R5571 (page 334]
பூமியைச் சூழ்ந்து மூடிக்கொண்டுவரும் மகா உபத்திரவ காலத்தின் சோதனைகளிலிருந்தும், இன்னல்களிலிருந்தும் தப்பித்துக்கொள்ளலாம் என்று ஒருவரும் எண்ணிக்கொள்ள வேண்டாம். “முதலாவது சுத்தமுள்ளதாயும், பின்பு சமாதானமாயும்,
இணக்கமுள்ளதாயும், இரக்கத்தாலும், நற்கனிகளாலும் நிறைந்ததாயும்” பரத்திலிருந்து வரும் ஞானம் என்று அப்போஸ்தலனால் தெரிவிக்கப்படும் ஞானத்தினைப் பயன்படுத்துவதன் வாயிலாக, சூழ்நிலைகளை நல்லதாக்க முற்படுவதே சிறந்த
வழியாகும். ஒருவன் எந்தளவுக்குப் பரம ஞானத்தின் இந்தப் பரிந்துரைகளைக் கைக்கொள்கின்றானோ, அவ்வளவாய் அவன் தேவ தயவைப் பெற்றுக்கொள்வான் என்பதில் நமக்கு நிச்சயமே. அந்தத் தயவானது, அவனுக்குச் “சகலமும் நன்மைக்கு
ஏதுவாய் நடக்கும்” என்று உறுதிபடுத்துகின்றதாய் இருக்கின்றது.
தன் வழிகாட்டுதலுக்குக் கீழ்க்காணப்படுபவர்களுக்கு எந்தவொரு பெற்றோராலும் அல்லது ஆலோசகராலும் கொடுக்க முடியும் மிகவும் விலையேறப்பெற்றப் படிப்பினைகள் – முதலாவதாகப் பொன்னான பிரமாணம் பற்றியதாகவே இருக்கும் –
முற்றும் முழுமையான நீதியினை மனதில் ஆழப்பதிய வைப்பதேயாகும் – இதற்குக் குறைவான எதையுமல்ல; இரண்டாவதாகப் பொன்னான பிரமாணத்தினால் அடையாளப்படுத்தப்படும் நீதியோடுகூட, இரக்கம், மனதுருக்கம், அனுதாபம்,
உதவிபுரியும் ஆவி தொடர்பான படிப்பினைகளாகும். இது விஷயத்தில் மூன்றாம் பாடம் சாந்தம், தயவு, பொறுமை, நீடிய பொறுமை தொடர்பாக இருக்க வேண்டும். நான்காம் பாடம் அனைத்திலும் சிக்கனமாய் இருத்தல் ஆகும் – வீணாக்குவதைத்
தவிர்ப்பதாகும் – தனக்கு அவசியப்படாத ஒன்று வேறொருவருக்கு அவசியப்படலாம் என்ற உணர்ந்துகொள்ளுதலாகும்.
இப்படிப்பினைகளைக்குறித்துக் குறிப்பிடுகையில், நமது வாசகர்கள்கூட ஆவிக்குரிய, பரம உணவு காணப்படும் கர்த்தருடைய பந்தியில் போஷிக்கும் தேவப்பிள்ளைகளாகக் காணப்படுகின்றனர்,; மேலும் இவர்கள் தங்கள் குடும்பங்களைக்
கர்த்தருடைய வார்த்தைகளுக்கு இசைவாகப் பயிற்றுவிப்பதன் மூலம் தங்கள் குடும்பங்களை ஆசீர்வதிக்க நாடுகின்றவர்களாய் இருக்கின்றனர் என்று எண்ணி நாங்கள் கூறுகின்றோம்.
நெருங்கிக்கொண்டிருப்பதாக நாம் பார்த்துவரும் கொடிய துன்பகாலத்தில் குணலட்சண விஷயத்திலுள்ள இத்தகைய ஆயத்தமானது எந்த ஒரு பெற்றோராலும் தன் பிள்ளைக்குக் கொடுக்க முடிந்திட்ட சிறந்த சொத்தாய் இருக்கும். பங்கு
சந்தைகளும், கடன்பத்திரங்களும் உணவு அளிக்காமல் போகலாம்; வங்கிக்கணக்குகள் விஷயத்தில் சீர்க்குலைவு ஏற்படலாம்; பணத்தை வைத்திருப்பது என்பது திருடுவதற்கும், கொலைச் செய்திடுவதற்கும் பொல்லாத ஜனங்களுக்குச்
சோதனையாய் அமைந்திடலாம்; ஆனால் நல்லக் குணலட்சணம் என்பது திருடப்படமுடியாது. நல்லக் குணலட்சணத்தைப் பெற்றிருப்பதின் வாயிலாக அது ஒருவிதமான சமாதானத்தையும், பாதுகாப்பையும், நம்பிக்கையையும் கர்த்தருக்குள்
கொடுத்திடும் – இவை எல்லாவற்றிற்கும் மேலாக விலையேறப்பெற்றதாகும்.
கர்த்தருக்கும், அவர் ஊழியத்திற்கும் தங்கள் இருதயங்களையும், தங்கள் ஜீவியங்களையும், தங்கள் அனைத்தையும் முழுமையாய் அர்ப்பணம்பண்ணிடுவதற்கு யாரும் அதிகமாய் வற்புறுத்தப்பட வேண்டாம் என்று நாங்கள் கூறுகின்றோம். தேவ
ஜனங்களுடைய ஜீவியங்களானது எல்லாவிதத்திலும், “சகல மனுஷராலும் – விசேஷமாகச் சொந்தக் குடும்பங்களினால் அறிந்து வாசிக்கப்பட்டும் இருக்கிற ஜீவனுள்ள நிருபங்களாக” இருக்க வேண்டும். இத்தகைய ஜீவியங்களானது
கர்த்தருக்குப்பண்ணின அர்ப்பணிப்பின் முழுமையை மாத்திரம் இல்லாமல், இதன் விளைவான சமாதானத்தையும், சந்தோஷத்தையும், ஆறுதலையுங்கூடச் சாட்சி பகர்ந்திட வேண்டும். “தேவசமாதானம் உங்கள் இருதயங்களில் ஆளக்கடவது”
(கொலேசெயர் 3:15). ஒரு புத்திமதியின் வார்த்தையைக்கூட வாயினால் சொல்லாமல், உங்கள் ஜீவியங்கள் ஜீவனுள்ள நிருபமாக இருப்பதின் வாயிலாக வரும் படிப்பினைகள், உங்கள் செல்வாக்கின்கீழ் நேரடியாகக் காணப்படுபவர்கள்
அனைவருக்கும் ஆற்றல்மிக்க படிப்பினைகளாய்
இருக்கும். மேலும் ஏற்றகாலங்களில் கர்த்தராகிய இயேசு கிறிஸ்துவையும், அவரது திருவசனத்தின் செய்தியையும் முழுமையாய் ஏற்றுக்கொண்டதின் வாயிலாக நீங்கள் பெற்றுக்கொண்ட ஆறுதலையும், சந்தோஷத்தையும், சமாதானத்தையும்,
ஆசீர்வாதத்தையும் குறித்தும், இதுபோலவே உங்களது அன்புக்குரியவர்களும் ஆசீர்வதிக்கப்படுவதை, ஆறுதல்படுத்தப்படுவதை, ஆவிக்குரிய குணமாகுதல் அடைவதுமாகியவைகளைக் காண்பதில் உங்களுக்கு எத்தகைய மகிழ்ச்சியிருக்குமென்பது
குறித்தும் உங்கள் குடும்பத்தாரிடம், நண்பர்களிடம் மற்றும் அயலகத்தார்களிடம் நீங்கள் தெரிவிப்பது ஏற்றதாய் இருக்கும்.
எனினும் வெறும் மாய்மாலமாகக் காணப்படும் விதத்தில் கர்த்தருக்கு அர்ப்பணம் பண்ணியுள்ளதாக அறிக்கை மாத்திரம்பண்ணிக்கொள்ளும் காரியங்களைச் செய்வதை உங்கள் பிள்ளைகளும், நண்பர்களும் தவிர்த்துக்கொள்வது நலமாய் இருக்கும்.
மாய்மாலமான அறிக்கை செய்பவர்கள் அநேகர் ஏற்கெனவே இருக்கின்றனர். இத்தகையவர்கள் கிறிஸ்துவின் நோக்கங்களுக்கும், அதைப்போல் தங்களுக்கும் ஊறுவிளைவிக்கின்றவர்களாய் இருக்கின்றனர்; ஏனெனில் மாய்மாலம் என்பது,
விசேஷமாய்க் கர்த்தரை அவமதிக்கும் காரியமாகும் மற்றும் அது மாய்மாலக்காரனாலேயே ஜெயிக்கமுடியாத அளவிற்கு அவனுக்கு இடையூறின் சுவராய்க் காணப்படும். ஆகையால் பணம் மற்றும் சமூக விஷயங்களில் மாத்திரமில்லாமல்,
தேவன் மற்றும் மதம் / பக்தி விஷயத்திலும் குறிப்பாக நம்முடைய செல்வாக்கானது நேர்மையின் அடிப்படையில் உண்டானதாய் / நேர்மையின் பக்கமாக இருக்க வேண்டும்.
தேவ ஜனங்கள் தங்கள் சொந்தக் குடும்பத்தாருக்கு அவர்களுடைய தேவைகளைச் சந்தித்திட வேண்டும் என்று அப்போஸ்தலன் வலியுறுத்துகின்றார் மற்றும் அப்படிச் சந்தித்திடும் காரியமானது யோக்கியமாய்ச் செய்யப்பட வேண்டும் என்று
அப்போஸ்தலன் வலியுறுத்துகின்றார் – யோக்கியமாய் இல்லையெனில் செய்யப்படக்கூடாது. இன்னுமாக தேவையில் இருக்கும் மற்றவருக்குக் கொடுக்கத்தக்கதாகக் கர்த்தருடைய ஜனங்கள் தங்கள் சொந்தக் கைகளினால் உழைக்க வேண்டும்
என்றும் அவர் புத்திகூறுகின்றார். இந்த அறிவுரைகளானது பூமிக்குரிய பொக்கிஷங்களை – பூமிக்குரிய சொத்தைச் சேர்க்க வேண்டும் என்பதற்கான பரிந்துரைகளாகப் புரிந்துகொள்ளப்படக்கூடாது. கர்த்தருடைய ஜனங்கள் தங்கள் விசுவாசத்திற்கு
இசைவாக ஜீவித்திட வேண்டும் – பரலோகத்தில் தங்கள் பொக்கிஷங்களைச் சேர்த்துவைக்க வேண்டும். ஆகையால் தற்காலிகப் பூமிக்குரிய தேவைகள் சம்பந்தப்பட்ட இந்த யோசனைகளானது சொத்துக்களைக் குவித்துக்கொள்வதற்கான
பரிந்துரைகளாய் இராமல் மாறாக, “உலகச் செல்வத்தில் தகாதவிதமாய் ஈடுபடாமல் அதைப் பயன்படுத்திட வேண்டும்” என்பதற்கான பரிந்துரைகள் மாத்திரமே.
இந்தக் கட்டுரையினுடைய ஆதார வசனத்திற்கு இசைவாகவும், எதிர்காலத்தில் சம்பவிக்கப் போகிறவைகள் குறித்த நமது கண்ணோட்டங்களுக்கு இசைவாகவும், நம்முடைய வாசகர்களுக்கு நாம் சிலவற்றைப் பரிந்துரைக்க விரும்புகின்றோம்.
கர்த்தருடைய நாளின் பெருந்துன்பங்கள் அனைத்துமே, அடுத்துவரும் பதினொரு மாத காலங்களுக்கு உள்ளாக, பூமியின்மீது காணப்படும் என்பது குறித்து நமக்கு உறுதியாகத் தெரியாவிட்டாலும், அந்தக் காலத்தினுடைய துன்பங்கள் நிமித்தமாய் –
நம்முடைய குடும்பங்கள், நம்முடைய நண்பர்கள் மற்றும் நம் அயலகத்தாரின் நலன் கருதி சில ஏற்பாடுகளை நாம் செய்திடுவது ஏற்றதாய் இருக்கும்.
உலர்ந்த, சுத்தமான கிடங்குகள் அல்லது இதற்குப் பொருத்தமான, நல்லக் காற்றோட்டமுள்ள இடங்கள் வைத்திருப்பவர்களுக்கு, உணவுகளைச் சேகரித்து வைப்பதற்குப் பரிந்துரைக்கின்றோம்; உதாரணத்திற்குப் பெருமளவில் நிலக்கரி, அரிசி,
உலர்ந்த பட்டாணிகள், உலர்ந்த பயிர்கள், புல்லரிசிகள் (Oats), கோதுமைகள், வாற்கோதுமைகள், சர்க்கரை, கருப்புக்கட்டிகள், உலர்ந்த மீன்கள் முதலியவைகளை வைத்துக்கொள்ளலாம். சேமித்து வைக்கும் உணவுகளின் அளவுகளையும்,
ஊட்டச்சத்துகளையும் மனதில் வைத்துச் சேர்த்துவையுங்கள் – ரசம் (soup) என்பது ஊட்டச்சத்து நிறைந்ததும், விலைக்குறைந்ததுமாகும் எனும் காரியத்தினை மனதில் வைத்துக்கொள்ளுங்கள். அடுத்தக் கோடை காலம் துவங்குவது
வரையிலும் இவ்வளவு அதிகமான பொருட்களை வைத்திருக்க வேண்டுமே என்றும், கெட்டுப்போவதைத் தவிர்ப்பதற்காக, நஷ்டத்திற்கு அவற்றை விற்க வேண்டிய அவசியம் ஏற்படுமே என்றும் கவலைப்படாதீர்கள். “புசிப்பதற்கான இந்த உணவு
சேமிப்பைச் சுயநலத்துடன் நீங்கள் கருதிடாமல், மாறாக குறைச்சலுள்ளவர்களுக்குக் கொடுக்கத்தக்கதாக உங்களுக்கு உண்டாய் இருக்கும்” ஏற்பாடாக – அதாவது தேவையில் இருப்பவர்களுக்காகவும், கர்த்தருடைய வழிகாட்டுதலின்பேரில்
உங்களிடத்திற்கு வருபவர்களுக்காகவும் உள்ள ஏற்பாடாகக் கருதிக்கொள்ளுங்கள் (எபேசியர் 4:28).
உங்களுடைய இந்த முன்ஏற்பாடுகள், நோக்கங்கள் முதலியவைகள் குறித்து தாரை ஊதிக்கொண்டு திரியாதீர்கள். “உனக்கு விசுவாசமிருந்தால் அது தேவனுக்கு முன்பாக உன் மட்டும் இருக்கட்டும்.” இந்த உணவு சேமிப்புக்குறித்து உங்கள்
குடும்பத்தினர் மாத்திரம் தெரிந்திருக்க வேண்டும் மற்றும் அதை அவர்கள் மற்றவருக்குத் தெரிவியாதபடிக்குக் கண்டிப்புடன் அறிவுறுத்துங்கள். புயல்கள், சண்டைச்சச்சரவுகள் முதலியவைகள் ஏற்பட வாய்ப்புள்ளது என்ற கண்ணோட்டத்தின்
அடிப்படையில், கூடுமானமட்டும் குளிர்காலத்திற்கென்று சில முக்கிய உணவுகளைச் சேகரித்துவைப்பது ஞானமாய் இருக்குமென்று உங்கள் நண்பர்களிடம் அல்லது அயலகத்தாரிடம் யோசனையாய்த் தெரியுவியுங்கள். மகா உபத்திரவகாலம்
குறித்து விவரங்கள் அதிகம் கொடுப்பதற்கு முற்படாதிருங்கள்; ஏனெனில் அநேகர் இவ்விஷயத்திற்குக் குருடர்களாகவும், செவிடர்களாகவும் இருக்கின்றனர்.
ஒருவேளை உங்களிடம் பணமில்லையெனில் கடன்வாங்கி இப்பொருட்களை வாங்காதிருங்கள். காரியத்தை விட்டுவிட்டு மிகுந்த விசுவாசம்கொண்டிருங்கள்; பொன்னான பிரமாணம் என்பது கர்த்தருடைய ஜனங்களினால் அங்கீகரிக்கப்படும்
மிகவும் lowest standard / கீழ்த்தள நியமமே / அடிப்படையான நியமமே என்பதையும் மற்றும் இது எவ்வகையான அன்பு / அறம் காண்பிக்கப்படுவதற்கு முன்னதாகவே நடப்பிக்கப்பட வேண்டும் என்பதையும் நினைவில் கொள்ளுங்கள்.