2 நாளாகமம்19:1-11

“நீங்கள் திடமனதாயிருந்து காரியங்களை நடத்துங்கள், உத்தமனுக்குக் கர்த்தர் துணை.” ( 2 நாளாகமம் 19:11 )

யூதாவின் சரித்திரத்தில் யோசபாத் சிறந்த இராஜாக்களில் ஒருவராகக் காணப்பட்டார். இவர் ஆசாவின் குமாரனாவார். இப்பாடத்தில் பார்க்கப்படும் சம்பவங்கள் நடைபெற்ற காலத்தில் இவர் இருபது வருஷங்கள் அரசாண்டவராகக் காணப்பட்டார். இவர் தன் தகப்பனாகிய ஆசாவைக்காட்டிலும் மிகவும் ஆற்றல்மிக்க சீர்த்திருத்தவாதியாகக் காணப்பட்டார் – இவர் விக்கிரக ஆராதனைச் செய்யப்பட்டிருந்த தோப்புகள் அனைத்தையும் முழுமையாய் அழித்துப்போட்டார்; இவ்விஷயம் இத்தோப்புகளில் சில அழிக்கப்படாமல் காணப்படும்படியாக இவர் தகப்பனார் அனுமதித்திருந்ததைச் சுட்டிக்காட்டுகின்றது. இன்னுமாக இவர் தம்முடைய இராஜ்யம் எங்கும் உண்மை தெய்வ வணக்கத்தை ஸ்தாபித்தார் மற்றும் எல்லா விதத்திலும் நீதிக்காய் வைராக்கியம்கொண்டிருந்தார். இவரைக்குறித்தப் பதிவானது மிகவும் அநுகூலமான வெளிச்சத்தில் இவரது ஆளுகையை எடுத்துக் காட்டுகின்றது.

இவர் பேராசையின் காரணமாய்த் தவற்றிற்குள் விழுந்தார். பத்துக் கோத்திரங்களாகிய இஸ்ரயேலின்மீது காணப்பட்ட ஆகாப் மற்றும் யேசபேலின் மகளோடு இவர் தன் குமாரனுக்குத் திருமண ஒப்பந்தம்பண்ணிக்கொண்டார். இந்த ஒன்றிணைதலின் வாயிலாக இறுதியில் இந்த இரண்டு தேசத்தாரும், தன் குமாரனின் கீழ் மறுபடியுமாய் ஒன்றாக இணைந்துகொள்வார்கள் என்பது இவரது ஆசையாகக் காணப்பட்டது என்பதில் ஐயமில்லை. அந்தோ பரிதாபம்! எத்தனை நல்லப் புருஷர்களும், நல்ல ஸ்திரீகளும் பேராசையினாலும், வேகத்தினாலும் பாதிப்பிற்குள்ளாகியுள்ளனர். பிள்ளைகளுடைய உண்மையான சந்தோஷம் மற்றும் ஆவிக்குரிய வளமையைவிட, பிள்ளைகளுடைய பூமிக்குரிய வளமைகள்குறித்து அதிகம் சிந்திப்பவர்களாக எத்தனை பெற்றோர்கள் காணப்படுகின்றனர்! இத்தகைய பெற்றோர்கள் எவ்வளவு நல்லவர்களாகவும், சிறந்தவர்களாகவும், உயர் நோக்கமுடையவர்களாகவும் காணப்பட்டாலும்கூட, இம்மாதிரியான காரியங்களிலுள்ள இவர்களது நடத்தையானது, இவர்கள் தேவனிடத்தில் கொண்டிருக்கும் விசுவாசமின்மையைச் சுட்டிக்காட்டுகின்றதாய் இருக்கின்றது; அல்லது அவரது ஏற்பாடுகளுக்கு உண்மையாய் இணங்கிச் செயல்பட்டால், அது மற்ற அனைத்தையும் காட்டிலும் மகா ஆசீர்வாதத்தைக்கொண்டுவரும் என்று உணராமல், இவர்கள் அவர் சித்தத்திற்குக் கீழ்ப்படிந்து ஒப்புக்கொடுக்காததைச் சுட்டிக்காட்டுகின்றதாய் இருக்கின்றது.

தீமையுடன் கூட்டணி என்பது அபாயகரமானதாகும்

இஸ்ரயேலின் இராஜ குடும்பத்தினரோடு கலப்புத் திருமணம்பண்ணிடுவதற்கு வழிநடத்தின பேராசையானது, இரண்டு இராஜ குடும்பங்களுக்கிடையே ஐக்கியமும், தோழமையும் ஏற்படுவதற்கும் வழிநடத்தினதாய் இருந்தது; மேலும் இதன் விளைவு எதிர்ப்பார்க்கப்பட்டது போலப் பொல்லாப்பானதாகவே காணப்பட்டது. “ஆகாத சம்பாஷணைகள் நல்லொழுக்கங்களைக் கெடுக்கும்” என்று அப்போஸ்தலன் கூறுகின்றார். ஒருமுறை மகன் ஒருவன் தன் தாயிடம், ஏன் அயலகத்தார் மத்தியிலுள்ள சில சிறுவர்களுடன் [R3394 : page 205] விளையாடிடுவதற்குத் தன்னை அவள் அனுமதித்திடவில்லை? என்று கேட்டான். அச்சிறுவர்களுடைய செல்வாக்கானது அவன்மீது தீமைக்கேதுவானதாய்க் காணப்படும் என்று அஞ்சுவதாக அத்தாய்ப் பதிலளித்தாள். அச்சிறுவர்களின் மாதிரியானது தன்மீது சாதகமற்றச் செல்வாக்கினைக்கொண்டிருக்கும் என்பதைவிட, தன்னுடைய நல் உதாரணமானது, அயலகத்தார் மத்தியில் காணப்படும் அச்சிறுவர்கள்மீது நல்தாக்கம்கொண்டிருக்குமே என்று ஏன் அவள் எதிர்ப்பார்த்திடவில்லை என்று கேட்டான். தனது கருத்தினை விவரிக்கும்படியாக, தனக்குச் சுத்தமான தண்ணீருள்ள டம்ளர் / tumbler ஒன்றையும், மை / ink உள்ள குப்பியையும், பேனாவையும் கொண்டுவரும்படியாகத் தன் குமாரனிடத்தில் கேட்டுக்கொண்டாள். அவன் இவைகளைக் கொண்டுவந்தபோது, மையில் ஒரு துளியைத் தண்ணீருள்ள டம்பளரில் போடும்படியாகக் கூறினாள். அவனும் செய்தான்; ஒரு துளி மையினால் உண்டாகும் விளைவினைக் கவனிக்கும்படியாகக் கூறினாள்; பின்னர் ஒரு துளி தண்ணீரை எடுத்து, மைக்குப்பியில் போடவும், அதில் எவ்வித மாற்றமும் ஏற்படாததைக் கவனிக்கவும் கூறினாள். இப்படிப்பினை அருமையானதாகும்; தீமையில் சீரழிக்கும் வல்லமையும், நீதியைப் பொருட்படுத்தாத எதிர்மறையான கீழ்நோக்கிய தன்மையுமே காணப்படுகின்றது.

நமக்கான பாடம் என்னவெனில், “நாம் உலகத்தால் கறைப்படாதபடிக்கு நம்மை நாம் காத்துக்கொள்ள வேண்டும்;” இன்னுமாக இப்படிச் செய்கையில் தேவ வசனத்தினுடைய அறிவுரைகளுக்கு, ஊக்குவித்தல்களுக்கு, கடிந்துகொள்ளுதல்களுக்கு மற்றும் புத்திமதிகளுக்கு நம்மை இசைவாய்க்கொண்டு வந்திடுவதற்குத் தெய்வீக உதவியை நாம் நாடிட வேண்டும் என்பவைகளேயாகும். பாவத்தின் சிறு புளிப்பினால் ஒட்டுமொத்த சமுதாயத்தினையே பாதித்திட முடியும்; பாவமானது விழுந்துபோன மனித சுபாவத்தில் சுயமாய் / தானாகவே வளர்ந்திடும் ஆற்றல் பெற்றதாகும்; ஆனால் இப்படித் தானாகவே வளரும் இயல்பினை நீதியானது பெற்றிருப்பதில்லை. இதை நாம் அதிகமதிகமாய் உணருகையில், உலகத்திற்கு அவசியமானதாய்க் காணப்படும் மாபெரும் சகாயத்திற்காய் நாம் கர்த்தரை ஏறெடுத்துப்பார்க்கின்றவர்களாய் இருப்போம்; கர்த்தருடைய இராஜ்யம் வருவதாக என்றும், இந்த இராஜ்யத்தின் வாயிலாக உலகில் நீதி ஸ்தாபிக்கப்படவும், பரலோகத்தில் செய்யப்படுவதுபோல இறுதியில் பூமியிலும் தெய்வீகச் சித்தம் செய்யப்படுவதாக என்றும் நாம் அதிகமதிகமாய் ஜெபம்பண்ணுகிறவர்களாகவும், ஊழியம்பண்ணுகிறவர்களாகவும் காணப்படுவோம்.

யூதாவின் இராஜாவுக்கும், இஸ்ரயேலின் இராஜாவுக்கும் இடையிலான தோழமையின் காரணமாக, யூதாவின் இராஜா, இஸ்ரயேலின் இராஜாவைச் சந்தித்தார் மற்றும் இம்மாதிரியான தருணத்தில், இஸ்ரயேலுக்கு ஒருகாலத்தில் சொந்தமாயிருந்த ஒரு குறிப்பிட்ட பட்டணத்தை, சீரியா இராஜாவின் கையிலிருந்து கைப்பற்றிட தான் முயற்சிக்கப்போவதாக இஸ்ரயேலின் இராஜா தெரிவித்தார். மேலும் வெற்றிகரமாய் முடியும் என்று எதிர்ப்பார்க்கப்படுகின்றதான யுத்தத்தில் தன்னோடுகூட யூதாவின் இராஜா வரும்படியாக வேண்டிக்கொண்டான். மரியாதையின் நிமித்தமாகவும், ஆகாபின் நட்பை வளர்த்திட வேண்டும் என்ற விருப்பத்தின் நிமித்தமாகவும், யோசபாத் ஒத்துக்கொண்டு, அவனோடு யுத்தத்திற்குப் போனார்; அந்த யுத்தம் மோசமாகிப் போக, யூதாவின் இராஜா எப்படியோ தப்பித்துக்கொள்கின்றார். யூதாவின் இராஜா யுத்தத்திலிருந்து திரும்பி வருகையில் கர்த்தர் தீர்க்கத்தரிசியாகிய யெகூ மூலமாய்க் கூறினதாவது: “துன்மார்க்கனுக்குத் துணைநின்று, கர்த்தரைப் பகைக்கிறவர்களை நீர் [R3394 : page 206] சிநேகிக்கலாமா? இதினிமித்தம் கர்த்தருடைய கடுங்கோபம் உம்மேல் வர இருந்தது” (2 நாளாகமம் 19:2) – இது தேவனுடன் இசைவில் காணப்படுவதுவரையிலும் யூதாவின் இராஜாக்களோடு காணப்படும் என்று விசேஷமாய் வாக்களிக்கப்பட்டிருந்த தெய்வீகத் தயவிற்கான எந்த நிரூபணம் இல்லாமல் அவமானத்தோடே இராஜா திரும்பி வந்ததில் சுட்டிக்காட்டப்படுகின்றது.

விட்டுப்பிரிந்திருங்கள் என்கிறார் ஆண்டவர்

இந்த முழுக்காரியமும் கர்த்தருடைய ஜனங்களுக்கு ஒரு முக்கியமான பாடத்தைக் கற்றுக்கொடுக்கின்றது; அதென்னவெனில்: எல்லாக் காரியங்களில் முதலாவதாகக் கர்த்தருடைய சித்தத்தை நாடுவதும், நம் காரியங்கள் மற்றும் நலனுக்கடுத்த விஷயங்களை அவர் வழிநடத்திடும்படியாக விட்டுவிடுவதும் நமது காரியமாகும். துன்மார்க்கருடன் ஒன்றிணைவதற்கு எதிராய் நாம் விசேஷமாய் விழிப்புள்ளவர்களாய் இருக்க வேண்டும் – அவர்களுக்கும், நமக்கும், நம் குடும்பங்களுக்கும் இடையில் ஐக்கியங்கள், விவாக ஒப்பந்தங்கள் முதலானவைகள் ஏற்படுத்தப்படுவதற்கு எதிராய் நாம் விழிப்புள்ளவர்களாய் இருக்க வேண்டும். யூதாவின் இராஜாக்களில் சிறந்தவர்களாய் இருப்பவர்களில் ஒருவர் இப்படியான தவறு செய்துவிட்டாரே என்று மிக அதிகமாய் எண்ணிக்கொண்டிருக்க வேண்டாம்; ஆனாலும் இராஜரிக ஆசாரியக்கூட்டத்தின் அங்கத்தினர்கள், பரிசுத்த ஆவியினால் ஜெநிப்பிக்கப்பட்டவர்கள்… கர்த்தரிடத்திலுள்ள அவர்களது உறவின் விஷயத்திலும், தங்களுடைய மற்றும் தங்கள் பிள்ளைகளின் காரியங்களிலுள்ள பொறுப்பின் விஷயத்திலும் மிகவும் அலட்சியம்கொண்டிருந்து, ஏதேனும் விதத்தில் யோசபாத்தின் நடக்கையைப் பின்பற்றிடுவார்களானால், அதைக்குறித்தே நாம் ஆச்சரியப்பட வேண்டும்; எனினும் இப்படியாகத் தங்கள் காரியங்களையும், தங்களுடைய பிள்ளைகளின் காரியங்களையும் வழிநடத்திடும் விஷயத்தினைத் தங்கள் சொந்தக் கைகளில் எடுத்துக்கொள்ள முயற்சித்து, இவ்விஷயத்தில் கர்த்தரைப் புறக்கணிப்பவர்களாய் இருப்பவர்கள் அநேகர் இருக்கின்றனர் என்பதை நாங்கள் நன்கு அறிவோம். நாம் கிருபையிலும், அறிவிலும் வளர்கையில், சிலசமயங்களில் நம்முடைய தவறுகள் வாயிலாக நாம் சிலவற்றைக் கற்றுக்கொள்கின்றோம்; நாம் தவறுகளிலிருந்து அதிகமதிகமாய் விடுதலையடைந்து, அதிகமதிகமாய்க் கர்த்தருக்குப் பிரியமாகிட வேண்டும்.