1 சாமுயேல் 3:18

ஏலியின் வீட்டில் துன்பத்தின் சம்பவம் வரப்போகின்றது என்று தெரிவிக்கும் ஒரு செய்தியை, கர்த்தர் சாமுயேலின் வழியாக ஏலிக்கு அனுப்பினார். கர்த்தர் அனுமதிக்க சித்தம் கொண்டுள்ள பெருந்துன்பத்தைப்பற்றிக் கேட்ட மாத்திரத்தில்தான், நமது பாடத்தின் ஆதார வசனத்தினுடைய வார்த்தைகளை ஏலி பேசுகின்றார்; இன்னுமாக பெருந்துன்பம் வந்த பிற்பாடு என்று இல்லாமல், பெருந்துன்பம் வருவதற்கு முன்னதாகவே ஏலி, அதற்குக் கீழ்ப்படிந்து தன்னை ஒப்புக்கொடுப்பதையும் இவ்வசனத்தின் வார்த்தைகள் சுட்டிக்காட்டுகின்றது. ஆகவே இவ்வசனத்தின் வார்த்தைகளானது, ஏலியிடம் வெளிப்படும் தாழ்மையைக் காண்பிக்கின்றதாய் இருக்கின்றது.

ஏலி அநேக வருடங்களாக, இஸ்ரயேலில் நியாயாதிபதியாக இருந்திருக்கின்றார்; இன்னுமாக பதிவுகளை வைத்துப்பார்க்கையில், இவர் பின்பற்றத் தகுந்த மாதிரியாகவே, அதாவது தனது சகல செயல்களிலும் நீதியுடன்தான் காணப்பட்டிருந்திருக்கின்றார். ஆனால் இவருடைய குமாரர்கள் “பேலியாளின் மக்கள்” என்று அழைக்கப்பட்டிருந்தனர்; இவர்கள் பல்வேறு வழிகளில் பொல்லாதவர்களாகக் காணப்பட்டார்கள். ஏலியிடமிருந்து வெளிப்பட்ட செல்வாக்கானது, இஸ்ரயேல் ஜனங்களுக்கு நன்மை பயப்பிக்கின்றதாய் இருக்க, ஏலியின் பராமரிப்பின் கீழிலும், அவருடைய ஒப்புதலின்கீழிலும் இன்னொரு முரண்பாடான செல்வாக்கும் உதித்து வளர்ந்தது. ஒருவேளை இந்தப் பொல்லாத செய்கைக்காரர்கள், ஏலியின் சொந்தக் குடும்பத்தாராக இல்லாதிருந்திருப்பார்களானால், சந்தேகத்திற்கு இடமின்றி ஏலி, நியாதிபதி எனும் தனக்குரிய அதிகாரத்தின்படி இவர்களிடத்தில் செயல்பட்டிருந்திருப்பார். இங்குத் தேவபக்தியாய் இருந்தும், தனது குடும்பத்திற்குரிய தலைவன் என்ற நிலையில் குறைவுடன் இருக்கும் மனிதனைப் பார்க்கின்றோம். இவர் இவருடைய வீட்டின் தலைவனாக, தனது பிள்ளைகளை நடத்த வேண்டிய வழியில் பயிற்றுவித்திருக்க வேண்டும்; அவர்களை இவர் நீதியில் பயிற்றுவித்திருக்க வேண்டும். இல்லையேல் இவர்கள் இவருடைய குடும்பத்தின் அங்கத்தினர்களிலிருந்து தள்ளப்பட்டு, நியாயம் வழங்குபவராகிய இவரால் செயல்படுத்த முடிகின்ற குறிப்பிட்ட கட்டுப்பாட்டுகளுக்குள் இவர்கள் கொண்டுவரப்பட்டிருக்க வேண்டும்.

[R5297 : page 251]

ஏலியின் குணலட்சணத்தில் காணப்பட்ட வழு / தவறு

இச்சம்பவத்திலிருந்து, தேவன் நம்மிடத்திலும், நம்முடைய குடும்பத்திலிருந்தும் எதிர்ப்பார்க்கின்றவைகள் தொடர்பான ஒரு பாடத்தை நாம் எடுத்துக்கொள்ளலாம். ஒருவேளை ஒரு பிள்ளை திருடுகிறதாய், ஒழுக்கம்கெட்டதாய், தேவையின்றிக் குறுக்கிடுகின்றதாய் அல்லது பாதகம் ஏற்படுத்துகின்றதாய் இருக்குமாயின், கிறிஸ்தவ பெற்றோர் இப்படியாகத் தொடர அனுமதிக்கக்கூடாது. இதை எப்படியேனும் முடிவுக்குக் கொண்டுவருவதற்குக் கிறிஸ்தவ பெற்றோர்கள் கடமைப்பட்டிருக்கின்றனர். எனினும் தேவனுக்கான பயபக்தி தொடர்புடைய விஷயத்தில் நாம் கொண்டிருக்கும் கருத்திலிருந்து பிள்ளையானது வித்தியாசமான கருத்துக்கொண்டிருக்குமானால், நாம் பிள்ளையைக் கட்டுப்பாட்டிற்குள் கொண்டுவந்தாக வேண்டும் என்று எண்ணிவிடக்கூடாது.

பெருந்துன்பம் பற்றின இச்செய்தியானது, சிறுவனாகிய சாமுயேல்மூலம் ஏலிக்கு வந்ததை நாம் நினைவில்கொள்ள வேண்டும். அக்காலத்தில் தீர்க்கத்தரிசிகளுக்கு நடப்பதுபோன்று கர்த்தர் தன்னை அழைக்கும் குரலைச் சாமுயேல் கேட்டார். ஏலியின் குரல் என்று சாமுயேல் எண்ணிக்கொண்டு, ஏலியினிடத்திற்குப்போய், நான் என்ன செய்ய வேண்டும்? என்று கேட்டார். ஏலி தான் அழைக்கவில்லை என்றும், திரும்பிப்போய்ப் படுத்துக்கொள்ளுமாறும் சாமுயேலிடம் கூறினார். இப்படியாக மூன்றுதரம் நடந்தது; கர்த்தர் பிள்ளையை அழைப்பதாக ஏலி புரிந்துகொண்டார். ஆகவே சாமுயேலை மீண்டும் போய்ப் படுத்துக்கொள்ளுமாறும், ஒருவேளை மீண்டும் அழைக்கும் குரல் கேட்குமானால், “கர்த்தாவே சொல்லும், அடியேன் கேட்கிறேன்” என்று சொல்லி, சாமுயேல் கர்த்தருக்கு ஊழியஞ்செய்யக் கொண்டிருக்கும் தனது ஆயத்தத்தைக் காண்பிக்குமாறும் ஏலி சாமுயேலிடம் கூறினார். சாமுயேல் தனக்குச் [R5297 : page 252] சொன்னபடியே செய்தார், மேலும் ஏலி தனது குடும்பம் சார்ந்த விஷயத்தில் கொண்டிருந்த அஜாக்கிரதையின் காரணமாக, அவர்கள் ஆசாரியத்துவத்திலிருந்து அறுப்புண்டுப் போவார்கள் என்று கர்த்தர் சாமுயேலிடம் கூறினார்.

ஏலியின் அருமையான கீழ்ப்படிதல்

கர்த்தர் பயன்படுத்தின சாமுயேலாகிய கால்வாய்க்கு எதிராக ஏலி எவ்விதமான கோபத்தையும் வெளிக்காட்டாத விஷயம் குறிப்பிடத்தக்கக் காரியமாகும்! சாமுயேலின் பெற்றோர்கள், சாமுயேலை அர்ப்பணித்ததுமுதல், ஏலி சாமுயேலைத் தனது குடும்பத்திற்குள் ஏற்றுக்கொண்டிருந்தார். பிள்ளையாகிய சாமுயேல் வழியாகத் தேவன் தன்னிடம் பேசுவதன்மூலம், தேவன் தன்னைப் புறக்கணிக்கின்றார் என்று புரிந்துகொண்ட காரியமானது கோபத்தை மூட்டுவதற்குரிய பெருமையின் ஆவியைத் தூண்டிவிடுவதற்குப் போதுமான காரணமாக இருந்திருக்கும். ஆனால் ஏலியின் நடத்தையோ, அவருடைய இருதயம் மென்மையாய் இருப்பதைக் காட்டுகின்றது. கர்த்தர் தன்னிடம் தெரிவித்ததைச் சாமுயேல் தெரிவித்தபோது, ஏலி: “அவர் கர்த்தர். அவர் தமது பார்வைக்கு நலமானதைச் செய்வாராக, இது கர்த்தருடைய நியாயத்தீர்ப்பு. இது நிச்சயமாகச் சரியானதும்! நிச்சயமாக நல்லதும்தான். கர்த்தர் தம்முடைய பார்வைக்கு நலமானதைச் செய்வாராக, ஒருவேளை என்னுடைய சொந்தக் குடும்பத்திற்கு அழிவு வருவதாகவும், ஒருவேளை ஆசாரியத்துவத்திலிருந்து என்னுடைய குடும்பம் தள்ளப்படுவதாகவும் இருப்பினும், கர்த்தர் தம்முடைய பார்வைக்கு நலமானதைச் செய்வாராக” என்றும் கூறினார்.

ஆசாரியத்துவத்திலிருந்து ஏலியின் குமாரர்கள் தள்ளப்படுவது என்பது ஏலியின் குமாரர்கள் மரித்துப்போவதைக் குறிக்கின்றது, ஏனெனில் ஏலியின் குமாரர்கள் ஆரோனின் ஆசாரியத்துவத்தில் ஆசாரியர்களாக வரும் வரிசையில் காணப்பட்டார்கள். ஏலியின் இவ்வார்த்தைகள் முழுமையாகக் கீழ்ப்படிந்து ஒப்புக்கொடுப்பதற்கு ஓர் அருமையான உதாரணமாகக் காணப்படுகின்றது. ஏலி ஒருவேளை சில விஷயங்களில் பெலவீனராய்க் காணப்பட்டாலுங்கூட, வேறு விஷயங்களில் பலமாய்க் காணப்படுகின்றார், அதாவது அவருடைய தாழ்மையிலும், கீழ்ப்படிந்து ஒப்புக்கொடுப்பதிலிலும் பலமாய்க் காணப்படுகின்றார். யாரெல்லாம் சாந்தத்துடனும், கற்பிக்கத்தக்க நிலையிலும் தங்கள் விஷயத்தில் காணப்படுகின்றார்களோ, இவர்கள் பெரும்பாலும் இவர்களுடைய கட்டுப்பாட்டின்கீழ்க் காணப்படும் மற்றவர்களைக் கையாளும் விஷயத்தில் போதுமான அளவுக்கு உறுதியுடன் காணப்படுவதில் மிகவும் சிரமப்படுகின்றனர். இவர்களைக் கர்த்தரிடத்தில் கீழ்ப்படியச் செய்கிறதும், சாந்தமாய் இருக்கச் செய்கிறதுமான பண்பானது, இவர்களை மற்றவர்களிடத்தில் இரக்கத்துடனும், கடினமில்லாமலும் இருக்கச் செய்கின்றது. ஆனால் கர்த்தர் மற்றும் அவருடைய வழிநடத்துதல்கள் மற்றும் ஏற்பாடுகள் தொடர்புடைய விஷயத்தில் சாந்தத்துடனும், கீழ்ப்படிந்து ஒப்புக்கொடுத்தலுடனும் நாம் காணப்படும் அதேவேளையில், மற்றவர்கள் தொடர்புடைய விஷயத்திலும் கர்த்தருடைய சித்தத்தை உறுதியாகச் / நிலையாகச் செயல்படுத்த முடியக்கூடிய நிலையில் நாம் காணப்படுவது நல்லதாகும்.