேவனுக்கு நன்றிகளை மட்டுமே செலுத்தி,

அவருடைய நன்மைகளை ஏற்றுக்கொண்டு, அவரோடுக்கூட இசைந்திருக்க முயன்று, ஞானத்தை பற்றிய நம்முடைய தேவையை நாம் உணரவேண்டும். எனவே, இதற்காக நாம் தேவனுடைய ஆவியை அல்லது வல்லமையை அதாவது

“உன்னதத்தின் ஞானத்தை” உதவியாக கேட்கலாம். “உங்களில் ஒருவன் ஞானத்தில் குறைவுள்ளவனாயிருந்தால், யாவருக்கும் சம்பூரணமாய்க் கொடுக்கிறவரும் ஒருவரையும் கடிந்து கொள்ளாதவருமாகிய தேவனிடத்தில் கேட்கக்கடவன்,

அப்பொழுது அவனுக்குக் கொடுக்கப்படும்.” – (யாக்கோபு 1:5) இந்த ஞானம், நாம் மற்றவர்களுக்கு உதவக்கூடிய விதமாக நம்மை நடத்தி கொள்வதற்கும், பேசுவதற்கும், செயல்படுவதற்கும் நம்மை நடத்தும். ஆகவே, இவ்வழியில் நாம்

செல்லும்போது, முன்னதாகவே தேவன் குறிப்பிட்டுள்ள நல்லதொரு கோட்பாடுகளுக்கும், தாராள மனப்பான்மைக்கும் இசைவாக இணைந்து செயல்படுவதற்காக நாம் ஜெபிக்கவேண்டும். உலகத்திற்கு ஒத்திராதபோதிலும், சிறப்பான

இக்காரியங்களுக்காகவே நாம் ஜெபிக்கவேண்டும்.

ஒருவருக்காக ஒருவர் ஜெபித்தல்

1 தெசலோனிக்கேயர் 5:25 – சகோதரரே, எங்களுக்காக வேண்டிக்கொள்ளுங்கள்.

யோவான் 17:20 – நான் இவர்களுக்காக வேண்டிக்கொள்ளுகிறதுமல்லாமல், இவர்களுடைய வார்த்தையினால் என்னை விசுவாசிக்கிறவர்களுக்காகவும், வேண்டிக்கொள்ளுகிறேன்.

எபேசியர் 1:16 – இடைவிடாமல் உங்களுக்காக ஸ்தோத்திரம்பண்ணி, என் ஜெபங்களில் உங்களை நினைத்து,

கொலோசேயர் 4:2,3 – இடைவிடாமல் ஜெபம்பண்ணுங்கள், ஸ்தோத்திரத்துடன் ஜெபத்தில் விழித்திருங்கள். கிறிஸ்துவினுடைய இரகசியத்தினிமித்தம் கட்டப்பட்டிருக்கிற நான் அந்த இரகசியத்தைக்குறித்துப் பேசவேண்டியபிரகாரமாய்ப் பேசி, அதை

வெளிப்படுத்துவதற்கு,

அறுவடையாளர்களுக்காக ஜெபித்தல்

மத்தேயு 9:38 – ஆதலால், அறுப்புக்கு எஜமான் (அறுவடையின் எஜமான்) தமது அறுப்புக்கு வேலையாட்களை அனுப்பும்படி அவரை வேண்டிக்கொள்ளுங்கள் என்றார்.

R2636 [col. 1:3]: –

யூத யுகத்தின் அறுவடையின் முடிவு, சுவிசேஷ யுக அறுவடையை நிழலிட்டு காட்டுகிறது. மேலும் அப்பொழுது இருந்தது போல இப்பொழுதும், அறுவடையின் ஆண்டவர் இயேசுவாகவும், அவருடைய சீஷர்களும், தூதுவர்களும், கூட்டிச்சேர்க்கும்

வேலையின் முகவர்களாக இருக்கிறார்கள். “அறுவடையோ மிகுதி, வேலை ஆட்களோ குறைவு” என்று ஆண்டவர் அன்று சொன்னது போல இப்பொழுதும் கூறுகிறார். நாம் இந்த விஷயத்தில் அவருடைய ஆவியை பெற்று, அவருடைய

வேலைக்காக நம்மை அனுப்பும்படி அவரை வேண்டிக்கொள்ளும் போது, அவர் அவ்வாறு செய்வதற்கு பிரியமாக இருப்பார். மேலும் பலர் நாளுக்கு நாள் இவ்வாறு ஜெபித்து, அறுவடை வேலையில் தங்கள் கைகளால் என்ன செய்ய முடியும்

என்பதை செய்ய முயலுகிறார்கள். இப்படிப்பட்டவர்களின் ஊழியத்தை வழிநடத்த ஆண்டவர் கிருபையுள்ளவராக இருந்து, அவர்களின் நலனுக்காகவும், மற்றவர்களின் நலனுக்காகவும் ஆசீர்வதிக்கப்பட்ட முடிவுகளை ஆண்டவர் அவர்களுக்கு

கொடுக்கிறார். அன்று சீஷர்கள் அனைவரும் இந்த ஜெபத்தை செய்து, அறுவடையின் வேலைகளில் ஒரு பகுதியானவைகளை செய்வதற்கு வாய்ப்பு கிடைத்தது போல, இன்றும் அவருடைய உண்மையான சீஷர்கள் இந்த ஜெபத்தை ஏறெடுத்து,

ஊழியத்திற்கான வாய்ப்புகளை பயன்படுத்திக்கொள்ள எதிர்ப்பார்க்கவேண்டும்.

நம்முடைய சத்துருக்களுக்காக

மத்தேயு 5:44 – நான் உங்களுக்குச் சொல்லுகிறேன், உங்கள் சத்துருக்களைச் சிநேகியுங்கள்; உங்களைச் சபிக்கிறவர்களை ஆசீர்வதியுங்கள்; உங்களைப் பகைக்கிறவர்களுக்கு நன்மை செய்யுங்கள்; உங்களை நிந்திக்கிறவர்களுக்காகவும் உங்களைத்

துன்பப்படுத்துகிறவர்களுக்காகவும் ஜெபம் பண்ணுங்கள்.

அப்போஸ்தலர் 7:60 – அவனோ முழங்காற்படியிட்டு: ஆண்டவரே, இவர்கள்மேல் இந்தப் பாவத்தைச் சுமத்தாதிரும் என்று மிகுந்த சத்தமிட்டுச் சொன்னான். இப்படிச் சொல்லி, நித்திரையடைந்தான்.

மன்னா, மார்ச் 21: “நான் உங்களுக்குச் சத்துருக்களைச் சொல்லுகிறேன்; உங்கள் சிநேகியுங்கள்: உங்களைச் சபிக்கிறவர்களைச் ஆசீர்வதியுங்கள்; உங்களைப் பகைக்கிறவர்களுக்கு நன்மை செய்யுங்கள்; உங்களை நிந்திக்கிறவர்களுக்காகவும்

உங்களைத் துன்பப்படுத்துகிறவர்களுக்காகவும் ஜெபம்பண்ணுங்கள்.” (மத்தேயு 5:44)

இப்படிப்பட்டவைகளை குறித்த நம்முடைய சொந்த இருதயத்தின் உண்மையான மனநிலையை ஆய்வு செய்ய இங்கு ஒரு வழி உண்டு. நீங்கள் மகிழ்ச்சியுடன் அவர்களுக்கு தயவு காட்டி அவர்களுடைய வழியில் இருக்கும் தவறுகளை

காண்பதற்கும் அதை மேற்கொள்வதற்கும், உங்கள் திறனைப்பயன்படுத்தி உதவுவீர்களா? அவர்களுக்காக மென்மையாக ஜெபிப்பீர்களா? அவர்களின் பலவீனங்களையும். அவர்களின் அறியாமைகளையும், வளர்ச்சி குறைவுகளையும்

பொறுமையோடு சகிப்பீர்களா? இன்னும் சிறப்பாக வழிக்காட்டுவதற்கும் ஒரு உன்னதமான மாதிரியாக இருக்க முயற்சிக்க முடியுமா? அப்படியானால், நீங்கள் பாவியை அல்ல பாவத்தை இகழக்கூடியவர்களாக இருப்பீர்கள். என்றுமே, நீங்கள்

பாவியை அல்ல பாவத்தை வெறுக்கக்கூடியவர்களாக இருக்கவேண்டும். பாவமும் அதை செய்த பாவியும் இனி பிரிக்கமுடியாத அளவுக்கு இணைந்திருக்கிறார்கள் என்று தேவனுடைய தவறிழைக்காத நியாயத்தீர்ப்பு அறிவிக்கப்படும் வரையில்,

உங்கள் அன்பு அந்த சகோதரர் மீது தொடர்ந்து பற்றிக்கொண்டிருக்கட்டும்.

“எல்லா மனுஷருக்கும், இராஜாக்களுக்கும், அதிகாரத்துக்குள்ளானவர்களுக்கும்” ஜெபித்தல்

1 தீமோத்தேயு 2:1,2 – நான் பிரதானமாய்ச் சொல்லுகிற புத்தியென்னவெனில், எல்லா மனுஷருக்காகவும் விண்ணப்பங்களையும் ஜெபங்களையும் வேண்டுதல்களையும் ஸ்தோத்திரங்களையும் பண்ணவேண்டும்; நாம் எல்லாப் பக்தியோடும்

நல்லொழுக்கத்தோடும் கலகமில்லாமல் அமைதலுள்ள ஜீவனம்பண்ணும்படிக்கு, ராஜாக்களுக்காகவும், அதிகாரமுள்ள யாவருக்காகவும் அப்படியே செய்யவேண்டும்.

R3600 [col. 1:4 to end of answer] – பூமிக்குரிய ஆளுனர்களுக்காக ஜெயுங்கள்.

கேள்வி – நாம் எல்லாத் தெய்வபக்தியிலும், நேர்மையிலும் சமாதானமான வாழ்க்கையை அமைதியுடன் வாழ்வதற்கு, “இராஜாக்களுக்காகவும், அதிகாரத்தில் உள்ளவர்களுக்காகவும்” ஜெபங்களையும் வேண்டுதல்களையும் செய்வது ஏற்ப்புடையது

என்ற அப்போஸ்தலரின் வெளிப்பாட்டை (1 தீமோத்தேயு 2:1-4) நாம் எவ்வாறு புரிந்துக்கொள்ள வேண்டும்?
பதில் – இந்த உலகம் முழுவதிலும் உள்ள, பெரிய மற்றும் ஏழ்மையானவர்களின் நலன்களில் நாம் ஆர்வம் காட்டவேண்டும். நம்முடைய மாம்சத்தை பொருத்தவரை அவர்கள் நம்முடைய சகோதரர்கள் மற்றும் அயலகத்தார்களாக

இருப்பதினாலும், தேவன் அவர்களை நேசித்து, அவர்கள் மீது இரக்கம் கொண்டு, அவருடைய இரத்தத்தினால் அவர்களை இரட்சித்து, அவர்களது மறுசீரமைப்பிற்காக ஒரு இரக்கமுள்ள ஏற்பாட்டை செய்திருப்பதினாலும், நாம் அவர்கள் மீது

அக்கரைக்கொண்டிருக்கவேண்டும். நாம் நம்முடைய கர்த்தருடன் ஒத்துப்போகும் விகிதத்தில், அவருடைய கிருபையான திட்டத்தின் எல்லா அம்சங்களிலும் இணக்கமாக இருக்கவேண்டும். மேலும், இது மனுக்குலத்தின் மீதுள்ள அன்பையும்,

“…நமக்குக் கிடைக்கும் சமயத்திற்குத் தக்கதாக, யாவருக்கும், விசேஷமாக விசுவாச குடும்பத்தார்களுக்கும். நன்மை செய்வதே….” கலாத்தியர் 6:10 இதன் பொருளாகும்.

உலகிற்காக இத்தகைய உணர்வையும். அவர்கள் மீது அக்கறைக்கொண்ட மனதுள்ளவர்களாகவும், “உம்முடைய இராஜ்யம் வருக, உம்முடைய சித்தம் பரலோகத்தில் செய்யப்படுவது போல பூமியிலும் செய்யப்படுவதாக” என்று ஜெபிப்பது

பொருத்தமாக இருக்கும். உண்மையில் மனுக்குலத்தின் நலன்களைக் கொண்டிருக்கும் எந்தவொரு காரியமும், அன்பின் பரிசுத்த ஆவியை பெற்றவர்களின் இருதயங்களுக்கு நெருங்கி இருக்கும். ஆகவே, அதிகாரத்தில் உள்ளவர்கள் கெட்ட

சூழ்நிலைகளில், தவறான வழியில் விரைந்து சென்று நிச்சயமாக காயப்படுவார்கள் என்று அறிந்தபோதிலும், நாம் நீதியின் வழியில் நடத்தப்படவும், அவர்களின் நலன்களின் நம்முடைய நல்ல விருப்பங்களை குறிப்பிடும்படிக்கும், சரியான

தருணங்களில் அவர்களுக்காக ஜெபிப்பது பொருத்தமாக இருக்கும்.
எல்லா நேரத்திலும், தேவனுடைய ஜனங்களின் இருதயங்களை தேவ சமாதானம் ஆண்டு கொள்ளும்படியாகவும், இந்த உலகின் அராஜகவாத அல்லது வெறுப்புணர்ச்சியையும், குருடர்களின் குருட்டுத் தலைவர்களிடமும் பயப்படாதபடிக்கு, நாம்

சமாதானத்தோடும், அமைதியான வாழ்க்கை வாழவேண்டும் என்ற நோக்கத்துடன், இந்த ஜெபங்களை ஆட்சியாளர்களுக்காக ஏறெடுக்க வேண்டும் என்று அப்போஸ்தலர் குறிப்பிடுகிறார். எனவே, நம்மால் முடிந்தளவு அவர்களை பற்றி நல்ல

விஷயங்களைச் சொல்ல முடியாதபோதிலும், நம்முடைய மனசாட்சிக்கு விரோதமாக அவர்களோடு ஒத்துழைக்க முடியாமல்போனாலும், குறைந்தபட்சம் அவர்களுக்காக ஜெபித்து, நாம் எந்த ஒரு மனுஷனைப் பற்றி தீமை பேசுவதில்லை என்று உறுதிக்கொள்ளலாம்.

“நான் உலகத்திற்காக வேண்டிக்கொள்ளாமல்…” என்று யோவான் 17ல், நம்முடைய ஆண்டவரின் ஜெபத்தில் பதிவு செய்யப்பட்ட இந்த வார்த்தைகளை அப்போஸ்தலருடைய வார்த்தைகளுக்கு முரண்பாடாக புரிந்துக்கொள்ளக்கூடாது. மாறாக,

“நான் இப்போது இந்த உலகத்திற்காக வேண்டிக்கொள்ளாமல், நீர் எனக்கு தந்தவர்களுக்காக வேண்டிக்கொள்கிறேன்.” என்ற அர்த்தத்தை நாம் சரியாக புரிந்துக்கொள்ள வேண்டும்.

ஆண்டவர் நமக்கு கட்டளையிட்டவைகளுக்கு ஏதோ எதிரானதற்காக நாம் ஜெபிக்கவேண்டும் என்று அப்போஸ்தலர் பொருள்படுத்தினார் என்று நாம் புரிந்துக்கொள்ளவும் கூடாது, உபத்திரவ காலம் அவசியமில்லாமல். அது வராதபடிக்கும்,

இராஜாக்களும் ஆட்சியாளர்களும், தேசங்களும், மனம் மாறவேண்டும் என்று எதிர்பார்த்து ஜெபிக்கவும் கூடாது. இதற்கு எதிராக, இனி நடக்கபோகிற யுகத்தின் மாற்றத்திற்கு ஏற்றவாறு. இந்த உலகின் மனநிலை சரியானதாக இல்லாததினால்,

உபத்திரவ காலம் வரும் என்பதை நாம் புரிந்துக் கொள்ளவேண்டும். புதிய ஒழுங்கு முறைகளுக்காக ஆயத்தமாகும்படிக்கு இந்த உலகம் “இரத்தம்”, “அக்கினி”, “கோபாக்கினை” போன்ற ஸ்நானங்களின் வழியாக கடக்கவேண்டியதாக உள்ளது.

ஆகவே, இவைகள் வருங்காலத்திற்கு அநேக ஆசீர்வாதங்களாக இருக்கும். எழுதப்பட்டவைகளுக்கு முழு இசைவாக நம்முடைய ஜெபங்கள் இருக்க வேண்டும், ஆனால் அனைவருக்கான நல்ல விருப்பங்களை இது நம்மை தடை செய்யாது.

மேலும், இந்த உலகின் அதிபதியினால் அவர்கள் குருடாக்கப்பட்டிருப்பதினால், அநேகர் மூர்க்கத்தனமாக இருப்பதை எண்ணி அவர்கள் மேல் அனுதாபமுள்ளவர்களாக இருக்கிறோம்.

ஜெபத்திற்காக விசேஷித்த சந்தர்ப்பங்கள்

R2006 [col. 1:2-7] – நீங்கள் விண்ணப்பம் “பண்ணாமலிருக்கிறதினாலே, உங்களுக்குச் சித்திக்கிறதில்லை” (யாக்கோபு 4:2) 

கிறிஸ்துவுக்குள்ளும், அவருடைய வார்த்தைகளுக்குள்ளும் நிலைத்திருப்பவர்கள், அவரிடம் கேட்பதற்கும். தேடுவதற்கும், கண்டுபிடிப்பதற்கும், அவர்களுக்காக தனித்து வைக்கப்பட்டிருக்கும் அவருடைய தெய்வீக கிருபையின் மிகப்பெரிய பங்கை

தாங்கள் பயன்படுத்திக்கொள்ளாததே, பலரிடம் உள்ள பிரச்சனையாக இருக்கிறது. எல்லா ஜெபங்களும் சுயநலமாக இருக்கக்கூடும் என்று ஒருவரும் எண்ணிவிடக்கூடாது. இதற்கு நேர்மாறாக, தேவனுடைய வார்த்தை மற்றும் அவருடைய

சித்தத்திற்கு முழு இசைவாக, ஜெபத்திற்கான சுதந்திரம்பரந்தளவில் உள்ளது.

விசுவாசம் மற்றும் பொறுமையின் ஒவ்வொரு சோதனையும், ஜெபத்திற்கான தருணம். வெற்றி பெறுவதற்காக அடையும் ஒவ்வொரு தோல்வியும், மன்னிப்புக்காகவும், நம்முடைய சொந்த பலவீனத்தின் படிப்பினை ஆழமாக

புரிந்துக்கொள்ளப்பட்டதால், தெய்விக ஆசீர்வாதங்களுக்காக ஜெபிக்கக்கூடிய ஒரு சந்தர்ப்பமாகும். எனவே இதே போன்ற அடுத்த சோதனையில் நாம் உடனடியாக விண்ணப்பிக்கவும். வாக்குறுதியளிக்கப்பட்ட “கிருபாசனத்தை” பற்றி கொள்ளலாம்.

நாம் நம்மையே உயர்த்திக்கொள்ளாதபடிக்கும். மேட்டிமை அடையாதபடிக்கும். தாழ்மைப்பட்டு, மிகப்பெரிய எதிராளியாகிய சாத்தானுடைய அடுத்த தாக்குதல்களுக்கு கவனத்தோடு இருக்கும்படியாக. நம்முடைய சுயத்தின் மீது நாம்

அடையக்கூடிய ஒவ்வொரு வெற்றியும் ஜெபத்திற்கான சந்தர்ப்பமாக உள்ளது. சத்தியத்திற்காக நாம் செய்யக்கூடிய ஒவ்வொரு ஊழியமும், மகா இராஜாவை சேவிக்கக்கூடிய வாய்ப்புக்காக நன்றிகளை ஏறெடுக்கும் ஜெபத்திற்கான சந்தர்ப்பமாக

உள்ளது. மேலும் அவருக்காக ஏதாவது பாடுகளை அனுபவிப்பதற்கும், இன்னும் அவருடைய பணியில் வாய்ப்புகளை பெறுவதற்கும், அவைகளை ஞானமாக பயன்படுத்திக்கொள்வதற்கு கிருபையையும் விண்ணப்பிக்கலாம்.

நீங்கள் ஜெயிக்கத்தக்கதான சோதனைகளையும், பரீட்சைகளையும் பெற்றிருந்தால், மேலும் அவைகள் நற்குணங்களாகிய பொறுமை, அனுபவம், சகோதர சிநேகம் இரக்கம் மற்றும் அன்பு போன்றவைகள் உங்களுக்குள் வளர்ச்சி அடைந்தால்,

தெய்விக இரக்கத்தையும் உதவியையும் பெற்றதை ஒப்புக்கொண்டு, மகிழ்ச்சியுடன் நன்றியறிதலான ஜெபங்களை ஏறெடுங்கள். தாங்க முடியாத அளவுக்கு உங்கள் சோதனை பாரமாகவும், உங்களை நொருக்கிபோடும் அளவுக்கு வேதனையாகவும்

இருந்தால், உங்கள் பிரச்சனையை பாரம் சுமப்பவரிடம் கொண்டு செல்லுங்கள். இதை சுமப்பதற்கு உதவியாக. உங்களுக்கு நன்மை செய்யக் கூடிய எந்த காரியத்தையும் கேளுங்கள். உங்களுக்கு நன்மை செய்யாத மற்றும் உங்களை

காயப்படுத்தக்கூடிய எல்லாவற்றிலுமிருந்து உங்களை விடுவிக்கும்படி ஜெபியுங்கள். கர்த்தருடைய கட்டளைக்கும் “சபை கூடிவருதலை விட்டுவிடாதீர்கள்” என்பதற்கும் கீழ்ப்படிய வேண்டும் என்கிற வாஞ்சை தங்கள் இருதயத்தில் நிறைந்திருந்தும்

தாங்கள் ஜெயங்கொள்ள முயன்றும் முடியாது போன ஒரு வழியில் தாங்கள் நியாயமற்ற முறையில் தடையுற்றிருந்தால், இந்த விஷயத்தை ஜெபத்தில் கர்த்தரிடம் எடுத்துச் செல்லுங்கள், தங்கள் ஜெபத்தின்படி கவனித்து காத்திருந்து

பிரயாசப்படுங்கள், நிச்சயமாக தங்கள் சார்பாக தெய்வீக வல்லமையின் வெளிப்பாட்டை தாங்கள் விரைவில் காண்பீர்கள்.

ஒரு உண்மையான சகோதரன், ஒரு போர்சேவகன் தடுமாறிக்கொண்டு ஆபத்திலிருப்பதை நீங்கள் கண்டால், அவரை விடுவிப்பதற்கு உடனடியாக நீங்கள் ஓடுவதோடு கூட, அவரை மீண்டும் புதுபிக்கும் வரையில் அல்லது முழுமையாக அவர்

நெருக்கமான பாதையில் முழு விருப்பத்தோடு பயணிக்கும் வரையில், அவருக்காக இடைவிடாமல் கிருபாசனத்தண்டைக்கு சென்று ஜெபிக்கும் அளவுக்கும் உங்கள் இருதயம் முழுமையான அன்பினால் பெருகக்கடவது. தவறு தங்களுடையதாக

இருக்குமாயின், தங்கள் ஜெபங்களும் முயற்சிகளும் நிச்சயமாக தங்கள் சொந்த ஆதாயத்திற்காக ஆசீர்வதிக்கப்பட்டு நீக்கப்படும். மிகுந்த மகிழ்ச்சியை கொடுக்கும் சுவிசேஷத்தை பிரசங்கிப்பதற்கு உங்களிடம் எந்த விதமான பக்தியும் உங்களிடம்

இல்லை என்றால், அதற்காக விசுவாசத்தோடும், ஆர்வத்தோடும் விடாமுயற்சியோடும் ஜெபியுங்கள், விரைவில் நீங்கள் அதைப் பெறுவீர்கள். சுவிசேஷத்திற்காக நீங்கள் பக்தி வைராக்கியமும் அன்பையும் கொண்டிருந்தாலும், அதை

வெளிக்காட்ட திறமை இல்லாதவர்களாக இருந்தால், நீங்கள் பெற்றிருப்பதை முழுமையாக பயன்படுத்திக்கொண்டு, அந்த திறனுக்காக ஜெபியுங்கள். உங்களுக்கு வைராக்கியமும், திறமையும் இருந்தபோதிலும். வாய்ப்புகள் இல்லை என்றால்,

உடனடியாக அதற்காக ஆண்டவரிடத்திற்கு ஜெபியுங்கள். உங்களுக்கு கிடைத்த எல்லா வாய்ப்புகளையும் நீங்கள் உண்மையாக பயன்படுத்துகிறீர்கள் என்று அவரிடம் சொல்லுங்கள். அதற்குபின் உங்கள் கரங்களை மடக்கிகொள்ளாமல், நீங்கள்

எட்டிபிடிக்கும் அளவுக்கு உள்ள குறைவான மற்றும் மிகச் சிறிய வாய்ப்புகளையும் கூட அதிகமாக கவனித்து பயன்படுத்துங்கள்.

உங்கள் வீட்டிற்கும். குடும்பத்திற்கும், மற்றும் தேவனுடைய விசுவாச வீட்டில் உள்ள சகோதரர்களுக்கும், உங்களுடைய சண்டைபோடும் மனப்பான்மை, அல்லது தவறான பழக்கங்கள் பாரமாக இருக்கிறதாக நீங்கள் உணருகிறீர்களா! இதை

ஆண்டவரிடம் ஜெபத்தில் எடுத்துச் செல்லுங்கள், அவைகளை ஜெயிப்பதற்கு கிருபையையும், உதவியையும் கேளுங்கள். இதற்கு இடையில் உங்கள் ஜெபத்திற்கிணங்க உங்கள் சிறப்பான விடாமுயற்சியையும் பயன்படுத்துங்கள்.

தேவனுக்கும் சத்தியத்திற்கும் ஊழியம் செய்வதற்கான உங்கள் முயற்சிகள் பொதுவாக தோல்வி அடையும் அளவுக்கு நீங்கள் ஞானத்தில் குறைவுள்ளவர்களா? “உங்களில் ஒருவன் ஞானத்தில் குறைவுள்ளவனாயிருந்தால், யாவருக்கும்

சம்பூரணமாய்க் கொடுக்கிறவரும் ஒருவரையும் கடிந்துகொள்ளாதவருமாகிய தேவனிடத்தில் கேட்கக் கடவன், அப்பொழுது அவனுக்குக் கொடுக்கப்படும்.” (யாக்கோபு 1:5) என்ற வாக்குத்தத்தத்தை நினைவுக் கூர்ந்தவர்களாக, ஆண்டவரிடம்

ஜெபியுங்கள்.

உங்களது தவறான நியாயத்தீர்ப்பு அல்லது மற்றவர்களின் நேர்மையற்ற தன்மை அல்லது ஏழைகளிடம் நீங்கள் காட்டின தாராள குணம் போன்றவைகளினால் உங்கள் தொழிலில் சிக்கல்கள் ஏற்பட்டுள்ளதா? இவைகள் உங்களை குழப்பமடையச்

செய்து, ஆவிக்குரிய விஷயங்களில் உங்கள் முன்னேற்றத்தைத் தடுக்கிறதா? மேலும் இவைகள் புதுசிருஷ்டியின் பொதுநலனை அச்சுறுத்துகிறதா? ஆண்டவருடைய கிருபாசனத்தண்டையில் முன் வைப்பதற்கு இது சரியான விஷயமாகும்.

உங்களுடைய விடுதலை எவ்வாறு வரவேண்டும் என்று நீங்கள் ஆணையிட முயற்சிப்பது சரியானதாக இல்லாவிட்டாலும் உங்கள் புத்திசாலித்தனமான முயற்சிகள் வெற்றிகரமாக நிறைவேற்ற ஆண்டவர் ஒரு அதிசயத்தை செய்யவேண்டும்

என்று எதிர்ப்பார்க்கவும் கூடாது. ஆயினும் உங்கள் ஞானத்தால் செய்ய முடிந்ததை காட்டிலும், உங்களுக்கு வழிகாட்டுவதற்கும். முடிவுகளை மேற்க்கொள்வதற்கும் அவருடைய ஞானத்தை நீங்கள் கேட்கலாம்.

இங்கு பரந்த அளவிலான பாடங்கள் உள்ளது (அது பரவலாக விரிவாக்கப்படலாம்). அதன் அடிப்படையில் நாம் இயேசுவின் நாமத்தினால் தைரியமாக கிருபாசனத்தண்டைக்கு சென்று தேவனுடைய போதுமான கிருபையை கேட்டு

பெற்றுக்கொள்ளலாம். தேடி கண்டுபிடிக்கலாம். ஆனால் ஜெபத்தில் நாம் தேவனானவரை அணுக முடியாமல் போகக்கூடிய பாடங்களின் அளவும் பெரியளவில் உள்ளது. பெருமை அல்லது சுயநலம் அல்லது லட்சியத்திற்கு ஊழியம்

செய்யும்படியாக நாம் எதையும் கேட்கக்கூடாது. அல்லது மற்றவரை காயப்படுத்தும் எதையும் நாங்கள் கேட்கக்கூடாது அல்லது அவருடைய வார்த்தையின் வெளிப்படுத்தப்பட்டுள்ள தேவனுடைய திட்டத்திற்கு முரண்படும் எதையும் நாம்

கேட்கக்கூடாது. ஆஹா! எத்தனை பேர், தங்களுடைய பூமிக்குரிய விருப்பங்களின் மேலுள்ளபற்றினால், “விண்ணப்பம் பண்ணியும்… தகாதவிதமாய் விண்ணப்பம் பண்ணுகிறபடியினால், பெற்றுக் கொள்ளாமலிருக்கிறார்கள்.”

மன்னா ஜூன் 25 தொடர்ந்து ஜெபித்து. நன்றியுணர்வோடு விழித்திருங்கள். கொலோசேயர் 4:2 விசுவாசம் மற்றும் பொறுமையின் ஒவ்வொரு சோதனையும், உதவி அளிக்கும் வாக்குத்தத்தங்களுக்காக ஜெபம் செய்வதற்கான ஒரு சந்தர்ப்பமாகும்.

வெற்றி பெறுவதற்கான ஒவ்வொரு தோல்வியும், மன்னிப்பைப் பெறுவதற்காக ஜெபிக்கும் ஒரு சந்தர்ப்பமாகும். மேலும் நம்முடைய சொந்த பலவீனத்தின் படிப்பினை ஆழமாக புரிந்துக்கொள்ளப்பட்டதால், இதேபோன்ற அடுத்த சோதனையில் நாம்

உடனடியாக விண்ணப்பிக்கவும், வாக்குறுதியளிக்கப்பட்ட “கிருபாசனத்தை” பற்றிகொள்ளக்கூடிய தெய்விக ஆசீர்வாதங்களுக்காக ஜெபிக்கக்கூடிய ஒரு சந்தர்ப்பமாகும். நாம் நம்மையே உயர்த்திக்கொள்ளாதபடிக்கும். மேட்டிமை அடையாதபடிக்கும்,

தாழ்மைப்பட்டு, மிக பெரிய எதிராளியாகிய சாத்தானுடைய அடுத்த தாக்குதல்களுக்கு கவனத்தோடு இருக்கும்படியாக, நம்முடைய சுயத்தின் மீது நாம் அடையக்கூடிய ஒவ்வொரு வெற்றியும். ஜெபத்திற்கான சந்தர்ப்பமாக உள்ளது.

சத்தியத்திற்காக நாம் செய்யக்கூடிய ஒவ்வொரு ஊழியமும், மகா இராஜாவை சேவிக்கக்கூடிய வாய்ப்புக்காக நன்றிகளை ஏறெடுக்கும் ஜெபத்திற்கான சந்தர்ப்பமாக உள்ளது. மேலும் அவருக்காக ஏதாவது பாடுகளை அனுபவிப்பதற்கும். இன்னும்

அவருடைய பணியில் வாய்ப்புகளை பெறுவதற்கும், அவைகளை ஞானமாக பயன்படுத்திக்கொள்வதற்கு கிருபையையும் விண்ணப்பிக்கலாம்.